Ако владата ги штити социјалните случаи треба да биде рамноправна, а не само за социјални станови да конкурираат оние кои имаат пари, обвинија од невладината организација Хоризонт Македонија.

Ако владата ги штити социјалните случаи треба да биде рамноправна, а не само за социјални станови да конкурираат оние кои имаат пари, обвинија од невладината организација Хоризонт Македонија.

Оттаму ја повикаа Владата да престане со правење реклама и маркетинг од социјалните случаеви, според нив невозможно е социјалните случаеви да конкурираат за овие станови, бидејќи се потребни пари за аплицирање.

„Поучени од претходното искуство, распределба на социјалните станови во 2004 година во Крива Паланка станови добија поштари, полицајци и оние кои имаат пари, а не социјални случаи и самохрани родители„ рече Ивица Младенов претседател на невладината Хоризонт Македонија.

Од министерството за транспорт и врски ги отфрлаат овие обвинувања бидејќи во тоа време министер за транспорт и врски не бил Миле Јанакиески.

„Тогаш се користел различен систем за распределба на становите, ние становите ги распределуваме јавно и транспарентно во присуство на лицата кои аплицирале“, изјави Драган Симоновски портпарол на министерството за транспорт и врски.

Од министерството велат дека нема место за манипулација со становите бидејќи се користи електронски софтвер, а се врши и увид на лице место за поднесената документација.

Минатата година имаше неправилности, бидејќи за социјалните станови кои беа доделувани во населбата Јурија биле пријавени и десетина лица со лажни податоци, некои од нив не живееле во скопските општини, а некои не ни биле жители на Македонија.

Лицата со лажни податоци беа изоставени од конечниот список за добивање на социјален стан.

И оваа година повеќе од половина апликанти би можело да бидат незадоволни од распределбата, затоа што 547 лица аплицирале за 208 станови, а минатата година за 102 социјални станови во Ѓорче Петров се пријавија 719 лица.

Распределбата на становите ќе биде јавно и по електронски пат, лицата кои аплицирале од утре до 26 овој месец можат да присуствуваат на јавната прелиминарна распределба во своите градови./крај/мт