Македонија
Расте бројот на сообраќајни несреќи со жртви
Вкупно 1895 сообраќајни несреќи во кои загинале 61 лице и биле повредени 2873 луѓе се случиле во првата половина од оваа година во Македонија
Вкупно 1895 сообраќајни несреќи во кои загинале 61 лице и биле повредени 2873 луѓе се случиле во првата половина од оваа година во Македонија.
Ова денеска го соопшти министерството за внатрешни работи, додавајќи дека бројот на сообраќајните несреќи со загинати и повредени лица во однос на првата половина од минатата година е зголемена за 11,7 проценти, бројот на загинатите за 8,9 проценти, а на повредените за 10,7 насто.
Најмногу несреќи се случиле во населените места, а најбројни се меѓусебните судири на возила во движење, па следуваат удар на возило до пешаци, излетување на возила од пат и удар со возило во објекти покрај патот.
Најмногу несреќи се случиле во мај (425), а според деновите најцрни се вторниците со 297 незгоди и петоците со 291. Најмногу незгоди се случуваат попладне (780), а најмалку ноќе (289).
Најчеста причина за незгодите со жртви било пребрзото возење (555), непочитување на првенство на минување (300), непрописно свртување(254) , недржење прописна страна (198) , непрописно престигнување (90), управување под дејство на алкохол (78).
Во сообраќајните незгоди меѓу настраданите предничат возачите на патнички возила, од кои 13 загинале и 827 се повредени. Во првата половина од 2009 година загинале 23 пешаци и 443 биле повредени.
Полицијата во истиот период презеде 157.891 превентивно репресивни мерки, од кои над 69 илјади се барања за прекршочни постапки. Наплатени се 11.224 мандатни казни, а од сообраќај се исклучени 6.594 возила и 7.261 возач, додека алкотестови им се извршени на 37.213 лица./крај/со/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја утре делови од Аеродром, Кисела Вода и Сарај
Без електрична енергија утре ќе бидат дел од корисниците од општините Аеродром, Кисела Вода и Сарај, а задутре корисниците од општина Карпош.
Како што информираат од Регионалниот центар за управување со кризи на Град Скопје, поради планирани зафати во електро дистрибутивната мрежа, без напојување со електрична енергија, утре од 7:00 до 16:00 часот ќе бидат корисниците од улиците „Божин Николов“, „Хаџи Трајко“ и „Горно Лисиче“, во делот кон селото Долно Лисиче.
Од 8:30 до 16:00 часот, корисниците од објектите во околината на Езеро – Треска во Сарај, а од 11:00 до 15:00 часот без струја ќе бидат корисниците од дел од улицата „Милан Мијалковиќ“.
Во вторник, 24 декември, од 19:00 до 12:00 часот без струја ќе бидат корисниците од дел од улицата Струшка во Општина Карпош.
Македонија
Дел од Сопиште без вода, цистерна ќе кружи низ улиците
Јавното претпријатие „Водовод и канализација“ информираше дека поради дефект на водоводна цевка во близина на Црквата Св. Мина во населба Сопиште, водоснабдувањето е прекинато за дел од корисниците.
Почнувајќи од 18:00 часот без вода се: улица 1, непарните улици 3, 5, 7 и 9, како и парните улици 8, 10, 12, 14 и 16.
Водоснабдувањето ќе биде прекинато до завршување со работните активности.
Од Јавното претпријатие информираат дека е обезбедена цистерна со питка вода која вечерва и утре ќе кружи низ овие улици во населбата.
Македонија
Три метларки од БРАКО за почисто Кавадарци
,,За почисто Кавадарци” и ,,Произведено во Македонија” се натписите на новите возила метларки кои почнаа да го чистат Кавадарци. Општина Кавадарци набави три метларки-свипери од домашно производство, односно од марката Грин Машинс на БРАКО и со оваа набавка, машинскиот парк на комуналното претпријатие сега е зголемен со три нови возила, кои се ефикасни и економични, а предност е што одржувањето и сервисирањето го обезбедува самиот производител кој се наоѓа во Велес.
Директорот на Грин Машинс, Ангел Анѓушев, при предавањето на возилата на комуналното претпријатие во Кавадарци, се заблагодари на довербата на градот, и потенцираше дека иако Грин Машинс продава во 50 држави низ целиот свет и дека годинава само во еден голем светски град се продадени 40 возила, сепак овие три возила во Кавадарци и значат многу на компанијата и на нејзините вработени затоа што ќе работат и ќе чистат дома, во Македонија.
Градоначалникот на Кавадарци, Митко Јанчев нагласи дека општината секогаш вложува во модерни решенија за подобри услуги за граѓаните и дека е прва општина по главниот град која во 2018г започна со машинско метење на градските улици.
(ПР текст)