Осуммина новинари денеска поднесоа тужби против Пинк 15 телевизија поради неисплатени плати и придонеси за три месеци. Освен финансиската штета новинарите кои што требаше да ги подготвуваат вестите на оваа телевизија, веќе шест месеци трпат и професионална штета.

Осуммина новинари денеска поднесоа тужби против Пинк 15 телевизија поради неисплатени плати и придонеси за три месеци. Освен финансиската штета новинарите кои што требаше да ги подготвуваат вестите на оваа телевизија, веќе шест месеци трпат и професионална штета. Новинарите најпрвин се обиделе да го решат проблемот внатре во редакцијата, штрајкувале го известиле Синдикатот на новинарите и медиумските работници кој разговарал со преставници на телевизијата, го известиле трудовиот инспекторат и до претпоставените од Пинк телевизија испратиле предупредување, односно опомена пред тужба. Откако ништо од ова не дало резултати, тие решија денеска до Основниот Суд Скопје 2 да поднесат тужби. За неисплаќањето на платите според кажувањето на новинарите добивале најразлични објаснувања. Претпоставените најпрвин се правдале дека нема плати и придонеси поради блокирана сметка од вработени кои што го тужеле претходниот сопственик на телевизијата. Второто оправдување била здравствената состојба на сопственикот на телевизијата, Жељко Митровиќ, за потоа едноставно да им кажат дека пари нема.„Сите ние работевме во други медиуми, имавме сигурни работни места, за да дојдеме на друго работно место каде ни беа ветувани многу работи, но од тоа не се исполни ништо. Сметам дека можеби најголем дел од нас во овој момент и во блиска иднина нема да најдат постојано вработување“, изрази новинарот Александар Методиев. Но покрај финансиската, новинарите тврдат дека претрпеле и професионална штета.„Веќе шест месеци не нема на екраните, ги губиме изворите, не бришат од „мејлинг“ листите“, вели новинарката Душица Мрѓа.„Оваа не е изолиран случај, постојат многу вакви случаеви, не само во медиумскиот сектор туку и во другите сектори во општеството“, вели презентерот Александар Ивановски. Самостојниот синдикат на новинари и медиумски работници со овој случај официјално ја започна синдикалната борба. На овие новинари како и на други членови на синдикатот им е обезбедена бесплатна правна заштита.„Овој период додека го застапувам синдикатот фрапирана сум од степенот на кршење на работничките права во оваа професија“, изјави Наталија Миленкова адвокат од самостојниот Синдикат на новинари и медиумски работници.

Макфакс го контактираше прокуристот во пинк 15, Јелена Павлов, но ни соопшти дека не е овластена да дава изјави, доколку телевизјата проценела дека треба да даде изјава за овој случај пи ар тимот на Пинк ќе испрателе иформација до медиумите.Пинк телевизија ја купи телевизијата К15 во ноември 2010 година.  крај/