Свет
Вонредна седница на египетската влада
Египетскиот премиер Есам Шараф свикал вонредна седница на Владата и ја откажал посетата на Обединетите Арапски Емирати по жестоките судири во Каиро.
Египетскиот премиер Есам Шараф свикал вонредна седница на Владата и ја откажал посетата на Обединетите Арапски Емирати по жестоките судири во Каиро.Според последните информации на државните медиуми во Египет, во крвавиот судир меѓу муслиманите и христијаните во Имбаба, предградие на Каиро, загинаа десет луѓе, додека 186 се повредени.„Премиерот Шараф свика итна седница на Владата со цел да ги испита случувањата во Имбаба“, изјавил Ахмед ал-Самам, портпаролот на владиниот Кабинет.Претходно беше јавено за смртта на шест лица, додека бројот на повредените во судирите изнесуваше околу 140 .„Бројот на жртвите се утврдува поради судирите кои се проширија и на други области во Имбаба“, изјавил за агенцијата МЕНА претставник на министерството за внатрешни работи на Египет.До судирите дојде откако четири илјади салафити – следбеници на една од најрадикалните струи на исламот – ја блокираа црквата „Мари-Мина“, каде во тоа време имало многу верници. Тие барале ослободување од црквата на девојка од христијанско семејство, која, наводно, го прифатила исламот за да се омажи за муслиман. Христијаните тврдат дека тие не држат никој, туку дека станува збор за напад од религиозните екстремисти врз црквата. Подоцна, градските власти потврдија дека девојката не била задржувана во црквата.Сепак, меѓу христијаните и муслиманите избила престрелка со огнено оружје, која била прекината со интервенција на војската и полицијата. Подоцна неидентификувани лица запалиле уште една црква во Имбаба во близина на местото на судирот, а пожарникарите и локалните жители успеале да го локализираат огнот.Гувернерот на провинцијата Гиза, Али Абдел Рахман, изјави дека ситуацијата е ставена под контрола, благодарение на напорите на армијата и полицијата, како и на локални шеици кои ги повикале младите да се вратат во нивните домови.Ова не е првпат салафитите да бараат властите да ослободат христијанин кој, според нив, доброволно го прифатил исламот, а бил насилно чуван од роднините. Тие пред извесно време бараа ослободување на уште една христијанка – Камиљ Шахат, која според нив го прифатила исламот, а потоа насилно била испратена во манастир. Во црквата во каирскиот регион Абасија пред една седмица имаше големи протести на салафитите, но тие завршија без судири. Во саботата Шахат лично се јави со демантирање дека преминала во исламот велејќи дека „ќе умре како христијанка“.Врховниот муфтија на Египет, Али Гумаа ги осуди судирите меѓу муслиманите и христијаните, повикувајќи ги Египќаните да сторат се за да се избегнат секташките непријателства.„Во таков напад врз безбедноста на Египет не може да тргнат луѓе кои добро се разбираат во нивната религија, без оглед на тоа дали тие се муслимани или христијани“, се наведува во соопштението што го издаде муфтијата Гумаа цитирано од МЕНА.По промената на власта во Египет и влошувањето на безбедносната ситуација во земјата зачестија и конфликтите на верска основа. На слобода од затворите беа пуштени многу исламисти, а новата влада не ги забранува нивните активности.Во Египет е најголемата христијанска заедница на Блискиот Исток. Според различни проценки, тие претставуваат околу 10 отсто од 80-милионското население на Египет./крај/рн/хина/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Крим ја повика Русија да отвори истрага против Зеленски за тероризам
Претседателот на Кримската меѓуетничка мисија Заур Смирнов изјави дека мисијата ја повикала Русија да отвори кривична постапка против украинскиот претседател Володимир Зеленски за тероризам на руски територии.
„Зеленски води и насочува терористички активности против Крим и други руски области кои резултираа со човечки жртви. Оваа активност треба да биде предмет на кривично гонење и истрага. Верувам дека руските истражни органи треба да отворат кривична постапка против Зеленски“, рече Смирнов.
Кримската меѓуетничка мисија се состои од неколку јавни организации, а е основана со цел да се постигне „меѓуетничка хармонија“ на Крим, пренесува ТАСС.
Свет
(Видео) Невидени поплави во Бразил: „Ова е катастрофа, ќе се влошува“
Десет лица загинаа, а 21 се водат за исчезнати по обилните дождови кои предизвикаа бројни поплави и лизгање на земјиштето оваа недела во јужната бразилска држава Рио Гранде до Сул, а локалните власти предупредуваат дека ситуацијата е критична и може да се влоши.
На прес-конференцијата во средата, гувернерот на државата Едуардо Леите рече дека разговарал со претседателот Луис Инасио Лула да Силва барајќи секаква можна федерална помош.
Quem está no Rio Grande do Sul, se proteja. Fiquem em locar seguro. Tomo todos os cuidados possíveis. Por pouco não aconteceu uma tragédia, neste caso. pic.twitter.com/cy2TEwSf2m
— Tumulto BR (@TumultoBR) May 1, 2024
„Поминуваме низ најлошиот момент во Рио Гранде до Сул, најголемата катастрофа во нашата историја. Она што се случува во Рио Гранде до Сул во моментов е апсолутно, незамисливо, крајно сериозно. И за жал, само ќе се влоши“, рече Леите.
O dilúvio no Rio grande do Sul não está poupando nem os porcos! pic.twitter.com/QBsHYpr2GC
— Ney (@neydux17) May 1, 2024
Според гувернерот, невремето предизвикало најголемо уништување во државата во последните години, оставајќи неколку градови изолирани по уривањето на мостовите и уништените патишта.
Maior enchente já registrada na minha cidade no Rio Grande do Sul tive que socorrer os bichinhos da minha cunhada pic.twitter.com/oKefGh7aJA
— henrique Rhoden (@henriqueRhoden3) May 1, 2024
Властите избројаа повеќе од 3.400 раселени лица откако бурите предизвикаа покачување на нивото на реките и поплави во различни делови на земјата, погодувајќи 114 општини.
Во извештајот во вторникот, државната влада предвиде ризик од поплави „практично низ целата држава“ со оглед на изгледите за продолжување на „обилните врнежи“ во наредните денови.
Que coisa triste, meu Deus do céu
Eu espero que todo mundo que esteja fazendo piada com a situação do Rio Grande do Sul veja esse vídeo e repense pic.twitter.com/5E4DGleHSO
— O Bon Vivant MuitoHumilde (@muitohumildee) May 2, 2024
Во извештајот се наведува и дека поплавите ќе бидат сериозни во сливовите на многу реки, а можни се поројни поплави и масовни лизгања на земјиштето во регионите со стрмни падини.
Свет
Хамас веројатно ќе го отфрли последниот предлог за договор за заложници, пишува „Тајмс оф Израел“
Хамас најверојатно ќе го отфрли последниот предлог за договор за заложници, подготвен од посредниците, кој доби зелено светло од Израел, пишува „Тајмс оф Израел“.
Осама Хамдан, функционер на Хамас со седиште во Либан, за телевизијата Ал-Манар, поврзана со Хезболах, изјави дека позицијата на Хамас за сегашниот предлог за преговори е негативна.
Од прес-службата на Хамас подоцна појаснија дека негативната позиција не значи дека преговорите се прекинати.