Македонија
Ахмети – Прашањето за името во политички маркетинг
Лидерот на ДУИ Али Ахмети смета дека ВМРО-ДПМНЕ и СДСМ често пати прашањето за името го користат за политички маркетинг, јави дописникот на Макфакс
Лидерот на ДУИ Али Ахмети смета дека ВМРО-ДПМНЕ и СДСМ често пати прашањето за името го користат за политички маркетинг, јави дописникот на Макфакс.
„Господинот (Никола) Груевски веќе четири години зборува за ова прашање и мислам дека и ВМРО-ДПМНЕ и СДСМ често овој спор го користат за политички маркетинг”, изјави Ахмети во Тетово, по состанокот на кој амбасадорот Зоран Јолевски го информираше за средбата со медијаторот Метју Нимиц во Женева.
За референдумското изјаснување, Ахмети изјави дека станува збор за прашање, за кое треба да се слушне мислењето и ставот на опозицијата и да се постигне консензус.
„Во решавачкиот момент ние како партија ја преземаме одговорноста и носиме решение за одредената состојба“, рече претседателот на ДУИ
„Албанците ја чувствуваат Македонија како своја земја и сакаат да дадат свој конструктивен придонес во решавањето на спрот со името.”
Ахмети на прес конференцијата, по заминувањето на Јолески го изнесе ставот дека во процесот за името треба да се вклучат сите партии, од власта и опозицијата, истакнати личности и меѓународниот фактор./крај/сс/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.