Свет
Со насилства и неправилности завршија изборите во Авганистан
После десет часа гласање, пребројувачите почнале да ги бројат милионите гласачки ливчиња во Авганистан, а првични резултати од претседателските избори се очекуваат во сабота
Според она што е досега познато, слабата излезност на југот од земјата ќе ги намали шансите за реизбор на претседателот Хамид Карзаи, а со тоа се зголемуваат шансите на Абдула Абдулах. На север од земјата излезноста се покажала поголема, што е добар знак за Абдулах.Интернационалните претставници предвиделе нецелосни избори, но сепак изразиле надеж дека Авганистан ќе ги прифати како легитимни, што е во комплементарност со воената политика на Барак Обама.Претставник од изборната комисија во Кандахар, најголемиот град на југот од Авганистан и духовното средиште на талибаните, изјавил дека на гласањето излегле 40 проценти помалку граѓани споредено со претходните избори во 2004 г.Бунтовниците ја презеле одговорноста за повеќе напади низ државата. Агенциите за обезбедување во Кабул потврдиле за најмалку пет бомбашки напади, а полицијата повеќе од еден час водела престрелка со вооружена група. Двајца бомбаши-самоубијци загинале во судир. Во провинцијата Баглан биле нападнати 14 затворени изборни единици, а загинале и неколку полициски службеници. Репортер на Associated Press јавил за повеќе од 20 ракети испукани во провинцијата Хелманд, вклучително и една која паднала во близина на гласачите и убила дете.По завршувањето на изборите безбедносната ситуација во Кабул станала порелаксирана откако трупите и полицијата ги напуштиле своите утврдувања.Облечен во својата традиционална наметка со виолетови и зелени појаси, претседателот Карзаи гласал во изборната единица во средното училиште што било во близина на претседателската палата.„Барам од авганистанскиот народ да излезе и да гласа, па преку нивниот глас Авганистан да стане побезбеден и помирен“, изјавил Карзаи.Идниот претседател ќе ја води нацијата која е исцрпена од воените востанија, производството на дрога, корупцијата и слабата Влада.Карзаи, миленик на администрацијата на Буш, победил во 2004 г. со 55,4 проценти од вкупниот број на гласови и застанал на претседателската фотелја со изразен оптимизам во јавноста. По рокадата на воените резерви во Ирак, Авганистан доживеал голем пад изразен преку рекордното производство на опиум, завладувањето на државната корупција и насилствата од бомбардирање.Претставник на ОН изјавил дека не биле забележани изборни неправилности на почетокот на изборите, иако во текот на изборите низ државата кружеле информации дека имало полнење на гласачките кутии, лажно регистрирање и растурање на неважечки ливчиња во корист на Карзаи, тврдења кои неговиот штаб ги отфрлил како неосновани.Кандидатот Рамазан Башардост, кој добил 10 процентна поддршка во предизборните анкети, изјавил дека не биле исправни маркерите и побарал од актуелните власти „веднаш да се прекине гласањето“.„Ова не е гласање, ова е комедија“, изјавил тој за медиумите.Азизула Лодин, шефот на Независната изборна комисија, ги одрекол тврдењата за проблеми со маркерите, но рекол дека властите сепак треба да поднесат истрага.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.