Македонија
МВР ги детектира потенцијалните ризици на изборите
Министерството за внатрешни работи ги идентификува потенцијалните ризици на претстојните предвремени парламентарни избори и ги анализира инцидентите кои се случиле во изминатите изборни циклуси за да може да посветат посебно внимание на проблематичните точки или проблематични поединци.
Министерството за внатрешни работи ги идентификува потенцијалните ризици на претстојните предвремени парламентарни избори и ги анализира инцидентите кои се случиле во изминатите изборни циклуси за да може да посветат посебно внимание на проблематичните точки или проблематични поединци.
Министерката за внатрешни работи, Гордана Јанкулоска вели дека веднаш по распишувањето на изборите формиран е штаб кој ќе биде посветен исклучиво на изборите.
Задача на овој штаб ќе биде формирање на регионалните штабови во сите сектори за внатрешни работи.
„Дел од задачите на луѓето кои се таму застапени е да направат идентификација на потенцијалните ризици односно анализа на сите инциденти во изминативе изборни циклуси за да можеме да посветиме посебно внимание условно речено на овие проблематични точки или да посветиме посебно внимание на одредени поединци кои се појавиле како проблематични, некои од нив се осудени лица, некои од нив се лица против кои сè уште се водат постапки. Меѓутоа важно за нас е да сме добро позиционирани и целосно присутни на теренот и ние ги ангажиравме сите капацитети на МВР во функција на одржување на фер демократски и слободни избори“ изјави Јанкулоска.
Таа додаде дека МВР им стои на располагање на сите институции на кои им е потребна помош и соработка со МВР.
Изминативе два дена беа демолирани вкупно осум штабови на политички партии, од кои пет на СДСМ меѓу кои во село Инџиково, Трубарево, Стајковци, Петровец, еден на ВМРО-ДПМНЕ и два на Обединети за Македонија. На сите им беа искршени прозорските стакла. Идентитетот на сторителите сè уште не е познат. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Битиќи: Резултатот е нула-нула, a на 8-ми мај заеднички одлучуваме за победникот
„Резултатот е нула-нула, сè уште немаме победник или поразен. Нашата битка за европска Македонија не е завршена. Нашата држава е мала земја, но влогот на 8-ми мај е голем“, порача на денешните средби со жителите на скопската општина Бутел, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.
Тој порача дека е опасен патот по кој ВМРО-ДПМНЕ сака да ја води државата, а тоа е кон изолација, кон унгарско сценарио, кон национализми кои разделуваат.
„СДСМ одбива да се движи кон овој правец. Ние имаме програма и визија за европска држава во која владеат дијалогот, инклузивноста, меѓусебното другарство и социјалната правда“, рече Битиќи.
Тој ги потсети граѓаните на 27 април пред седум години, кога се случи упадот во Собранието и обидот за рушење на уставниот поредок по покровителство на ВМРО-ДПМНЕ.
„Слободата која ја добивме по крвавиот 27 април пред седум години, не е луксуз, тоа е можност која ни даде сила да се движиме напред, да стане полноправни членки на НАТО, да ги отвориме портите на Европската Унија. Сега не смееме да дозволиме на 8-ми мај таа да биде украдена, однесена од виорот на национализмот и поделбите. Мораме да продолжиме да го чуваме овој скапоцен подарок кој го добивме во борбата против режимот на ВМРО-ДПМНЕ, бидејќи тој е темелот врз кој се гради праведно и правично општество, “ порача Битиќи.
Македонија
Карапејовски: Сите граѓани треба да имаат слободен пристап до здраствените услуги
Движењето ЗНАМ – за наша Македонија организираше трибина во просториите на Европскиот Универзитет насловена “Борба со остеопорозата со помош на витаминот Д – неговото височество” предводена од проф. Д-р. Јасмин Циривири – кандидат на пратеничката листа а ЗНАМ во изборната единица 1 и прим. Д-р. Маја Панајотовиќ Радевска.
Трибината беше посетена во голем број, каде што граѓаните покажаа голем интерес за активности од овој вид и исто така ја дадоа својата целосна поддршка за ЗНАМ.
На граѓаните им се обрати и носителот на изборната единица 1 од ЗНАМ – Д-р. Бобан Карапејовски, кој посочи “Сите граѓани треба да имаат слободен пристап до здраствените услуги. Пациентите не треба да бидат клиенти и потребно е пациентите да добијат услуги кои што се квалитетни и достоинствени”.
Д-р Циривири во своето излагање презентираше за борбата против остеопоразата, но и напомена дека “На Македонија и се потребни здраствени реформи. Здравството во Македонија е сведено на многу ниско ниво, здраствен систем веќе воопшто и да не постои каде што докторите и пациентите се деградирани.” Тој посочи и дека “Подобро е болеста да се превенира на време, отколку пациентите подоцна да плаќаат огромни суми и да чекаат долго време за нивно лекување.”
На крајот Д-р Циривири и Д-р Панајотовиќ Радевска остварија средба лице во лице со граѓаните, каде што им понудија совети и препораки, но и ги слушнаа нивните проблеми поврзани со македонскиот здраствен систем и услуги.
Македонија
Николовски: Не смееме да дозволиме да им ја одземеме европската иднина на младите
Одговорноста на секој од нас е голема. Не смееме да дозволиме да имаме повторно нови изгубени години без иднина. Не смееме да дозволиме да им ја одземеме европската иднина на младите и идните генерации, рече денес во Крива Паланка коносителот на кандидатската листа за ИЕ 3 на СДСМ и коалицијата, Љупчо Николовски.
Тој порача дека Европскиот пат не е закана за македонскиот народ или македонскиот идентитет, туку се шанса за нивно уште поголемо развивање.
– Македонскиот идентитет опстојал низ векови наназад и уште долги векови ќе опстои. Затоа не смееме да се откажеме. Се докажало низ времето дека само со силен, обединет и победнички СДСМ имаме силна Македонија.
Јас не се откажувам и останувам помеѓу граѓаните, секојдневно на терен, достапен како и до сега, секогаш тука за секој еден граѓанин. Граѓаните ни пратија силна порака, а ние таа порака ја слушаме и почитуваме. Одговорноста ја прифаќаме. СДСМ покажал дека знае да се менува, да признае грешка и да се подобри. Да го слуша гласот на граѓаните и повторно да ја стекне нивната доверба. Овие избори кои ни претстојат се посебно важни за државата. Не гласаме за или против СДСМ, туку за или против иднината на државата. Секој еден од нас има обврска добро да размисли во каква држава сака да живее следните години. Каква иднина посакува за младите, и за секој еден граѓанин. Одговорноста на секој од нас е голема. Не смееме да дозволиме да имаме повторно нови изгубени години без иднина години. Не смееме да дозволиме да им ја одземеме европската иднина на младите и идните генерации, порача Николовски.
Тој имаше средби со граѓаните на градскиот плоштад и низ центарот на Крива Паланка, упатувајќи порака дека со нивниот глас на изборите на 8 мај го трасираат патот на државата во следните години.