Македонија
Медиумите – гола трансмисија на политичката пропаганда
Медиумите потфрлаат да бидат организатори на политичката дебата на општеството и се претвораат во гола трансмисија на политичката пропаганда.
Медиумите потфрлаат да бидат организатори на политичката дебата на општеството и се претвораат во гола трансмисија на политичката пропаганда.Ова го заклучи најновата анализа „Медиумско огледало“, посветена на известувањето на медиумите на тема „Парламентарни избори 2011“.„Медиумите се појавуваат како известувачи на партиските активности, на ниво на појава без подлабоко навлегување во суштинските политички прашања. Се покрива кампањата, но не и политичката понуда. Медиумите сами себе си се поставиле како пасивен актер што не креира агенда, туку ја следи и ја коментира агендата на политичките партии“, рече Билјана Бејкова, директор на НВО инфоцентарот, кој ја презентираше анализата.Суштинските теми како што се НАТО/ЕУ, спорот со името, економијата, според оваа анализа, имале речиси незабележителна застапеност во тематската структура на медиумите. Најмногу биле застапени темите поврзани со изборните активности. Високото ниво на прилози посветени на можното изборно насилство создавале тензична атмосфера и загриженост за регуларноста на изборниот процес.„Владините институции и владините претставници врз себе преземаат речиси половина од товарот на изборната кампања. Тие ги компензираат партиите на власт и создаваат дисбаланс на присуството во медиумите, во полза на владејачките партии. Ова исто така, укажува на висок степен на слеаност на владејачките партии со државните институции. Државната изборна комисија и Советот за радиодифузија се многу малку застапени меѓу изворите на информации што укажува на незаинтересираност на медиумите за самиот изборен процес и префрлање на тежиштето на партискиот предизборен натпревар“, се вели во „Медиумското огледало“.Анализата покажува дека медиумите им посветуваат големо внимание на овие предвремени Парламентарни избори. Ако во 2008 година неколку дена пред и по започнувањето на изборната кампања, интензитетот на објавени новинарски прилози поврзани со изборите бил во просек 66 прилози дневно, годинава, тој просек изнесува дури 116 прилози.Предмет на мониторинг биле осум печатени и осум електронски медиуми, избрани според критериумот на фактичко и/или претпоставено влијание врз јавноста во Македонија. Мониторингот на медиумите посветен на Парламентарните избори 2011 година ќе трае до 8 јуни 2011 година, а финалниот извештај ќе биде објавен до крајот на јуни годинава./крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Акредитирани 1078 домашни и 770 странски набљудувачи за изборите
За вториот круг од претседателските избори и парламентарните избори на 8 мај акредитирани се вкупно 1999 набљудувачи, преведувачи и странски новинари. Најмногу акредитирани се домашни набљудувачи – 1078. Изборите ќе ги следат и 770 странски набљудувачи за чии потреби се ангажирани и 85 преведувачи.
За известување од изборите, акредитирани се 66 странски новинари, меѓу кои и од Ројтерс, Асошиејтед прес, Ал Џезира и Франс прес.
Најмногу домашни набљудувачи акредитирало Здружението за развој на општествено – социјални иновации „ВАКЕ УП“ Скопје – 752, потоа Фондација Ромите за демократија – 151, Цивил – 82, Центарот за безбедносни истражувања – 46, Институтот за меѓународни односи и стратегии Охрид – 20, Националниот ромски центар Куманово – 14, Здружението за промоција и развој инклузива Куманово – 12 и Македонскиот центар за културен развој – еден набљудувач.
Специјалната мисија за проценка на изборите на ОБСЕ/ОДИХР има акредитирано 410 набљудувачи, 14 експерти и 31 преведувач, најмногу од странските набљудувачи. Парламентарното собрание на ОБСЕ (OSCE PA) има акредитирано 138 набљудувачи, Амбасадата на Соединетите американски држави во Скопје – 68 набљудувачи и 33 преведувачи, Парламентарното собрание на Советот на Европа – ад хок комисијата за набљудување на претседателските избори во Република Северна Македонија – 33 набљудувачи и 20 преведувачи, Иницијативата за дијалог и демократија Силба 30, Централната изборна комисија – Република Косово – 13, Европскиот парламент – 12 и други.
Македонија
Бојан Јовановски: Повикан сум на информативен разговор во полиција, ова е директен притисок и обид за цензура
Бојан Јовановски – Боки 13 соопшти дека денеска во 10 часот е повикан на информативен разговор во П.С Кисела вода (Пролече) во врска со пријава за загрозување на безбедност согласно член 144 од КЗ.
„Ова го чувствувам за директен притисок и обид за цензура од страна на засегнатите лица во врска со мојот настап кај „Лазаров“!“, објави Бојан Јовановски.
Јовановски претходно вчера објави дека веќе неколку дена е цел на закани и притисоци со цел да го откаже второ гостување на поткастот.
Македонија
Доаѓа нестабилно време со пороен дожд и грмежи
Во попладневните часови ќе има изолирана појава на нестабилност со краткотраен пороен дожд и појава на грмежи. Потоа од среда до петок под влијание на влажни бранови во поголем дел од земјава ќе биде нестабилно со пороен дожд и грмежи. Локално процесите ќе бидат поинтензивни во форма на невреме со пообилен дожд за кратко време и засилен ветер. Дневните температури од четврток ќе бидат во опаѓање.
Во Скопје времето ќе биде стабилно и релативно топло. Од среда во попладневните часови ќе биде променливо облачно и нестабилно со повремени врнежи од дожд и грмежи. Во делови од котлината ќе има услови за појава на невреме со пообилен пороен дожд за кратко време и засилен ветер.
Препорака: Во случај на појава на електрични празнења се препорачува поголема внимателност, да не се престојува на отворен простор и под осамени дрвја.