Американскиот претседател во четврток му изразил силна поддршка за зачувувањето на идентитетот на Тибет и во заштитата на човековите права на Тибетанците, соопшти Белата куќа

Според соопштението на Белата куќа, средбата меѓу американскиот претседател Барак Обама и Далај лама, претставувала едноставен состанок на кој на тибетскиот духовен и национален водач му била изразена силната поддршка од американска страна.Како што пренесуваат американските медиуми, во соопштението потпишано од портпаролот на Белата куќа, Роберт Гибс, е нагласено дека Обама изразил силна поддршка за зачувување на единствениот верски, културен и јазичен идентитет на Тибет во Народна Република Кина. Исто така, се налгасува и дека Обама и Далај лама се согласиле „околу важнсота на позитивните и кооперативни односи меѓу САД и Кина“.Далај лама на новинарите пред Белата куќа им изјавил дека со американскиот претседател разговарал за човековите права, верските слободи и загриженост аза тибетскиот анрод. Тој додал дека е многу среќен од средбата со Обама кој според него покажал вистинска грижа за Тибет и дека му дал силна поддршка. Овој прес се’ симболичен состанок на Обама со Далај лама, е од приватен карактер и бил одржан во Собата со картите во Белата куќа, а не во Овалната соба каде се примаат странските државници.  Состанокот не е регистриран од камерите, а Белата куќа објавува само една фотографија.Американската страна ги презема сите чекори за да го намали револтот на Кина, која жестоко реагираше на најавата на оваа средба барајќи средбата да биде откажана. Секој американски претседател од 1990 г. редовно се среќава со Далај лама а претседателот Џорџ В. Буш беше првиот претседател на САД кој се појави во јавноста заедно со него. Тој на Далај лама во 2007 г. му додели Златен медал на Конгресот во Конгресната зграда на Капитол Хил.Далај лама од 1959 г. живее во егзил во Индија, откако на Тибет кинеските власти крваво го задушија востанието. Тој претходно зборуваше за целосна независност на Тибет, додека во последно време се’ почесто ја споменува широката автономија која ги вклучува и верските слободи. Кина во средата повторно го предупреди американскиот претседател дека неговата евентуална средба со тибетскиот духовен водач дополнително ќе ги уназади влошените односи, по планот САД да му продадат оружје на Тајван.„Решително се противиме лидерот на Соединетите држави да има каков и да е контакт со Далај лама, без оглед на причината или формата. Ги повикуваме САД да ја сфатат високата чувствителност на тибетското прашање и мудро и адекватно да се однесуваат кон него, за да се избегне натамошното влошување на односите“, изјави во средата портпаролот на кинеското министерство за надворешни работи, Ма Жаоку.Обама лани ја избегна средбата со Далај лама. Во октомври мината година Далај лама престојуваше во Вашинготн од почетокот на седмицата и за тоа време се сретна со повеќе политички личности. Сепак, тибетскиот лидер не се сретна американскиот претседател Барак Обама, а како замена го прими претседателката на Сенатот, Ненси Пелоси. Организациите за човекови права веднаш ја осудија постапката и го нападнаа Обама и државната секретарка Хилари Клинтон заради неспротивставувањето на кинеското кршење на човековите права, особено во однос на Тибет. Инаку, ова тоа беше првпат во последните 18 години еден американски претседател да не прифати средба со Далај лама тогаш го прифати образложението за состанок со Обама по неговата средба со кинескиот претедател Ху Џинтао.