Македонија
Ел Масри бара 50.000 евра отштета од Македонија
Германскиот државјанин со либанско потекло, Калед Ел Масри, ќе бара Македонија да му плати 50.000 евра за она што го помина во 2003 година, кога беше нелегално приведен.
Прво јавно сослушување за овој случај ќе има утре во Основниот суд 1. Како сведок пред судот ќе се појави Клара Гутериџ, експерт за вонправни екстрадиции.
Адвокатите на Ел Масри, Дариен Павли и Филип Медарски, кои го застапуваат пред македонскиот суд ги открија аспектите за кои ќе зборува сведокот.
Гутериџ ќе се осврне на наодите од нејзината истрага за рутата на нелегална екстрадиција за трансферот на Ел Масри од Скопје кон Авганистан, како и за престојот на тимот на ЦИА во Палма де Мајорка во Шпанија.
„Добар почеток ќе биде Македонија барем да признае и да му се извини на Ел Масри. Граѓанската тужба во Македонија е за надомест на штета од македонското министерство за внатрешни работи или македонската влада, генерално за незанконското заложништво и нехуманиот однос на Ел Масри. Вториот аспект е што Македонија не спроведе правилна кривична постапка и не ја откри вистината“ изјави Павли.
Ел Масри нема да се појави утре на судското рочиште, но се очекува да се појави на некое од наредните.
Според граѓанската тужба, македонските агенти го киднапирале Ел Масри од автобус и 23 дена го држеле во заложништво без судски налог, обвинувајќи дека е член на Ал Каеда.
Потоа го одвеле до скопскиот аеродром и го предале на тимот за вонправни екстрадиции на ЦИА, кој пак Ел Масри го одвеле во Кабул, во рамките на програмата за вонредни екстрадиции на САД, каде тој бил притворен и измачуван четири месеци.
Владата на Македонија негира било каква вклученост во неговото киднапирање. Сите обиди за правда биле неуспешни. Ел Масри бара спроведување на истрага за да се открие вистината./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно, наместа со повремени врнежи од дожд
Времето денеска ќе биде променливо облачно, наместа со повремени врнежи од дожд. Ќе дува умерен, а долж Повардарието и во источните делови повремено засилен ветер од северен правец. Минималната температура ќе биде во интервал од 4 до 11, а максималната ќе достигне од 14 до 21 степен.
Во Скопје ќе биде променливо облачно со повремени врнежи од дожд. Ќе дува умерен ветер од северен правец. Минималната температура ќе се спушти до 8, а максималната ќе достигне 19 степени.
Во недела и понеделник времето ќе биде претежно сончево и потопло. Во вторник локално ќе има изолирана појава на пороен дожд и ретки грмежи. Под влијание на нов влажен бран во среда и четврток на повеќе места ќе биде нестабилно со пороен дожд и грмежи, локално во форма на невреме.
Македонија
Џафери: Северна Македонија, европска земја со европски вредности и стандарди за сите граѓани
Претседателот на Владата на Република Северна Македонија, денеска присуствуваше и се обрати на гала настанот со кој се одбележува отворањето на новата музичка сцена во Тетово, односно, основањето на најновата институција на Албанците, Националната установа Музички ансамбл на Република Северна Македонија – Тетово.
Основањето на оваа установа претставува реализација на долгогодишното барање на кадрите кои откако ќе завршеа факултет по музика, немаа каде да го продолжат својот професионален пат. Сега, во рамките на оваа установа во која ќе се негува и развива вокалната и инструменталната сериозна музика, како и популарната и џез музика, ќе можат да го негуваат и усовршуваат својот талент и својата пасија сите љубители на овој жанр, соопшти Владата.
Премиерот Џафери имаше свое поздравно обраќање на настанот и притоа, истакна дека „оваа национална културна институција ќе го збогати културниот живот во Тетово, меѓутоа и во земјата“.
Меѓу другото, пЏафери информираше за одлуката на владината седница на предлог на Министерството за култура со која на оваа установа и се доделуваат на трајно користење простории кои се сега во државна сопственост, и додаде дека – „со основањето на Музичкиот ансамбл, придонесуваме кон подобрувањето на демократската рамноправност во нашата заедничка држава, Република Северна Македонија и во оваа област од општествениот живот“.
Македонија
Лукаревска од Кочани: Сакале некои или не, СДСМ ќе биде запишан во историјата како организирана политичка сила која ја врати слободата и ја врати државата на вистинскиот пат
“На 8 мај само вие, со моќта на вашиот глас одлучувате во каква држава ќе живееме сите, ве повикувам на масовен одзив на двојните избори, на активно учество во креирањето на сопствената иднина бидејќи во демократијата најчесто гласовите на оние кои не излегуваат на гласање го одредуваат победникот. На дофат ни е членството во Европската унија, не дозволувајте да не тргнат од тој пат, алтернативата на тој пат е погубна за Македонија. И сакале некои или не, СДСМ ќе биде запишан во историјата како организирана политичка сила која ја врати слободата и ја врати државата на вистинскиот пат и да не забораваме дека секогаш најтешките битки ги водел СДСМ, од осамостојувањето до денес, рече вечерва во Кочани Сања Лукаревска, носителка на листа на СДСМ и Коалицијата за европска иднина во третата изборна единица.
СДСМ е одговорна, граѓанска, државотворна партија. Секогаш сме тука и за државата и за граѓаните и во добро и во лошо, тоа е патриотизам, како што е патриотизам да ја преземете одговорноста за тешките одлуки во тешки времиња, рече Лукаревска.
“ Немам намера да ги покривам или минимизирам нашите пропусти, не ги сокриваме под тепих и не ги подметнуваме на друг и никогаш не сме дозволиле државата да биде на коленици, никогаш. И во оваа изборна програма наш приоритет над приоритетите е стабилна, безбедна, сигурна и просперитетна Македонија чии граѓани ќе имаат предвидлива, спокојна иднина. Следете нè, не се откажуваме, тргнавме по патот на трпението, пат без насилство, со разум, со работа и дијалог до богата држава со задоволни граѓани и затоа на 8 мај, заедно, за број 1 и во Кочани и во третата изборна единица и во целата држава”.