Свет
ТРОШИМЕ ПОВЕЌЕ МЕТАДОН ОД СРБИЈА И АЛБАНИЈА ЗАЕДНО

Метадонот е лек што најчесто се користи како замена за хероинот и за опијати при лекување на наркозависници
Метадонот е лек што најчесто се користи како замена за хероинот и за опијати при лекување на наркозависници
Македонија годишно троши околу 27.000 грама метадон, што е повеќе отколку потрошувачката на Србија и на Албанија заедно, кои вкупно користат 23.000 грама, покажува најновата анализа на Интернационалниот контролен борд за дрога на Организацијата на Обединетите нации. Метадонот е лек што најчесто се користи како замена за хероинот и за опијати при лекување на наркозависници.
Анализата на Контролниот борд ги покажува потребите за наркотични средства и за психотропни супстанции за секоја земја во светот во текот на 2006 година.
Според податоците, Македонија, од земјите на Балканот, годишно троши повеќе метадон од Србија – 20.000 грама, Албанија – 3.000 грама, Хрватска – 15.000 грама и од Босна и Херцеговина – 7.922 грама. Помалку метадон нашата држава користи од Словенија – 45.000 грама и од Грција, која троши 186.170 грама метадон.
Најголем производител, но и потрошувач на метадон во светот се Соединетите Американски Држави, кои годишно трошат 13,9 тони од овој лек.
За и против употребата на метадонот
Употребата на метадон при лекување на хероинската зависност е дискутабилна.
Оние што ја поддржуваат метадонската терапија тврдат дека лицата што се лекуваат на овој начин ја намалуваат интравенската употреба на хероин. Тие објаснуваат дека лекувањето се метадон е ефикасен начин за спречување на заразувањето со сида, хепатитис и други заразни болести. Економичноста е уште една од предностите при употребата на метадонот за лекување на наркозависниците.
Од друга страна, пак, критичарите тврдат дека наркозависниците стануваат робови на метадонот и не се одвикнуваат од зависноста. Според нив, многу често доаѓа до злоупотреба на метадонската терапија, така што зависниците го продаваат метадонот за потоа повторно да купат хероин. На тој начин се создава таканаречен маѓепсан круг од кој зависникот никогаш не излегува. Сепак и покрај големиот број противници, метадонската терапија се применува во многу држави како ефикасен и докажан начин за лекување на зависниците. Светската здравствена организација, Агенцијата за контрола на сидата и Канцеларијата за дрога и криминал на ООН сметаат дека метадонот е лек и ефикасно и докажано средство за спречување на заразувањето со сида.
Ефикасна замена за хероинот
– Лицата зависни од хероин речиси секои шест часа, гонети од ужасниот страв од криза, мора да најдат дрога, за што се потребни пари и време. Соодветната доза на метадон што ја определува лекар, а која се зема орално, ефикасно го спречува развојот на хероинската апстиненцијална криза. Метадонот секогаш се применува кај лица со веќе развиена зависност од хероин, објаснуваат од здружението „Инфо-дрога“, на чија бесплатна СОС-линија секојдневно се јавуваат граѓани што имаат проблеми со дрогата.
Тие велат дека, за разлика од принудната употреба на хероин, што доведува до тешки оштетувања на здравјето, како и до девијантно однесување и склоност кон криминал, при користењето на метадон се елиминираат овие последици.
Во Македонија, метадонот се користи во јавната здравствена установа Психијатриска болница „Скопје“, во Дневната болница за превентива и лекување на зависност од дроги во Кисела Вода, во неколку здравствени домови во земјава и во затворите.
– Лекувањето со метадонот може да биде краткотрајно – за детоксикација или, пак, долготрајно – за таканаречено одржување на зависникот. За повеќето пациенти, ефикасната доза е од 60 до 120 милиграми метадон на ден, а од друга страна, пак, голема доза хероин може да го убие корисникот. Успехот во лекувањето со метадон е поголем ако некој е поблиску до горната граница на дозирање и ако се применува со психолошка и социјална поддршка, со учество на семејството и со потесната средина – велат во „Инфо-дрога“
СОС-линијата за помош од дрога е хуманитарна, непрофитна телефонска линија што се залага за унапредување на социјалната и здравствената благосостојба на граѓаните на Македонија. Линијата за помош од дрога во минатиот месец одбележа три години од своето постоење.
Над 1.800 граѓани побарале помош на СОС-линијата
Примарна задача на СОС-линијата за помош од дрога е унапредување на превентивата од употреба на дрога и од заразување со ХИВ/СИДА и со други инфекции преносливи по сексуален пат.
За три години на СОС-линијата за помош од дрога се јавиле над 1.800 граѓани, а биле поставени над 4.000 прашања. Најголемиот број јавувања биле од млади луѓе, но често помош барале и родители загрижени за здравјето на своите деца. Триесет отсто од јавувањата биле од Скопје, а потоа следат Куманово, Охрид, Прилеп, Штип, Кавадарци, Струга и Струмица.
Според видот на информациите што се барани, најголем интерес се пројавува за државни и приватни институциите за лекување, за видовите на дрога, нивни дејства, за последиците и за тестирање за утврдување на присуство на дрога во организмот. Најчесто, оние што се јавувале на операторите им соопштуваат здравствени проблеми предизвикани од употребата на дрога и ризични сексуални односи, семејни и финансиски проблеми. Поради секојдневниот интерес на јавувачите да остварат директен контакт и да поразговараат за својот проблем, во рамките на СОС-линијата функционира бесплатно советувалиште за граѓаните на Македонија.
Во „Инфо-дрога“ велат дека користењето метадон не предизвикува еуфорија, а со неговата примена се нормализира оштетувањето на имунолошкиот систем.
Тие објаснуваат дека метадонската терапија, ако правилно се употребува, не го оштетува интелектот и помнењето на зависникот.
Создавањето на СОС-линијата за помош од дрога е во сообразност со националните цели за создавање стратегија за намалување на побарувачката на дрога и со активностите на Македонија за придружување кон Европската Унија, во чија Стратегија за контрола на дрога, телефонските линии за дрога се наброени како значајна превентивна компонента.
Александар Манасиев
Синдикатот бара оставка од директорот на болницата
Ако најдоцна до среда директорот на битолската Клиничка болница, д-р Дејан Ристевски, не ја обезбеди јулската плата за вработените, синдикатот ќе бара тој да си поднесе неотповиклива оставка.
Првиот синдикалец на битолското здравство Љубиша Каранфиловски вели дека во минатиот месец, по барање на директорот, им биле закинати по 1.000 денари од општествената исхрана и делот наменет за кредити.
– Не можеме да кажеме каде отидоа тие пари. Ние само вршиме притисок директорот да ја исплати јулската плата и, од каде знае, да ги врати задржаните пари – изјави тој.
Синдикатот не знае ни каде завршиле 430.000 евра од продажбата на акции на болницата во Стопанска банка – Битола пред изборите.
Д-р Дејан Ристевски, кој деновиве се врати од годишен одмор, е недостапен за новинарите.
За овие случувања во битолската болница се известени полицијата и Финансиската инспекција, кои ги чешлаат документите.
Според синдикалците, сметката на Клиничката болница е блокирана подолго време поради многубројни извршни судски решенија од фирми кои побаруваат 60 милиони денари. Здравствените работници веќе два месеца се без сини картони. Долговите на здравствениот сектор изнесуваат 1,5 милион денари.
На последниот состанок на синдикалниот совет беше посочено дека во првите шест месеци од годинава Клиничката болница од Фондот за здравство добила над два милиона евра повеќе од планираното, а состојбите наместо да се санираат се влошиле.
(Р.Д.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин се сретна со Виткоф

Рускиот претседател Владимир Путин денес го прими специјалниот пратеник на американскиот претседател Стивен Виткоф.
Средбата се одржува во Кремљ, соопшти прес-службата на рускиот претседател, пренесува ТАСС.
Специјалниот пратеник на Соединетите Американски Држави, Стив Виткоф, денес пристигна во Москва, каде што го пречека генералниот директор на Рускиот фонд за директни инвестиции (RFDIF), Кирил Дмитриев, по што го посетија паркот Зарјадје во Москва.
Двајцата функционери поминаа околу час и половина во ресторанот, по што прошетаа во паркот, ја посетија платформата за набљудување и ја разгледаа панорамата на Москва, пренесува Риа Новости.
Според извештајот, тие разговарале во „пријателска атмосфера“, со присуство на обезбедување.
Виткоф не одговори на прашањата на новинарите за претстојните преговори, ниту за планираните средби.
Портпаролката на Стејт департментот, Тами Брус, потврди дека Виткоф ќе ја посети Русија, но не коментираше конкретни детали од посетата.
Ова е петта посета на Виткоф на Русија од почетокот на годината.
Последните две посети беа на 11 и 25 април, кога се сретна со рускиот претседател Владимир Путин.
Фото: принтскрин
Регион
Одземен претседателскиот мандат на Милорад Додик: тој веднаш одговори

Централната изборна комисија на Босна и Херцеговина му го одзеде мандатот на правосилно осудениот претседател на Република Српска, Милорад Додик. Одлуката беше донесена едногласно на денешната седница.
Додик е осуден на една година затвор и шест години забрана за вршење службени функции, потсетуваат медиумите во регионот.
Според Изборниот закон на БиХ, на секој што ќе биде осуден на правосилна затворска казна од шест месеци или повеќе, ќе му биде прекинат мандатот.
Одбраната на Додик има право да поднесе жалба на оваа одлука до Апелацискиот оддел на Судот на БиХ, кој ги разгледува изборните жалби. По завршувањето на жалбената постапка, одлуката ќе биде конечна, објавува „Кликс“.
По тоа, ЦИК, во законскиот рок од 90 дена, мора да распише предвремени избори за претседател на ентитетот РС.
„Уште едно срa*е од Сараево. Последното“, напиша Додик на „Икс„ по одлуката на ЦИК.
Додик претходно објави дека додека е претседател на РС, нема да дозволи предвремени избори.
Суад Арнаутовиќ, член на Централната изборна комисија на БиХ, изјави дека поради разните толкувања на правните експерти, постојат сомнежи за постапките на ЦИК по пресудата на Додик.
„Донесуваме декларативна одлука според одредбите од законот. Како што е случајот според член 1.10 од Изборниот закон, кога некој ќе почине, кога некој ќе поднесе оставка и кога некој ќе биде осуден. Ние дејствуваме според силата на законот, нема можност ЦИК да не ја спроведе оваа одлука“, рече Арнаутовиќ.
Исто така, ЦИК побара од надлежните полициски органи да обезбедат полициска заштита на своите членови откога биле под притисок пред наведената одлука, пишува „Н1 БиХ“.
Инаку, Додик од 2010 година трипати ја извршуваше функцијата претседател на РС, со исклучок на периодот од 2018 до 2022 година кога беше член на Претседателството на БиХ, пишува „Дневни аваз“.
Фото: принтскрин
Регион
Додик по одземање на мандатот: Уште едно с**** од Сараево

Централната изборна комисија на БиХ (ЦИК) денес му го одзеде мандатот на Милорад Додик како претседател на Република Српска, врз основа на конечна пресуда на Судот на БиХ, со која тој беше осуден на една година затвор за неспроведување на одлуките на високиот претставник на меѓународната заедница.
ЦИК едногласно му го одзеде мандатот на Додик (66) како претседател на ентитетот, на седница одржана во Сараево, заклучувајќи дека тоа е во согласност со одредбите од Изборниот закон на БиХ, кој предвидува таква мерка за секој избран функционер осуден на затворска казна од повеќе од шест месеци.
Додик сè уште има можност да поднесе жалба на оваа одлука, која може да ја поднесе до Апелациониот оддел на Судот на БиХ, што е механизам што се применува во случаите на сите одлуки на ЦИК на БиХ.
Конечната пресуда на Судот на БиХ, објавена на 1 август, исто така му забрани на Додик политичка активност во период од шест години. Во пракса, ова значи дека тој не може да биде кандидат на избори за која било функција или да биде назначен на која било позиција во органите на извршната, законодавната или судската власт, или во која било институција чија работа е целосно или делумно финансирана од јавни средства.
Доколку сака да ја продолжи својата политичка кариера, Додик ќе може да го стори тоа дури откако ќе наполни 72 години, откако суверено ги управуваше политичките процеси во РС речиси две децении, доведувајќи го во прашање опстанокот на БиХ како држава, поради што беше под санкции од САД, Велика Британија и некои земји-членки на ЕУ.
Тој не мора нужно да оди во затвор бидејќи може да побара оваа казна да се замени со парична казна со плаќање на 100 конвертибилни марки, или 50 евра, во државниот буџет за секој ден што го поминува зад решетки. Таквото барање мора да биде одобрено од судот што ја донел пресудата.
Изборниот закон на БиХ предвидува нови избори да се распишат во рок од 90 дена по завршувањето на мандатот на претседателот на РС, но уставот и законите на ентитетот не утврдиле прецизно кој ќе ја извршува претседателската функција во меѓувреме.
Веднаш по изрекувањето на пресудата, првата лута реакција на Додик беше дека нема да се повлече од функцијата претседател на РС, ниту пак ќе дозволи предвремени избори или отворање на гласачки места на територијата на тој ентитет.
Још једно срање из Сарајева.
Посљедње.— Милорад Додик (@MiloradDodik) August 6, 2025
„Уште едно срање од Сараево. Последното“, напиша тој на X.
Фото: ЕПА