Свет
Можно е одложување на влезот на Романија во ЕУ
Надворешно политичкиот одбор на Европскиот парламент синоќа го одложи изјаснувањето за кандидатурата на Романија за членство во Европската унија, со образложение дека од членките ќе побара мислење за можно одложување на приемот на земјата во полноправно членство.
Надворешно политичкиот одбор на Европскиот парламент синоќа го одложи изјаснувањето за кандидатурата на Романија за членство во Европската унија, со образложение дека од членките ќе побара мислење за можно одложување на приемот на земјата во полноправно членство. Романија и Бугарија би требало на 25 април да потпишат договори за приклучување во ЕУ, за во 2007 година да станат полноправни членки на Унијата, но бавното спроведување на реформите во Романија би можело да го одложи приемот на земјата за една година. Одборот на Европскиот парламент најави дека ќе ги почека оценките на Европската комисија и владите на 25 членки на Унијата, пред да даде мислење за прашањето на 30 март. Европскиот парламент во април би требало да се изјасни за приклучувањето на Романија и Бугарија, непосредно пред потпишувањето на договорите. Во нацрт извештајот на Одборот, властите во Букурешт се повикуваат да го забрзаат спроведувањето на економските, политичките и правосудните реформи или ќе дојде одложување на приемот. Во извештајот се предупредува дека во случај Романија да не го забрза темпото на реформите за приближување кон ЕУ, “ќе биде оправдано да се донесе одлука за одложување на приемот за една година“. Се укажува дека известувањето за одложување не треба да се гледа како на “санкција, туку како на механизам кој на Романија би требало да и даде време да се подготви за приклучување, без потрес за неа или за политиката на заедницата (ЕУ)”./крај/б/ил/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.