Свет
Асанж: Да го гледаш светот како се менува… непроценливо
Основачот на Викиликс, Џулијан Асанж го возврати ударот кон Мастеркард, една од компаниите кои ја блокираа неговата сметка, на која, од донации, има повеќе од 15 милиони долари.
Основачот на Викиликс, Џулијан Асанж го возврати ударот кон Мастеркард, една од компаниите кои ја блокираа неговата сметка, на која, од донации, има повеќе од 15 милиони долари. Асанж сними иронична верзија на рекламата на Мастеркард, чија порака е „непроценливо“. Асанж, спотот кој трае 90 секунди, ги кажува трошоците на Викиликс: „5.000 долари за 20 безбедни телефони, милион долари за правни трошоци во пет земји, 200.000 долари за сервери во повеќе од 40 земји, 500.000 долари за домашниот притвор на Асанж, и најлошо од се, 15 милиони долари добиени од донации кои се изгубени по блокирањето на сметките“. Рекламата завршува на тој начин што Асанж, кој се наоѓа во домашен притвор во Норфолк, бара награда за подстрекот на Арапската пролет. Основачот на Викиликс во спотот гледа снимки од демонстрациите на Блискиот Исток и Северна Африка, додека нараторот зборува: „Да гледате како светот се менува како последица на вашата работа: Непроценливо. Постојат некои луѓе кои не сакаат промени. За сите останати тука е Викиликс“. Спотот е наменет за собирање на нови донации. Од Мастеркард, од каде и во минатото поднесувале тужби за пародии на нивните реклами, и дали ќе покренат процес против Викиликс. крај/бл/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.