Исплатата на платите и одржување јавен собир на содружниците се единственото решение за Градски аптеки Скопје, рече на денешната прес-конференција

Исплатата на платите и одржување јавен собир на содружниците се единственото решение за Градски аптеки Скопје, рече на денешната прес-конференција, Тодор Костадинов, директор на Градски аптеки Скопје„Г-дин Механџиски две години ја блокира работата на градски аптеки со своите постојани обиди однатре да го уништи единствениот конкурент што го има во Скопје. Сега самиот преговара стечајна постапка за аптеки, што повеќе од смешно е сопственик на компанија истата намерно да се обидува да ја носи во стечај“, рече Костадинов додавајќи дека Фармакорп како доминантен содружник во Градски аптеки Скопје го поддржува  протестот на вработените за неисплатени плати.Костадинов појасни дека единствената заложба на Фармакорп е да се овозможи функционирање на Градски аптеки, како фирма која може успешно да стопанисува. „На сметка на ПЗУ Градски аптеки во моментов имаат на сметка околу милион евра. Средства повеќе од доволни да се исплатат заостанатите плати на вработените и повеќе од доволни Градски аптеки да почнат да функционираат. Го повикувам господинот Механџиски да му наложи на својот претставник во Аптеки да стави потпис на налогот за исплати на плати. Станува збор за потрошени триесет секунди за да се заврши оваа ситуација. Потоа да се свртиме сите на единственото решение за состојбата во Градски аптеки со свикување на јавен собир на содружници каде легално ќе се постави директор. Излез од ситуацијата има, и јас нема да дозволам поради нечија суета и план за уништување да се уништат стотици македонски семејства. Се работи за опстанок на Градски аптеки, бренд што постои многу подолго од Зегин и од Фармакорп“, рече Костадинов.Тој додаде дека сопственикот на Зегин, Благој Механџиски извршил силни притисоци врз судиите по што добива пресуди, во најмала рака, чудни , како што вели Костадинов, за да создаде ситуација за лажна криза на фирмата, намерно буткајќи ја во стечај.Костадинов уште еднаш апелираше до Механџиски да ја отповика својата одлука да го повлече управителот за да се потпишат налозите за исплата за заостанатите плати на вработените. На средбата со новинарите беше детално презентирана и хронологија на случувањата во Градски аптеки, проблеми коишто според управителот Костадинов не се новина во дејствувањето на оваа приватна здравствена установа а се во полза на синџирот аптеки „Зегин“ кои се во сопственост на Благој Механџиски. /крај/сфо/ап/