Македонија
ВМРО-ДПМНЕ: Споменикот на Александар го впишал СДСМ

Споменикот на Александар Македонски на плоштадот во 2004 г. го озаконила најголемата опозициска партија СДСМ, изјави денеска Сашо Стефаноски од владејачката ВМРО-ДПМНЕ
Споменикот на Александар Македонски на плоштадот во 2004 г. го озаконила најголемата опозициска партија СДСМ, изјави денеска Сашо Стефаноски од владејачката ВМРО-ДПМНЕ.
Стефаноски на денешната прес-конференција рече дека ставовите на СДСМ зависат од дневно политички потреби и од моменталната проценка дали може да се добие некој ситен политички поен.
„Ние говориме со факти, аргументи и документи. За најновата нивна небулоза сведочи овој документ. Тоа е Програмата за споменици донесена од страна на Советот на Град Скопје, и тоа на ден 30-ти ноември 2004 г. За потсетување, ВМРО-ДПМНЕ тогаш, од 45 имаше само четири советници. Во тоа време мнозинството во Советот го имаше СДСМ и тие одлучуваа каква ќе биде секоја одлука, програма и проект. Сите советници од СДСМ гласаа за оваа програма. Во оваа програма, која ја гласаше СДСМ, на прво, потенцирам на прво место, стои дека треба да се изгради споменик на Александар Македонски, натаму следат и останати споменици кои сега се содржат во проектот Скопје 2014 г.“, изјави Стефаноски.
„СДСМ сега е против сите споменици кои ги иницираше и за кои гласаше во 2004-та и кои се содржани во оваа програма.“, додаде Стефаноски нагласувајќи дека во овие критики на СДСМ и нивниот лидер Бранко Црвенковски се гледа, како што оцени, лицемерство и неконзистентноста./крај/со/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Борче Стамов и д-р Ирфан Ахмети ќе ја примат државната награда „Мајка Тереза“

Борче Стамов од „Донирај компјутери“ и доц. д-р Ирфан Ахмети од Универзитетската клиника за ендокринологија, денеска во Собранието ќе ја примат државната награда „Мајка Тереза“.
„На 26 август 2025 година (вторник), во Кристалната сала на Собранието на Република Северна Македонија, во 11:00 часот, Одборот за доделување на државната награда „Мајка Тереза“ ќе ја додели државната награда „Мајка Тереза“ за 2025 година за особено значајни остварувања од интерес на државата во областа на хуманоста и човечката солидарност и за потикнување, унапредување на меѓусебното разбирање и развој на соработката, како меѓу народите, така и меѓу припадниците на различните заедници, култури и вери“, соопштија од Собранието.
Македонија
Без струја делови од Центар и Карпош

Без струја денеска ќе останат делови од Центар и Карпош, извести Регионалниот центар за управување со кризи на Град Скопје.
Поради технички зафати во електродистрибутивната мрежа на ден 26.08.2025 година (вторник), без електрична енергија ќе останат:
· од 08:00 до 15:00 часот, корисниците на бул. Партизански Одреди бр. 15, односно стамбените објекти околу објектот – Луна Бизнис Центар. (Општина Центар )
· од 11.00 до 15.00 часот, корисниците од дел од ул. Козле крак -22. (Општина Карпош)
Македонија
Патот Македонски Брод – Скопје сѐ уште е затворен за сообраќај

Поради пожар во националниот Парк Јасен, регионалниот пат Р1106 Македонски Брод – Скопје сѐ уште е затворен за секаков вид на возила, информира АМСМ.
Сообраќајот на останатите државни патишта се одвива непречено, по суви коловози.
Интензитетот на сообраќај на патните правци надвор од градските средини поради летните одмори е зголемен меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.