Македонија
СРД: Електронските медиуми непрофесионално ја следеа кампањата
Забелешки за непрофесионално и неизбалансирано следење на предизборната кампања од страна на електронските медиуми изнесе денеска Советот за радиодифузија (СРД), најавувајќи вкупно 30 прекршочни пријави за кршење на законот.
Забелешки за непрофесионално и неизбалансирано следење на предизборната кампања од страна на електронските медиуми изнесе денеска Советот за радиодифузија (СРД), најавувајќи вкупно 30 прекршочни пријави за кршење на законот.Претседателот на СРД Зоран Стефановски на денешната пресконференција информираше дека четири пријави против медиумите ќе бидат поднесени за прекршок пред изборите, 12 за време на изборната кампања, пет за нарушување на изборниот молк, а девет за неизбалансираност во известувањето, односно во интервјуата.Покрај ова СРД поднела и 26 укажувања до медиумите за прекршувања на одредбите од изборниот законик, од кои четири се однесуваат на предизборниот период, 17 во изборната кампања и пет во време на изборниот молк.Констатација на СРД е дека единствено избалансирано во кампањата информирале телевизиите Телма и Алсат М, како и радиото Канал 77.„Оценката дека најгледаните медиуми се ставиле себеси во функција на застапување на одредена позиција, изречена на средината на кампањата, останува валидна и на крајот од изборите. Всушност, во втората половина се интензивираше ваквото известување, во кое А1 се наоѓа на страната на опозицијата, а Сител на страна на власта“, рече Стефановски.Истакнувајќи дека меѓусебната нетрпеливост помеѓу овие две телевизии дополнително растела, Стефановски рече дека нивното медиумско покривање во кампањата на политичката опција против која се, се одликувало со негативен тон.„Негативно или позитивно врамување има и кај другите медиуми што најјасно се гледа од телопите што стоеја на екранот за време на прилогот претставувајќи сублимат на главната порака што сакаа медиумите да ја пренесат. Вакви примери има кај Канал 5, која позитивно ги врамуваше резултатите од власта, а негативно од опозицијата и кај Алфа, која негативно ги врамуваше активностите на власта“, рече Стефановски.Наодите од мониторингот покажале дека и партиите ги препознале медиумите како свои или како противнички. На А1 и Алфа се рекламираа опозициските партии, Канал 77 имаше реклами само на коалицијата на СДСМ, а на Сител Канал 5 и Наша ТВ немаше платено политичко рекламирање за никого, освен за коалицијата на ВМРО-ДПМНЕ, стои во извештајот. Кај МТВ 1 и Македонско радио-Прва програма исклучително многу време било посветено на известување за активностите на власта во функција на кампања.Сепак констатирано е дека Јавниот сервис ја исполнил својата обврска да им даде на политичките субјекти можност за бесплатно претставување, иако некои од партиите тоа не го искористиле. Стефаноски информираше дека казната, која што ќе треба да ја платат медиумите се движи од 3.000 до 5.000 евра, во зависност од тоа дали станува збор за неизбалансираност, или за драстична неизбалансираност. /крај/ап/ Copyright 2011 makfax. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мисајловски: Ветуваме дека сите дечиња ќе ги запишеме во градинките, сите ученици ќе добијат учебник
Ние како нова влада ветуваме дека сите дечиња ќе ги запишеме во градинките, дека сите дечиња ќе добијат учебник, рече денеска Владо Мисајловски, потпретседател на ВМРО-ДПМНЕ и носител на изборна единица 2.
„Денеска сме тука во Ѓорче Петров во Стопански Двор каде што позади мене ова место набрзо ќе започне изградба на градинка и навистина ми е драго и со огромна чест и задоволство можам да најавам јас заедно со Бојан дека за кратко започнува новата градинка во Ѓорче Петров. Онаа градинка каде што јас и Бојан како пратеници во Собранието поднесовме амандмани и ни беа прифатени од владата и Александар Стојкоски како градоначалник ги започна сите постапки и веќе наскоро ќе потпише договор за да се гради таа градинка во Ѓорче Петров.
Ние како нова влада ветуваме дека сите дечиња ќе ги запишеме во градинките, дека сите дечиња ќе добијат учебник. И затоа ова ветување ни е многу важно за да се започнат сите градинки со изградба. И навистина во Ѓорче Петров имаше голем проблем изминативе години со запишување на дечиња, со нови градинки и така натаму.
Но со одличната работа на Александар и неговиот тим може да видиме дека листата е намалена, со отворање на нови градинки, со нови реконструкции, со нови можности и адаптација дека многу дечиња се згрижија. Но со оваа градинка тука во Стопански Двор навистина е полн погодок и уште еднаш ми е драго што јас и Бојан навистина поднесувавме стотици и стотици амандмани, но овој беше прифатен и околу 60 милиони денари токму тука во Стопански Двор за брзо ќе започне нова градинка во Ѓорче Петров.
Аирлија нека се сите овие проекти. Може да видиме дека во Ѓорче Петров насекаде е раздвижено, се градат нови улици и тука во Стопански Двор, се градат нови улици во Кисела Јабука, се гради во урбаниот дел, се градат нови спортски терени. Вака се сака Ѓорче Петров, вака се сака Македонија. Но за да има уште повеќе проекти и за победува Македонија сите масовно на 8 ми мај да ставиме печат, да ставиме печат на победата на ВМРО-ДПМНЕ и Коалицијата Твоја Македонија и после тоа владата да ги засука ракавите и уште повеќе проекти да има за сите луѓе во Македонија“, рече Мисајловски.
Македонија
Сајкоски: Ќе вложиме во РЕК Битола, комбинатот ќе биде во полн сјај и ќе бидат реконструирани блоковите
Битола е на врвот на агендата на идната влада на ВМРО-ДПМНЕ, рече денеска Ѓорѓија Сајкоски, генерален секретар на ВМРО-ДПМНЕ и носител на изборна единица 5.
„Сакаме да им гарантираме дека Битола ќе биде културен, образовен, економски и енергетски центар. Ќе вложиме во РЕК Битола , комбинатот ќе биде во полн сјај и ќе бидат реконструирани блоковите. Сакаме исто така да укажеме дека ќе вложуваме и во општина Битола. Секоја година општината од владата ќе добива 11 милиони евра, ќе се направат влезовите во Битола. Но, владата исто така ќе ја направи обиколницата до Меџитилија, ќе вложи многу средства за градот Битола. Сакам да ги повикам битолчани во што поголем број на изборите на 8 мај да се приклучат исто како и во првиот круг за да донесеме една голема победа на ВМРО-ДПМНЕ и победа за Македонија“, изјави Сајкоски.
Македонија
Костадиновска-Стојчевска: „Битолски весник“ – пирејот на демократските и културните процеси
Министерката за култура, Бисера Костадиновска – Стојчевска присуствуваше на културната манифестација во Офицерскиот дом во Битола, организирана по повод 60 годишното постоење на локалниот „Битолски весник“. Со честитката за јубилејот желбата за ново децениско опстојување, таа потенцираше дека годишнината е прилика да се нагласи важноста на слободата на медиумите и нивниот придонес во развој на културата.
–„Битолскиот весник“ како пиреј 60 години опстојува простум во медиумскиот етер. Ги паметам изданијата од мојата младост и горда сум на истрајноста и активноста на весникот, со кои се вбројува во релевантен и уникатен презентер на градската колективна меморија. Весникот во континуитет е организатор на културни и хуманитарни настани со што го потврдува својот придонес во позитивните промени во културата,- истакна Костадиновска – Стојчевска.
Низ изложбата со весниците од изминатите шест децении јавноста се присети на архивата и бројноста на изданијата низ кои се потенцирани приказните за животот на човекот. Многу од нив придонеле и за промоција на културните вредности.
–Од 1964 година до денес „Битолски весник“ придонесува за развој на плурализмот и слободата на говорот што го прави чинител во демократските процеси. Единствениот локален весник ја потенцира важноста на гласното новинарство и значењето на вистинското информирање во опкружувањето со дезинформации и лажни вести. Ја нагласувам важноста на медиумите како дел од демократија и ја почитувам нивната слобода и независност во придонесот за заедничка европска иднина“- нагласи министерката за култура од настанот во Битола.
На 29 април, во далечната 1964 година, во предвечерјето на празникот 1 Мај, излезе првиот број на Битолски весник. По повеќе неуспешни обиди да се издаде градски весник, група ентузијасти предводени од првиот главен и одговорен уредник на весникот, Владо Ласковски го издадоа првиот број на Битолски весник.
Во изминатите 60 години весникот се афирмирал и како организатор на значајни манифестации. Веќе 24 години успешно ја организира манифестацијата „Избираме најуспешни битолчани“. 19 години ја доделува наградата за новинарство „Тоде Петревски“, а организирал и бројни хуманитарни акции.
Битолски весник е добитник на многу признанија и дипломи, меѓу кои и највисокото признание на Битола, наградата 4 Ноември.
На денешната свечена Академија беа врачени златни плакети на заслужни поединци, установи, инсититуции, кои дале значаен придонес во опстојувањето на „Битолски весник“.