Македонија
Утре се очекува читање на обвинението за „Пајажина“
Главниот претрес за случајот „Пајажина“ е одложен за утре во 10, часот кога се очекува да се чита и обвинението на 80 страници.
Главниот претрес за случајот „Пајажина“ е одложен за утре во 10, часот кога се очекува да се чита и обвинението на 80 страници.
Неколку часа траеше тензичната атмосфера во судот, додека адвокатите се договараа со судијката под кои услови да започне главниот претрес. Адвокатите бараа одлагање на главниот претрес, но судскиот совет на чело со судијката Павлина Христова не попушташе.
Најжолчна беше расправата меѓу судијката и адвокатот Мирослав Вујиќ. Судијката неколку пати го опомена адвокатот да се однесува со почит кон судот и му се закани дека ќе биде исфрлен од судењето.
„Јас не се плашам од мајка ми и од татко ми, а не од вас. Не дозволувам некој да ме силува, ова е почеток на силување“ беа дел од репликите на Вуиќ. Оваа расправија кулминираше со исфрлање на Вујиќ од судницата со полициско обезбедување пред паузата што ја даде Христова, поради како што рече непочитување на судот.
Адвокатите на одбраната изнесоа неколку предлози, поради кои, според нив, главниот претрес треба да се одложи.
Причина за реакцијата на Вуиќ беше што судијката рече дека на дел од предлозите ќе одговори дополнително и предложи да започне главниот претрес. Вуиќ се спротистави на нејзиниот предлог и побара да биде одговорено на сите предлози кои ги дале бидејќи од тоа ќе зависела и нивната одбрана, по што беше исфрлен.
„Доколку се уважат предлозите, ќе продолжи една парадоксална ситуација во целиот предмет, каде што ќе немате предмет. Ние сме тука да предлагаме она што е во согласност со законските одредби и со тоа ќе продолжиме и понатаму. Ако минатиот пат судот имаше еден коректен однос, очигледно тој коректен однос беше поради предизборието и предизборната кампања . Сега се демонстрира сила“ изјави адвокатот Вуиќ по излегувањето од судницата.
Одбраната најпрвин побара, да се одложи главниот претрес, поради здравствената состојба на една од обвинетите Ѓултен Џемаили, на која што, според адвокатите и требало понатамошно болничко лекување, но судот го одби овој предлог.
Едниот од предлозите беше да се уништат списите од разговорите кои што биле водени помеѓу адвокатот Вуиќ и неговата колешка Лујза Стаиќ со образложение дека тие не требало да бидат следени со посебни истражни мерки со оглед на тоа што ниту еден од нив не е обвинет.
Одбраната укажа и дека дел од документите кои се доказ се неразбирливи, бидејќи се пишани на неколку странски јазици.Според нив сите докази кои се обезбедени од компјутерските фајлови се прибавени на незаконит начин. Дел од забелешките на одбраната беше и присуството на специјалци во судницата и побараа овие лица да ја напуштат судницата.Но судијката не го прифати овој предлог и рече дека тие само и асистираат на затворската полиција.
Претходно на почетокот на судењето судскиот совет донесе одлука за издвоено судење на обвинетата Жаклина Ѓорѓиевска од останатите обвинети поради нејзината здравствена состојба.
Нејзиниот адвокат рече дека ова претставува преседан во македонското судство и е крајно противзаконска одлука и дека ќе го искористи правото на заштита на законот пред јавниот обвинител.
Судот донесе одлука да им суди во отсуство на петмината обвинети кои се во бегство, вклучително и на синот на сопственикот на А1 телевизија Велија Рамковски. Велија и неговата ќерка Емел, на почетокот на една од паузите од судењето негодуваа, поради тоа што за време на судењето беа разделени.
„Не ми дозволуваат да се доближам ни метар до татко ми. Луѓе без душа, тие немаат душа“ рече Емел. За разлика од минатото рочиште, кога Рамковски ги поздравуваше сите денеска беше смирен.
По паузата судењето продолжи, но по читањето на личните податоци беше одложено за утре, поради лошата здравствена состојба на Ѓултен Џемаили. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
За Бојмацалиев, полицијата е модерна и европска, Тошковски, пак, шокиран од недостоинствените услови во кои работат
Со свеченост во паркот кај авионот во скопско Ново Лисиче денес беше одбележан Денот на полицијата, 7 Мај. Техничкиот министер за внатрешни работи, Панче Тошковски, и дополнителниот заменик-министер, Митко Бојмацалиев, во говорите уште еднаш покажаа дека поинаку гледаат на состојбите во македонската полиција. Бојмацалиев, кој говореше прв, а го слушаа само првите неколку редови гости и полицајци оти голем дел од столчињата беа празни, смета дека полицијата е модерна и европска. За разлика од него, техничкиот министер Тошковски го шокирале условите во кои работат полицајците.
„Овој празничен момент не е време да држиме долги политички говори, туку да се осврнеме на клучното во полициската професија, а тоа се нашите колеги, полициските службеници, кои секојдневно посветено и неуморно ги извршуваат своите службени задачи. Им оддавам признание на колегите што не се со нас, вечна им слава. Северна Македонија е прогласена за најбезбедна земја на Западен Балкан од страна на глобалниот индекс за мир бидејќи вложувавме во развојот на модерна и европска полиција. Вложивме 17 милиони евра во подобри услови и изградба на полициски објекти, 14 милиони евра за нови униформи и опрема, ја покачивме платата 35 отсто и ги исплативме сите бонус плати. Единствено, жалам што немавме кога да издадеме уште една монографија за периодот 2022 – 2024 година бидејќи во тој период се реализираа многубројни достигнувања за државата и полицијата. Благодарам од срце за сите убави моменти од 2017 до денеска. Со гордост можам да кажам дека успеавме МВР да го направиме МВР за граѓаните. Уверен сум дека создадовме одлични услови за полицијата да остане непоколеблив бедем за заштита“, рече Бојмацалиев.
Веднаш по него, техничкиот министер Тошковски, заблагодарувајќи им на полицајците, кажа дека работат во недостоинстевни услови.
„Утре навршуваат 100 дена од моето раководење со оваа значајна институција, 100 дена макотрпна работа, во кои го дадовме најдоброто од себе за да им служиме на граѓаните. Кога ја добив честа да бидам назначен на оваа позиција во рамките на техничката Влада, знаев дека ме очекува напорна задача и знаев дека сум исправен пред тежок и сериозен предизвик, но ни најмалку не очекував дека ќе се соочам со толку недостоинствени услови за работа на припадниците на полицијата, а истовремено и дека ќе сведочам на толку неизмерна желба меѓу нив за професионално и чесно да си ја вршат својата должност и да им помагаат на оние на кои тоа им е најпотребно. Краток период, би рекол, но сметам дека е и повеќе од доволен за да увидам одблиску дека во полициските редови сѐ уште има чесни луѓе, луѓе што си ја сакаат татковината и луѓе што работат за нејзино добро“, рече Тошковски.
Тој е задоволен што под негово водство полицијата успеала да обезбеди фер и демократски избори. Најави нова ера во Министерството, каде што унапредувањето ќе се врши исклучиво врз основа на мерит-систем, а платите ќе го одразуваат непроценливиот придонес што го даваат полицајците за општеството.
„На истекот на овие 100 дена научив една многу важна лекција, која се надевам дека ќе одекне меѓу сите вас што сте тука денес. Можеби хероите во филмовите носат наметки, но хероите од нашата реалност носат полициски униформи“, рече техничкиот министер за внатрешни работи, Тошковски.
Тој им врачи благодарници и плакети на најдобрите полицајци, а присутните проследија и прелет на три полициски хеликоптери.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, Општина Илинден во координација со екипите на ДТУ ТОКСИ ВЕТ – Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно за здравјето на луѓето, одобрено и пуштено во промет од Бирото за лекови.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски-Боки 13 во полицијата.
Ова се однесува на статусот што Јовановски го објави вчера, а каде што посочи дека лица блиски до Кичеец му се закнуваат.
Јовановски вели дека Кичеец е човек што згрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во оваа криминална банда еден од предводниците е Зоран Милевски-Кичеец“, рече Јовановски.
Неговиот адвокат Владимир Туфегџиќ ги оцени наводите на Кичеец како неосновани и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела – загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него дејствуваат преку разни форми на закани и притисоци со цел да го откаже второто гостување во поткастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.