Свет
Најголемиот дел од спорните пари се од времето на претходниците на Пановски
Зошто побарувања од 2002 и 2003 година од претходни тендери се вметнуваат во извештајот за 2004 година, прашува Пановски
По објавениот извештај на државната ревизија за здравствениот фонд
Зошто побарувања од 2002 и 2003 година од претходни тендери се вметнуваат во извештајот за 2004 година, прашува Пановски
Најголемиот дел од парите за кој Државниот завод за ревизија го обвини Фондот за здравствено осигурување дека ги потрошил без да спроведе постапка за јавна набавка, се платени пред да дојдам за директор. Ова го тврди директорот на Фондот за здравствено осигурување, проф. д-р Никола Пановски, кој вели дека околу 80 отсто од 57,9 милиони денари за кој државната ревизија утврдила дека се незаконски потрошени, не само што се платени по претходно распишани тендери, туку тие се намирени во 2002 и 2003 година, кога директори биле неговите претходници Војо Михајловски и Рубинчо Зарески. Остануваат околу 17 милиони денари, кои Пановски ги потпишал да се намират, како стасани обврски по претходните тендери, кои биле законски и морале да се платат. Затоа првиот фондовец прашува зошто државниот завод не направи ревизија на 2003 година и зошто во извештајот за 2004 година се вметнуваат набавките и наплатите од 2002 и 2003 година.
Во одбрана на своите тврдења, Пановски на вчерашната прес-конференција приложи докази за поголемите тендери за заштитниот бункер и софтверот и ласерите за акцелераторот, за печатење на бандеролите, за сините картони, за одржување на фондовскиот компјутерски систем. “Не е точно дека старите договори биле дополнувани со анекси со што вредноста на набавките ја надминала основната за неколкупати, и дека се набавувале лекови и потрошен медицински материјал што не биле споменувани во старите договориии, вели проф. д-р Пановски, кој додаде дали ревизорите повторно не мислат на претходните години, а извештајот го правеле за 2004 година.
Единствената дилема била околу лековите и потрошниот медицински материјал кои се набавувале по стари тендери од 2001, 2002, па и 1997 година. “Дилемата беше дали болните да се остават без потребните лекови, дијализери и да се води законска постапка или и натаму да се набавува по старите тендери додека не завршат новите за кои секако е потребно време”, потенцира Пановски кој додаде дека додека да заврши тендерот во меѓувреме бил распишан уште еден помал тендер се со цел да се намалат цените на лековите. За вакви ситуации кои не се предвидени во законот, ревизорот треба да даде препораки, додава Пановски дали да се остават осигурениците без лекови или да се продолжи да се крши Законот за јавни набавки.(Ј. Ј.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Крим ја повика Русија да отвори истрага против Зеленски за тероризам
Претседателот на Кримската меѓуетничка мисија Заур Смирнов изјави дека мисијата ја повикала Русија да отвори кривична постапка против украинскиот претседател Володимир Зеленски за тероризам на руски територии.
„Зеленски води и насочува терористички активности против Крим и други руски области кои резултираа со човечки жртви. Оваа активност треба да биде предмет на кривично гонење и истрага. Верувам дека руските истражни органи треба да отворат кривична постапка против Зеленски“, рече Смирнов.
Кримската меѓуетничка мисија се состои од неколку јавни организации, а е основана со цел да се постигне „меѓуетничка хармонија“ на Крим, пренесува ТАСС.
Свет
(Видео) Невидени поплави во Бразил: „Ова е катастрофа, ќе се влошува“
Десет лица загинаа, а 21 се водат за исчезнати по обилните дождови кои предизвикаа бројни поплави и лизгање на земјиштето оваа недела во јужната бразилска држава Рио Гранде до Сул, а локалните власти предупредуваат дека ситуацијата е критична и може да се влоши.
На прес-конференцијата во средата, гувернерот на државата Едуардо Леите рече дека разговарал со претседателот Луис Инасио Лула да Силва барајќи секаква можна федерална помош.
Quem está no Rio Grande do Sul, se proteja. Fiquem em locar seguro. Tomo todos os cuidados possíveis. Por pouco não aconteceu uma tragédia, neste caso. pic.twitter.com/cy2TEwSf2m
— Tumulto BR (@TumultoBR) May 1, 2024
„Поминуваме низ најлошиот момент во Рио Гранде до Сул, најголемата катастрофа во нашата историја. Она што се случува во Рио Гранде до Сул во моментов е апсолутно, незамисливо, крајно сериозно. И за жал, само ќе се влоши“, рече Леите.
O dilúvio no Rio grande do Sul não está poupando nem os porcos! pic.twitter.com/QBsHYpr2GC
— Ney (@neydux17) May 1, 2024
Според гувернерот, невремето предизвикало најголемо уништување во државата во последните години, оставајќи неколку градови изолирани по уривањето на мостовите и уништените патишта.
Maior enchente já registrada na minha cidade no Rio Grande do Sul tive que socorrer os bichinhos da minha cunhada pic.twitter.com/oKefGh7aJA
— henrique Rhoden (@henriqueRhoden3) May 1, 2024
Властите избројаа повеќе од 3.400 раселени лица откако бурите предизвикаа покачување на нивото на реките и поплави во различни делови на земјата, погодувајќи 114 општини.
Во извештајот во вторникот, државната влада предвиде ризик од поплави „практично низ целата држава“ со оглед на изгледите за продолжување на „обилните врнежи“ во наредните денови.
Que coisa triste, meu Deus do céu
Eu espero que todo mundo que esteja fazendo piada com a situação do Rio Grande do Sul veja esse vídeo e repense pic.twitter.com/5E4DGleHSO
— O Bon Vivant MuitoHumilde (@muitohumildee) May 2, 2024
Во извештајот се наведува и дека поплавите ќе бидат сериозни во сливовите на многу реки, а можни се поројни поплави и масовни лизгања на земјиштето во регионите со стрмни падини.
Свет
Хамас веројатно ќе го отфрли последниот предлог за договор за заложници, пишува „Тајмс оф Израел“
Хамас најверојатно ќе го отфрли последниот предлог за договор за заложници, подготвен од посредниците, кој доби зелено светло од Израел, пишува „Тајмс оф Израел“.
Осама Хамдан, функционер на Хамас со седиште во Либан, за телевизијата Ал-Манар, поврзана со Хезболах, изјави дека позицијата на Хамас за сегашниот предлог за преговори е негативна.
Од прес-службата на Хамас подоцна појаснија дека негативната позиција не значи дека преговорите се прекинати.