Свет
Сирија: силите за безбедност убија уште 11 цивили
Сириските сили денеска убија најмалку 11 лица во текот на масовните протести ширум земјата против претседателот Башар ал Асад, тврдат активисти за човекови права и очевидци
Сириските сили денеска убија најмалку 11 лица во текот на масовните протести ширум земјата против претседателот Башар ал Асад, тврдат активисти за човекови права и очевидциПетмина цивили се убиени во текот на ноќта во најбунтовниот град Хомс на 165 километри северно од Дамаск, кој до сега даде и најмногу жртви. Уште шестмина во текот на денот се застрелани во демонстрациите во предградието на Дамаск, Млееха, повторно во Хомс и во регионот Идлиба на северозапад на земјата.„Денеска имаме најмалку шестмина нови маченици и сите се убиени во текот на денот“, изјави Амар Кураби, директор на сириската Национална организација за човекови права. Според активистите за човекови права со оружје ги потиснале демонстрациите во неколку реони на Дамаск, во Латакија на брегот на Средоземното море, во градот Дера на југот на земјата и во градот Деир ал-Зора на истокот. Денеска дојде и до прва директна пресметка на силите за безбедност и припадниците на курдското малцинство во земјата, во градот Камишли на североисток на земјата, претежно населен со Курди. Силите за безбедност не употребиле оружје, туку само палки и солзавец. Нема извештаи за мртви или повредени.Според непотврдени информации, на денешните протести, кои се продолжение на традицијата секој петок по молитвите да се демонстрира и која се практикува уште од почетокот на немирите во март, учествувале преку еден милиони Сиријци. Активистите за човекови права тврдат дека само во Хама и во Деир ал-Зора на улиците излегле околу 1,1 милион луѓе. Истите извори тврдат дека во источниот град Алб Камала, на границата со сунитскиот дел на Ирак, неколку екипажи на воени тенкови пребегнале на страната на демонстрантите, поради што единиците составени од Алавити (религиозна група, на која и припаѓа и претседателот ал-Асад) го опколиле градот и бараат од дезертерите безусловно предавање. Активистите велат и дека ваквите инцидент создаваат се поголемо незадоволство во армијата, во која мнозинство се сунитите. Од почетокот на немирите до сега се убиени околу 1.400 цивили и 350 припадници на силите за безбедност. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху: Ако Евреите не се заштитат самите, никој нема да ги заштити
Евреите мора да бидат способни да се „одбранат“ бидејќи никој нема да ги заштити, изјави денеска израелскиот премиер Бенјамин Нетанјаху, додека се повеќе се креваат гласови против војната што Израел ја води во Појасот Газа.
„Ако треба да се браниме, ќе се браниме. Ако е можно да се мобилизираат „оние што не се Евреи“, тоа е добро. Но, ако не се заштитиме, никој нема да го направи тоа“, рече Нетанјаху.
Премиерот ова го изјави на приемот на преживеаните од нацистичкиот геноцид кои во недела ќе учествуваат на церемонијата на Денот на сеќавањето на Холокаустот во меморијалниот центар Јад Вашем.
Разорната војна што Израел ја започна во Појасот Газа како одмазда за нападот на палестинското движење Хамас на 7 октомври во Израел предизвикува зголемени критики ширум светот.
Осврнувајќи се на студентското движење во знак на солидарност со Палестинците во градовите на американските колеџи, Нетанјаху рече дека ги осудува „страшните демонстрации на антисемитските орди кои повикуваат на уништување на Израел и ги напаѓаат еврејските студенти и професори“.
Нетанјаху, исто така, се соочува со отворено меѓународно противење на неговата намера да започне голема офанзива врз градот Рафах, во јужниот дел на Појасот Газа.
Тоа е засолниште за еден и пол милион Палестинци, од кои огромното мнозинство се раселени поради војната, додека израелските власти сметаат дека градот е последното упориште на борците на Хамас.
Свет
Трамп: Погледнете ги Лондон и Париз, тие се непрепознатливи
Поранешниот американски претседател Доналд Трамп изјави за време на предизборниот митинг во Висконсин дека Лондон и Париз се „непрепознатливи“, пренесува „Politico“.
„Видовме што се случи кога Европа ги отвори вратите за џихад. Погледнете го Париз, погледнете го Лондон. Тие се непрепознатливи“, рече Трамп, кој ќе се кандидира за нов мандат во Белата куќа на претседателските избори во ноември годинава.
„Ќе влезам во многу проблеми со луѓето во Париз и луѓето во Лондон, но знаете што, тоа е факт. Тие се непрепознатливи и не можеме да дозволиме тоа да и се случи на нашата земја. Имаме неверојатна култура, традиција. Не можеме да дозволиме тоа да се случи овде и никогаш нема да дозволам да им се случи на Соединетите Американски Држави“, рече тој.
Трамп често ги критикуваше европските земји. Во декември 2015 година, набргу откако Париз беше погоден од смртоносен исламистички терористички напад, тој рече дека населбите во Париз и Лондон се толку опасни што полицијата одбила да оди таму. Во тоа време, Трамп го бранеше својот план „целосно да им забрани на муслиманите да влезат во САД“.
И покрај тоа што беше критикуван за тие забелешки, Трамп продолжи да ја брани својата позиција. „Вистинскиот Париз е различен од Градот на светлината за кој читате. Има области во Париз каде луѓето се толку радикализирани и толку злобни, што полицијата одбива да оди таму. Тие нема да одат таму. Тоа ќе се случи на нашата земја“, предупреди тој.
Во јануари 2016 година тој изјави дека животот во Брисел е како да живееш во „пекол“ поради недостаток на „асимилација“ на муслиманското население.
Свет
Британски политичари: „Русија сее хаос во балканскиот регион, треба да испратиме војска во БиХ“
Британски војници треба да бидат испратени во Босна и Херцеговина поради ризикот од дестабилизација на Балканот, тврди поранешниот командант на Обединетите нации, Боб Стјуарт.
Стјуарт, сега независен британски пратеник, рече дека британскиот баталјон ќе биде „најдобриот баталјон“ што може да се испрати во југоисточниот регион на Европа за да се воспостави мир. Претседателката на Комитетот за надворешни работи Алиша Кернс предупреди дека Балканот може да стане место на „трет голем глобален конфликт“, заедно со Украина и Газа, доколку не се преземат превентивни мерки.
За време на дискусијата за безбедноста во регионот, чиј домаќин беше Кернс, таа рече: „Треба да размислиме за изградба на нов безбедносен сојуз меѓу САД, ОК и другите спремни земји-членки на НАТО со Косово, бидејќи тоа ќе помогне да се ублажат непосредните безбедносни грижи што ги имаме.
Интервенирајќи, Стјуарт додаде: „Британски баталјон стациониран во Босна и Херцеговина би испратил многу, многу силен сигнал. И искрено, британскиот баталјон е веројатно најдобриот баталјон што може да се испрати во таква мировна ситуација. Ние му помогнавме на регионот во минатото Ние го направивме тоа на политичкo, социјалнo, економско поле, и, се разбира, многу работа е направена во БиХ“.
Министерот за надворешни работи Дејвид Ратли, од друга страна, рече дека во моментов нема такви планови, но дека „Обединетото Кралство продолжува силно да ги поддржува вооружените сили на Босна и Херцеговина“. Тој додаде дека британската влада „постојано“ го ревидира својот пристап кон санкциите и ќе размисли да ги таргетира оние кои „се обидуваат да ја поткопаат ситуацијата“.
Пред дебатата, Кернс за новинската агенција PA изјави: „Балканот е важен и ако го игнорираме, ќе завршиме со пожар на нашиот праг. Ова не е важно само за европската безбедност, бидејќи во суштина тоа е нашиот продолжен двор и ако дојде до криза на Балканот, ќе ја почувствуваме тука, ќе не погоди сите нас и не можеме да си дозволиме трет глобален голем конфликт, што би било токму тоа“.
Таа, исто така, посочи дека Русија има намера да сее хаос во регионот: „Се работи за создавање што е можно повеќе театри на конфликти. Тие постојано го повторуваа фактот – ако работите не одат добро во Украина, Русија би го дестабилизирала Балканот“.