Македонија
Бучковски: Набавките во МО беа ургентни исто како „Тамифлу"

По повеќе турбуленции околу стартот на повтореното судење денеска пратеникот Владо Бучковски со часови пред судијата Дијана Груевска Илиевска и Судскиот совет зборуваше за набавките на резервни делови за тенкови заради кои тој одговара за злоупотреба на службената должност и овластување.
По повеќе турбуленции околу стартот на повтореното судење денеска пратеникот Владо Бучковски со часови пред судијата Дијана Груевска Илиевска и Судскиот совет зборуваше за набавките на резервни делови за тенкови заради кои тој одговара за злоупотреба на службената должност и овластување.Го убедуваше судот дека набавките биле легални , парите се знае каде завршиле и државата немала штета туку дури и корист. Тој во детали со мноштво нови документи и докази тврдеше дека со одлука на тогашниот претседател Борис Трајковски, премиерот Љубчо Георгиевски било побарано ургентна набавка на делови за тенкови од Украина. Било констатирано дека на Македонија и демнела опасност од вооружени напади заради што државата требало да се наоружа. Ниту една набавка не била планирана поради закана од Косово тврдеше Бучковски. „Тогаш државата работеше надвор од Законот за јавни набавки, во кои Член два предвидува дека доколу се работи за интерес на државата и се работи за воена тајна Законот не важи”,појасни Бучковски. На предлог на државниот секретар во министерството за финансии, Ванчо Каргов, наместо да се прави ребаланс на Буџетот побарал МЗТ ФОП да плати за деловите како добар партнер на министерството. Бучковски тврди дека по неговото заминување од министерството почнале перипетиите со договорот и доцнењето на исплатата на втората рата од парите иако пари имало на посебна сметка на Министерството од каде за јавни набавки биле исцрпени две милијарди денари. За овој договор против Бучковски веќе имало кривична пријава која обвинителството ја отфрли. „Во меѓувреме се случува штрајк во МЗТ ФОТ и паѓа договор парите од втората и третата рата да бидат дадени во Фондот за здравство за бенефит на вработените. До денар се гледа каде се парите потрошени или каде се наоѓаат. Се набавуваше ургентно исто како што се набавуваше Тамифлу кога се закануваше опасност по здравјето на населението”, тврдеше Бучковски и на судот му предаде нови докази и документи. Денеска тој обелодени дека чешка компанија сакала да ги купи деловите, но државата не ги дала оти биле предмет на кривично дело и биле ставени вон правен промет , што за него е чудно оти на тој начин државата би можела да заработи многу пари оти вакви тенкови се употребуваат во Јужна Африка. Бучковски сведочењето ќе го продолжи на следното рочиште. Верзијата околу набавките во министерството во негово време Бучковски ја зборува вторпат, но со многу нови дополнувања. Еднаш беше осуден, но Апелација ја поништи пресудата и судењето е на почеток./крај/км/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Не сакаме да се повтори сценариото со Арсовска, ние сме тука за скопјани, не на поединци, рече Мециновиќ

Кандидатот за градоначалник на Скопје од редовите на Левица, Амар Мециновиќ, на денешната прес-конференција изјави дека партијата бележи значителен раст на поддршката по првиот изборен круг и дека левиот гласачки спектар цврсто се обединува околу нивната програма.
„Во изминатите неколку дена гледаме голем прилив на нови поддржувачи. Многу граѓани кои досега не гласале за Левица, сега ја гледаат како најсоодветна опција во вториот круг“, рече тој.
Мециновиќ истакна дека Левица ќе ја преземе улогата на обединувачка сила на сите антивладини гласови во Скопје. „Нашата улога како обединувачка сила е очигледна, и тоа е одговорност, но и привилегија. Испишуваме нови страници во политичката историја на Македонија“.
Понатаму, во своето обраќање, Мециновиќ најави дека Левица е во разговори со неколку независни листи за можност за соработка во Градскиот совет. Како што истакна со дел од независните листи, како Зелен Хуман Град, веќе имале заеднички ставови и гласања во претходниот мандат. „Верувам дека и овојпат можеме да најдеме заеднички точки на интерес“, изјави тој.
Моменталната политичка ситуација Мециновиќ ја оцени како мобилизација против владината политика, посочувајќи дека владата, според него, ја злоупотребува кризата со отпадот во Скопје. „Владата сакаше до крај да ги истроши скопјани, за потоа да прави театар со нивното здравје. Тоа е доказ дека имаме деструктивна власт“.
Кандидатот на Левица порача дека партијата во следниот период ќе понуди алтернатива која ќе биде проактивна и фокусирана на интересите на граѓаните, а не на лични агенди. „Не сакаме повторно да се повтори сценариото со градоначалничката Данела Арсовска. Ние сме тука да ја исполнуваме агендата на скопјани, не на поединци“, истакна тој.
Мециновиќ најави и конкретни потези веднаш по преземањето на градската власткако раскинување на сите штетни договори што ја оптоваруваат градската администрација и јавните претпријатија „уште во првите 72 часа“.
Исто така, нагласи дека во првите 72 часа ќе го раскинат договорот со кој казина и обложувалници се рекламираат на автобусите.
„Тоа веќе не смее да биде така. Градската власт не смее да дозволува промовирање на корозивни општествени процеси на својот имот“, објасни Мециновиќ и додаде дека со ваква одлука ќе се подобри и финансиската состојба на Јавното сообраќајно претпријатие.
„Најатрактивниот рекламен простор во градот ќе биде вратен под стопанисување на јавното претпријатие, а не на приватни маркетинг агенции кои му оставаат само трошки“.
Во делот на културата, Мециновиќ најави две нови насоки во политиката на градот за поддршка на младите: финансиско зајакнување на Младинскиот културен центар (МКЦ) и основање на скопски графити фестивал.
„Сакаме да му дадеме поголема финансиска поддршка на МКЦ. Дел од неговите простории може да се претворат во Скопско рок школо, простор каде младите ќе имаат пристап до инструменти и ќе можат да вежбаат и да се усовршуваат“, објасни тој, додавајќи дека проектот ќе биде по примерот на слични иницијативи во европските градови.
Мециновиќ најави и идеја за нов фестивал:
„Ќе поддржиме формирање на Скопски графити фестивал, по примерот на градови како Мостар. Секоја пролет ќе каниме уметници од регионот и од светот да создаваат мурали и графити, со што ќе го разубавиме Скопје и ќе му дадеме нов визуелен идентитет“. Според него, ваквите иницијативи ќе придонесат за поголема активност на младите во културниот живот и ќе го направат градот попривлечен за домашни и странски посетители.
Мециновиќ најави дека во следните десет дена партијата ќе одржува тематски прес-конференции на кои ќе ги претставува дополнителните идеи и мерки за Скопје. „Нашите активисти се деноноќно на терен. Секојдневно комуницираме со граѓаните и ја артикулираме пораката на најдобар можен начин“. На крај, повтори дека очекува „значително зголемување“ на поддршката во вториот круг.
Македонија
(Видео) СДСМ: Дали со Британија е договорено отворање мигрантски кампови во Македонија

Портпаролката на СДСМ, Богданка Кузеска, денеска на прес-конференција побара премиерот Христијан Мицкоски јавно да одговори дали за време на посетата на владината делегација во Велика Британија било разговарано за прифаќање мигранти и отворање мигрантски кампови во Македонија.
Кузеска изјави дека, според информациите што ги добиле од Британијапрашањето за мигрантите било во фокусот на средбите со британската влада, но од македонската страна досега нема официјални информации.
„Ова е јасен знак дека повторно се крие нешто од јавноста. Мицкоски одбил да разговара на оваа тема со медиумот Тајмс, а за македонската национална телевизија дал само штур одговор“, рече Кузеска.
Според неа, британската влада нуди стратешки инвестиции за земјите од регионот, но тие, како што наведе, доаѓаат во пакет со разговори за кампови за мигранти.
Кузеска потсети дека Мицкоски досега неколку пати јавно негирал постоење на каков било договор поврзан со мигранти, но, како што рече, новите информации од Лондон укажуваат на спротивното.
Македонија
Скопските лихвари им ги одземале имотите на оние кои не можеле да ја вратат позајмицата, каматата била и до 15 отсто месечно

Полицијата спроведе координирана акција на повеќе локации низ Скопје и приведе 11 лица осомничени за лихварство и перење пари, а уште едно лице, Б.К. (35), е недостапно за органите на прогонот.
Според истрагата, групата делувала од почетокот на 2022 година, организирана со јасна структура и улоги меѓу членовите. Деветмина од осомничените се сомничат дека давале пари на заем со незаконски високи камати, кои се движеле од 5 до 15 проценти месечно, а за секое задоцнување каматата дополнително се зголемувала.
Тие, како што наведува истрагата, ја искористувале тешката финансиска состојба на граѓани, барајќи од оштетените не само да ги вратат парите со камата, туку и да го предадат или заложат имотот што го поседуваат. Кога не можеле да ја исплатат позајмицата, жртвите биле принудувани да ги пренесат своите станови или деловни простории на имиња на осомничените.
Наплатата се вршела директно во готовина или преку банкарски сметки, односно средствата се уплатувале од сметки на оштетените на сметки на лицата вклучени во шемата.
Парите што биле прибрани на овој начин подоцна биле „испрани“ преку банки, сефови и фиктивни трансакции. Дел од средствата биле користени за куповина на недвижен и движен имот, а друг дел за финансирање на луксузен начин на живот.
Истрагата на Обвинителството и МВР утврдила дека осомничените се стекнале со противправна корист во висина од 125 милиони денари – сума добиена преку незаконското лихварство.
Против сите е поднесена кривична пријава за „лихварство“ и „перење пари и други приноси од казниво дело“, а полициските тимови продолжуваат со активности за пронаоѓање на недостапниот Б.К. (35).