Свет
Пасивното пушење годишно убива по 600.000 луѓе
Пасивното пушење годишно убива по 600.000 луѓе ширум светот, се вели во студијата што денеска ја објави британското медицинско списание „Лансет“, пренесува Асошиејтед прес.
Истражувачите ги проучиле податоците од 192 земји од 2004. година и заклучиле дека 40 отсто од децата и повеќе од 30 отсто од возрасните непушачи редовно вдишуваат чад од цигари.
Потоа било проценето дека пасивното пушење предизвикало смрт на 603.000 луѓе: директна причина за 379.000 смртни случаи биле срцеви заболувања, 165.000 умреле од болести на дишните патишта, 36.900 од астма, а 21.400 од рак на белите дробови.
Вкупниот резултат е еден отсто од бројот на умрени во 2004. година.
Истражувањето го нарачале Шведскиот национален комитет за здравје и благосостојба и организацијата Блумберг Филантропиц, а го спроведе Иницијативата за слобода од тутун при Светската здравствена организација.
Се проценува дека директно, вдишувањето на чад од цигари, секоја година убива околу 5,1 милиони луѓе во светот.
Најголема изложеност на пасивното пушење е во Европа и Азија, а најмала во Америка, и источниот Медитеран и во Африка.
Се тврди дека од пасивното пушење најмногу страдаат жените – 281.000 умреле од тоа во 2004. година. /крај/ап/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.