Свет
Митал ќе бара милионска отштета од „Железници“?
Ладна валалница, чиј сопственик е индискиот магнат Лакшми Митал, по судски пат може да побара милионски надомест од „Македонски железници“ за штета што фирмата ја претрпела при неодамнешната блокада на возовите, дознава „Време“.
Мирче Котевск
и
Ладна валалница, чиј сопственик е индискиот магнат Лакшми Митал, по судски пат може да побара милионски надомест од „Македонски железници“ за штета што фирмата ја претрпела при неодамнешната блокада на возовите, дознава „Време“.
Од „Митал стил“, компанија за производство на челични лимови, испратиле протестно писмо до раководството на МЖ во кое се жалеле дека блокадата на возовите што пред еден месец ја организираа два синдикати во јавното претпријатие им предизвикала огромни последици во работењето. Јавното претпријатие има договор за превезување на производите на овој капацитет до солунското пристаниште и назад, што треба непречено да се одвива.
„Поради претрпена финансиска загуба и нарушување на односите со нашите деловни партнери, немаме друг избор освен да преземеме законски мерки за надомест на направената штета“, пишувало во писмото испратено до Стојан Наумов, генерален директор на МЖ.
Во Јавното претпријатие потврдија дека имале добиено протестно писмо уште додека работниците не ги пропуштаа возовите, но тврдат дека досега таму немаат добиено тужба од Ладна валалница, ниту пак од кој било друг индустриски капацитет за кој превезуваат стока.
– Имаме склучено договори за превоз на производите со повеќе индустриски капацитети. Наша обврска кон деловните партнери е натоварените вагони да ги превеземе до крајната дестинација. Но, последниот ненајавен протест едноставно ја парализира пругата, што им нанесе огромни последици на претпријатието и на неговите деловни партнери – тврди Наумов.
Според него, нема да биде чудно доколку некој од индустриските капацитети, чиј извоз најмногу зависи од вагоните на железници, побара отштета по судски пат.
– Нивно право е дали ќе тужат – смета Наумов.
Неофицијално, уште еден гигант за производство на челик размислува дали да поднесе тужба против Железници за направена штета при последната блокада на железничкиот сообраќај.
Според Наумов, покрај коминтентите што ги опслужува железницата, сериозна штета претрпело и јавното претпријатие.
– Директната штета за претпријатието изнесува околу 25 милиони денари, а ги доведовме во прашање и деловните односи со фирмите за кои превезуваме производи – кажува Наумов.
Од Валалница, неофицијално, тврдат дека нема да поднесат тужба против „Македонски железници“ и ќе бараат заеднички начин за вонсудско решавање на проблемот. Блокадата на железницата беше организирана откако Владата го отфрли барањето на Синдикатот, 755-те отпуштени работници наместо 2.500 евра да добијат испратнини од 5.000 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.