Министерот за внатрешни работи Панче Тошковски денеска во кругот на министерството официјално ги стави во функција дел од моторните возила набавени за потребите на организациските единици на МВР и БЈБ.

„Во насока на нашата посветеност да градиме вистински опремена, модерна и европска полиција која ќе има капацитет за борба со сите видови криминал и заштита на безбедноста на сите граѓани на Македонија денес имам можност да ги ставиме во употреба нови автомобили обезбедени за потребите на полициските сектори и единици. Се работи за автомобили од производителот Шкода набавени од страна на министерството на јавна набавка, во насока на обновување на возниот парк на министерството кој е во незавидна состојба и кој планираме во следната година да го реобновиме во најголем дел. Македонската полиција ќе биде гордост и носител на безбедноста на македонските граѓаните и се стремиме кон остварување на оваа цел. Продолжуваме во следната година со навистина амбициозни цели на градење нови полициски станици, нови униформи за најголем број полициски единици и модернизација во секој сегмент на работењето на полицијата“, потенцираше Тошковски.

Денес, Управата за јавни приходи организираше настан за прием на нови 25 големи даночни обврзници, кои не припаѓале во групата на големи даночни обврзници и биле администрирани во другите Регионалните дирекции на УЈП.

Од 01.01.2025 година, овие обврзници преминуваат во надлежност на Дирекцијата за големи даночни обврзници (ДГДО) при Управата за јавни приходи, што значи дека ќе бидат под посебен и персонализиран третман, со поголема поддршка и управување со нивните даночни права и обврски а истовремено се и стимулација на економската стабилност.

На настанот свое обраќање пред претставниците на даночните обврзници имаше директорката на УЈП, Елена Петрова, која им честита на новите 25 даночни обврзници, истакнувајќи дека тие стануваат дел од ТОП 300 најголеми даночни обврзници во земјата. ДГДО низ годините управува со мал број големи даночни обврзници од 130 до 430, но тие придонесуваат со висок процент од вкупните даночни приходи (од 38% до 48%). Таа додаде дека преминот во ДГДО е само почеток на едно партнерство на доверба и професионализам, кон постигнување на највисоките стандарди на даночна усогласеност и успешното исполнување на даночните обврски.

„Персонализираниот однос со големите даночни обврзници вклучува не само директни контакти преку контакт лица, туку и редовни средби, состаноци и посети, како и внимателно следење на специфичните даночни ризици на секој обврзник. ДГДО ги следи сите фактори што можат да влијаат на даночната усогласеност, како што се инвестиции, трансакции со нерезиденти, трансакции со поврзани лица, како и активности во технолошко-индустриска развојна зона. Персонализацијата во односите со големите даночни обврзници како принцип овозможува ефикасност и ефективност на ресурсите на УЈП“, истакна Петрова.

Таквата соработка како што додаде Петрова, создава услови за подобро разбирање и соработка, што води до меѓусебна доверба и транспарентност помеѓу УЈП и даночните обврзници.

Меѓусебниот кредибилитет и задоволство се основни принципи кои влијаат на поддршката и поттикнувањето на доброволната даночна усогласеност. Преку ова партнерство, УЈП и големите даночни обврзници ќе продолжат заедно да градат стабилен и транспарентен даночен систем.

Управникот на Дирекцијата за големи даночни обврзници (ДГДО) Пепина Змејковска, на новите даночни обврзници им упати големо добре дојде со порака дека ДГДО е со широко отворени врати за максимална поддршка преку партнерството на цврста основа.

„Вашиот данок, платен на време, значи иднина за државата! Во насока и во согласност со Програмата за работа на Владата 2024-2028 година предвидени се повеќе реформи дигитализација на даночните процедури со цел искористување на ресурсите а со тоа и даноците да се плаќаат со што е можно помалку вложен труд. Дирекцијата со сите преземени мерки ќе ги зголеми приходите преку процесот на модернизација и оптимизација на системот за наплата, и на тој начин ќе постигнеме зајакнување на нашите интерни капацитети како даночен орган“, истакна Змејковска.

Големите даночни обврзници претставуваат основен столб во собирањето на даночните приходи во секоја земја. Нивното значење не произлегува само од големината на нивниот промет, туку и од нивната комплексност и специфичност, што ги прави особено важни за економија во земјава.

Со вклучувањето на новите даночни обврзници во ДГДО, Управата за јавни приходи продолжува да ја зајакнува својата стратегија за поефикасно и персонализирано управување со најголемите даночни обврзници со цел зајакнување на стабилноста и транспарентноста на даночниот систем во Република Северна Македонија.

Потпретседателката на СДСМ, Кристина Костова, реагира на изјавите на премиерот Христијан Мицкоски оценувајќи дека ја навредува интелигенцијата на граѓаните.

„Само затоа што куповната моќ е мала, не значи дека е мала и способноста за расудување на граѓаните. А, граѓаните добро знаат дека Мицкоски прво им даде доволно време на трговците да ги покачат цените, за да денес вели дека срамота било ова што го правеле. Мицкоски двојно ги потценува граѓаните: прво преку празнење на нивните џебови, а сега и преку навредување на нивната интелигенција.
Затоа неговото кревање раменици и лошо изглумена грижа не проаѓаат. Самиот Мицкоски им даде и амин и време на трговците вртоглаво да ги качат цените“, пишува Костова.

Според неа, на сите им е јасно дека Мицкоски е слуга на интересите на големиот капитал, а не на интересите на обичните граѓани.

„И сега, на пет-шест часа пред католички Бадник, тој ќе преземал нешто.

Што би рекле старите „после свадба – тапани.“

Тие евтини приказни за вџашеност од аздисот на трговците нека им ги кажува на нив.

Откако Азески ќе му нареди да си седне на столчето. Ако смее, де“, стои во објавата на Костова на Фејсбук.