„ Ставот на ВМРО-ДПМНЕ за отворање на анкетна комисија е позитивен. Ние ќе го поддржиме формирањето на анкетна комисија без да прејудицираме било каква вина. Со тоа што цениме дека оваа иницијатива е доказ дека Социјалдемократскиот сојуз сфати каква грешка направи

„ Ставот на ВМРО-ДПМНЕ за отворање на анкетна комисија е позитивен. Ние ќе го поддржиме формирањето на анкетна комисија без да прејудицираме било каква вина. Со тоа што цениме дека оваа иницијатива е доказ дека Социјалдемократскиот сојуз сфати каква грешка направи, и сфати што всушност направија тие неколку пратеници на Социјалдемократскиот сојуз. За да биде ефикасна работата, ние цениме дека анкетната комисија треба да ја раководи човек којшто  не е дирекно поврзан и тангиран со случувањата“, изјави на денешната пресконференција за медиуми директорот на Центарот за комуникации на ВМРО-ДПМНЕ Илија Димовски.

Според  ВМРО-ДПМНЕ , Павле Трајанов од Демократскиот Сојуз би требало да раководи со ова анкетна комисија.

„Тој е човек кој што има огромно искуство во безбедносните и работите поврзани со МВР. Тоа е ставот на ВМРО-ДПМНЕ по однос на ова прашање“, изјави Димовски.

На новинарското прашање дали на ВМРО-ДПМНЕ не му  пречи тоа што СДСМ бара само одговорност од членот 43 од законот за Собрание ,а не и законот за Внатрешни работи, Димовски одговори дека станува збор за манипулација.

„Она што се виде од камерите е фактот дека неколку пратеници на Социјалдемократскиот сојуз, директно извршуваат напад врз човек, без разлика дали тој човек е припадник на МВР, дали е снимател, дали е новинар, дали е член на ВМРО-ДПМНЕ, дали е член на СДСМ, дали е работник, дали е стечаец. Пратеници на Социјалдемократскиот сојуз се осмелија да нападнат човек, се друго е ирелевантно. Замислете во една држава, пратениците кои што треба да бидат најголеми борци за демократија извршуваат груб напад врз човек, рече Димовски./крај/со/ит