Трансформацијата и организациската структура на АРМ, како и искуствата на АРМ од учеството во мисиите предводени од НАТО, ЕУ и ОН, беа презентирани во четврток, за време на посетата Началникот на ГШ на ВС на Кралството Шпанија, генерал адмирал Фернандо Гарсија Санчез.

Началникот на ГШ на АРМ генерал-мајор Горанчо Котески го истакна значењето на посетата на адмиралот Санчез како прв НГШ на ВС на Кралството Шпанија во посета на АРМ, при што тој подвлече дека билатералната соработка со ВС на Шпанија ќе продолжи во обуката на клучни специјалности на АРМ пред упатување во мисијата ИСАФ во соодветните центри за обука во Шпанија, особено за обука на персонал за откривање на импровизирани експлозивни направи.

Од страна на НГШ на АРМ беше искажана и подготвеност за соработка со ВС на Кралството Шпанија на полето на военото образование, обуката на декларираните единици, единиците за спејални операции, како и употреба на Армискиот полигон ,,Криволак”. На крајот, генералот Котески се заблагодари за поддршката на ВС на Кралството Шпанија искажана низ досегашните заеднички мисии и вежби со АРМ.

Адмиралот Санчез нагласи дека АРМ во досегашниот период покажала висок степен на интероперабилност, особено во извршувањето на мисиите, при што се афирмирала како Армија со стандарди на НАТО.

Тој на средбата покажа интерес за проширување на соработката со АРМ, особено на полето на воената едукација и вежбите, во областа на одбраната од Cyber напади, военото разузнување, единиците за специјални операции, како и за размена на искуствата од доменот на асистенцијата на институциите во услови на елементарни непогоди и друго.

На средбата стана збор и за размена на искуствата во делот на воената логистика и медицинското обезбедување во мисиите.

Во останатиот дел од посетата, делегацијата од ВС на Кралството Шпанија ќе го посети полкот за специјални операции на АРМ, кде во касарната „Илинден” во Скопје, ќе бидат презентирани дел од капацитетите на оваа единица. /крај/со/мф