Свет
Во два американски напади 7 мртви во Пакситан
Најмалку седум лица се убиени во среда во два напада на американски беспилотни летала во северозападен Пакистан, за кои пакистански офицери сметаат дека се исламистички бунтовници
Првиот напад на беспилотно летало се случил во околината на селото Хамзони во Северозападен Вазиристан, во близина на границата со Авганистан. „Американските беспилотни летала истрелале пет ракет на две возила на бунтовниците. Пет бунтовници се убиени во овој напад“, изјавил неименуван висок пакистански офицер. Агенцијата наведува дека овие податоци биле потврдени и од друг офицер и од двајца припадници на пакистанските разузнавачки служби.За помалку од еден час, друго американско летало извршило уште еден напад во селото Мисер Мадхакел исто така во Северен Вазиристан, при што биле убиени уште најмалку двајца бунтовници, пренесува AFP повикувајќи се на на истите извори.Последните месеци CIA и американските восјки во Авганистан значително ги засилија нападите на беспилотните летала врз талибанските засолништа во пограничните региони меѓу Пакистан и Авганистан.Пакистанските талибани ја преземаа одговорноста за повеќе од 360 самоубиствени бомбашки напади последниве две ипол години во кои загинаа околу 3.100 луѓе.Американската страна, пак, од крајот на август 2008 г. изврши повеќе од сто ракетни напади со беспилотните летала од тиоповите „Предатор“ и „Раптор“. Во нападите има околу 830 убиени, но иако главни цели на овие напади се исламистичките бунтовници, во нив настрадаа и многу цивили, тврдат пакситанските власти. CIA ги засили ракетните напади врз позиции за кои се верува дека се засолништа на пакистанските талибани и бунтовниците ккои соработуваат со Ал Каеда. Официјален Исламбад декларативно се спротиставува на овие напади протестирајќи дека тоа е кршење на пакистанскиот суверенитети, но аналитичарите сметаат дека станува збор за договор на двете влади. Покрај тоа пакистанската влада предупредува дека во воаквите напади во кои неретко страдаат и цивили, може да предизвика и анти-американско расположение кај локалното население во паштунските племенски област што ќе ја зајакне позицијата на талибаните и радикалните исламисти. Вашингтон одбива јавно да зборува за употребата на беспилотните летала, но пакистански разузнавачки и владини претставници велат дека во овие напади досега се убиени неколку високи членови на Ал Каеда и талибански водачи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Сторми Даниелс сведочи на судењето против Трамп
Поранешната порно-ѕвезда Сторми Даниелс сведочи во судот во Њујорк во кривичната постапка против поранешниот претседател на САД, Доналд Трамп.
На актерката (45), чие вистинско име е Стефани Клифорд, на крајот на претседателската кампања во 2016 година ѝ исплатиле 130.000 долари за да молчи за наводен сексуален однос со Доналд Трамп во 2006 година.
Станува збор за долгоочекуваната пресметка на поранешниот претседател на САД и порно-ѕвезда која тврди дека имале секс, јавија американските медиуми. Обвинителите велат дека Трамп ги прикрил информациите за исплата од 130.000 долари кои на Даниелс ѝ ги исплатил неговиот поранешен адвокат Мајкл Коен пред претседателските избори во 2016 година.
Коен претходно изјави дека Трамп му наредил да и плати на Даниелс за таа да не зборува за сексуалниот однос со Трамп од 2006 година.
Свет
Путин: Русија ќе продолжи да работи на формирање мултиполарен светски поредок
Рускиот претседател Владимир Путин изјави дека Русија ќе продолжи да работи со партнерите за формирање мултиполарен светски поредок, како и дека се можни дискусии за безбедносни прашања со западните земји, но под еднакви услови.
„Заедно со партнерите во евроазиската интеграција, со другите центри за суверен развој, ќе продолжиме да работиме на формирање мултиполарен светски поредок, еднаков и неделив безбедносен систем“, рече Путин на церемонијата на инаугурација во палатата во Кремљ.
Тој рече дека Русија била и ќе биде отворена за зајакнување на добрите односи со сите земји.
Русија не го отфрла дијалогот со западните земји, туку дека изборот е нивен, посочи Путин.
„Дали сè уште планираат обиди да го запрат развојот на Русија, да ја продолжат политиката на агресија, притисокот врз нашата земја кој не запира со години или бараат начин за соработка и мир“, рече рускиот лидер на церемонијата на инаугурација. .
Рускиот лидер денеска положи заклетва на церемонијата на инаугурација во Големата палата Кремљ и официјално стана претседател на Русија.
Путин ќе остане на функцијата во следните шест години, до 2030 година, пренесува РИА Новости.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.