Македонија
Градежното земјиште под локална власт од наредната година
Од 1-ви јануари 2011 г., управувањето и менаџирањето со градежното земјиште целосно ќе премине во надлежност на локалната самоуправа
Tогаш инвеститорите нема повеќе да губат време и да трчаат од општините до министерството за транспорт и врски за да ја извадат комплетната документација за градежното земјиште. Програмата на локалната самоуправа на УСАИД ќе им помогне на општините со софтверско решение со кое тие полесно ќе го регистрираат и евидентираат градежното земјиште. „Проектот на УСАИД ќе им помогне на општините да имаат целосен увид во градежното земјиште и да управуваат со него со што ќе се овозможи поефикасен економски развој. Општините ќе мора да имаат капацитети за да можат да го имплементираат софтверот, да ја направат базата на податоци и на тој начин сами да донесуваат одлуки во делот на економскиот развој, рече Розалија Василевска, проект менаџер на УСАИД.Градоначалникот на општина Велес, Горан Петров, вели дека управувањето и менаџирањето со градежното земјиште ќе овозможи полесен пристап до потенцијалните инвеститори. Според него најголем проблем во оваа фаза на децентрализацијата беа поделените надлежности кај општините и министерството за транспорт и врски. „Деталните планови ги правеше општината таа ја одредуваше и намената но продажбата беше надлежност на министерството. Проблем досега беше и високата почетна цена на градежното земјиште, поради која изгубивме голем број инвеститори. Од наредната година ние сами ќе ги детектираме проблемите но и сами ќе ги решаваме, рече Петров. Со новите измени во управувањето со градежното земјиште проблем ќе имаат помалите општини бидејќи тие немаат доволен административен капацитет. Но во соработка со поголемите општини се надеваат дека ќе ги надминат овие проблеми. „Ние имаме заинтересирани инвеститори но поради долгите административни процедури ги губиме. На овој начин сметам дека можеме полесно да преговараме со идните инвеститори, рече Фати Исени, градоначалник на општина Студеничани.„ Во сопиште е малку спротивна состојбата кај нас еза домување претежно Имаме убави урбанизирани локации каде што веќе имаме инвеститори што сакаат да градат од типот на Сончева долина. Имаме и странски и домашни инвеститори, рече Јован Илиовски, градоначалник на општина Сопиште.Покрај Велес, Сопиште и Студеничани, во пилот проектот се вклучени и општините Охрид и Прилеп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нема настрадани во пожарот во домот за стари лица во Квадарци, според првичните информации
Нема настрадани лица во старечкиот дом во Кавадарци, укажуваат првичните информации.
Од ЦУК во Кавадарци информираа дека пожарот го гаснат 12 пожарникари со 3 противпожарни возила На терен се и 7 полицајци, возила на Итната медицинска помош и минибуси за транспорт на лицата.
Од сместените во домот, пет лица се неподвижни.
Градоначалникот на Општина Кавадарци ќе оствари комуникација со Итна медицинска помош Неготино за да испратат едно возило на испомош.
Се планира лицата да бидат транспортирани во Општа Болница Кавадарци.
Македонија
(Видео) Петрушевски: Еден месец СДС ни да гукне за Груби, тоа е се уште истата партија која ја водеа Заев и Ковачевски
Еден месец СДС ни да гукне за Груби, тоа е се уште истата партија која ја водеа Заев и Ковачевски, истакна на прес-конференција Бране Петрушевски, пратеник на ВМРО-ДПМНЕ.
Венко Филипче, според него, не може да излезе од сенката на Заев и Ковачевски, и уште дословно, како што вели, се држи до нивните политики и крими коалиции.
„Венко Филипче не собра храброст да се извини за Артан Груби. Филипче не најде сили да се извини зошто владата на СДС која управувала со МВР не преземала ништо со години да го спречи неговиот криминал.
Венко Филипче и денешното СДС уште го штитат Артан Груби и неговиот политички договор со Заев и Ковачевски.
СДС е континуитет на криминалите кои 7 години ги правеа.
Ако Венко Филипче не најде сили да се извини за Груби целосно ќе го зацементира СДС на дното“, додава Петрушевски.
Македонија
(Видео) Со Борко Ристовски корупцијата во спортот е до облаците, а македонскиот фудбал на колена, велат од СДСМ
„Со последните исплати на субвенции кон спортските клубови од страна на Министерството за спорт, фудбалот е клекнат на колена, а корупцијата во спортот е дигната до облаците. Имено, министерот за Спорт, Борко Ристовски од Владата на СДСМ, наследи буџет од 9 милиони евра, кој што требаше да се распредели како ‘спортски ваучери’. Владата на СДСМ, тој буџет континуирано го зголемуваше со години. И во него имаше пари за сите: и за големите спортски клубови и за малите, и за тие од градските средини и за тие од селата“, рече Панче Милевски – Панта, Комисија за спорт на СДСМ.
„СДСМ го смени системот на исплата од „спортски ваучер“ во субвенции, но и тоа не го спречи министерот да ја дигне корупцијата во спортот да ја дигне до облаците.
Затоа јавно го прашуваме министерот;
– по кој систем реномирани Фудбалски клубови, од прва и втора лига, добија по НУЛА денари, или нешто ситно, а третолигашки клубови добија милиони и останати суми поголеми од тие на прволигашите и второлигашите?
– По кој систем на сите третолигаши од Источниот и Југоисточниот регион им исплативте по 0 денари, иако таму има клубови со повеќе децениска историја?
– Зошто од останатите региони, сте исплатиле само на неколку третолигаши, а над 98 % од клубовите сте им дале по 0 денари?
– Имате вршено исплати кон фудбалски школи формирани пред неколку години, а клубови што се постари од Вас, не сте им исплатиле ни денар?
Што им ветивте на Фудбалските клубови од прва и втора лига во Ноември?
Им ветивте дека сите ќе добијат дополнителни исплати во Декември, и ги излажавте.
На едни дополнително во декември им имате исплаќано средства уште по еднаш или два пати (со значително поголеми суми), а други ги оставивте само на минималната исплата во Ноември.
Затоа фудбалот го клекнавте на колена, а корупцијата во спортот ја дигнавте во облаците.
Затоа, од Вас бараме јавно да ги објавите (како што тоа го правеше СДСМ) сите исплати кон спортските клубови од сите сметки на министерството, што сте ги направиле додека сте вие на Власт.
Па да види македонската спортска јавност, кои се тие спортски клубови на кои за само 4 месеци им имате исплатено над десетици милиони денари, а кои се тие што не добиле ништо.
Кои се тие спортски клубови што никој не слушнал и разбрал за нив, а на кој има имате исплатено илјадници евра, а кои клубови во кои што членуваат стотици деца ги оставивте на цедило.
За СДСМ, вашиот систем на распределба на парите за спортот е јасен: тој се вика “Партиското тефтерче на Мицко“.
Кој го има во тефтерчето, тој добива пари. Кој спортски клуб е близок до ВМРО ДПМНЕ, тој добива пари.
Затоа, министре, треба да си дадете оставка.
СДСМ располага со податоци за сите ваши исплати, и истите ќе го достави до Основното јавно обвинителство и ГОК. За достоинството во Спортот, СДСМ секогаш ќе биде на страната на спортистите, и затоа јавно го повикуваме сите спортски клубови, сите информации за корупција во министерството за спорт, да ги достават до СДСМ или до надлежните институции за борба со корупција.
Само така спортот ќе го кренеме на прави нозе. Само така ќе не биде. СДСМ е на страна а спортот“, изјави Панче Милевски – Панта, Комисија за спорт на СДСМ.