Македонија
Реакција на ЗНМ против заканите и апсењата на новинари
„Вчера полицијата го приведе колегата Емил Зафировски, додека го пиел своето утринско кафе, пред почетокот на новиот работен ден, тренирајќи го на начин на кој се постапува со најголемите криминалци,“ се вели во реакцијата на Здружението на новинарите во врска со апсењето на новинарот на Форум.
„Вчера полицијата го приведе колегата Емил Зафировски, додека го пиел своето утринско кафе, пред почетокот на новиот работен ден, тренирајќи го на начин на кој се постапува со најголемите криминалци,“ се вели во реакцијата на Здружението на новинарите во врска со апсењето на новинарот на Форум. Од ЗНМ велат дека кога се новинарите во прашање „нема лабаво“, односно дека тие мораат да се дисциплинираат и за нив важи правилото или пари или затвор.„Вака ли размислувате и се доживувате себеси почитувани судии? Дали сите или само некои од Вас? Доколку не сте сите истомисленици во срамот и деградацијата што и ја правите на сопствената професија, ова е последен момент да се охрабрите и да престанете со молкот. За сè што ви се случува. За притисоците што ги поднесувате, за партизацијата на судството, за непрофесионалците меѓу вас што ви ја рушат професијата, за полтроните што судат по наредба и врз основа на однапред изречени пресуди,“ се вели во реакцијата на ЗНМ.Тие најостро ја осудија како што велат и „дрскоста и самоволието на градоначалникот на Сопиште и упатените закани кон новинарот на А1 Александар Момировски, само заради професионалниот новинарски пристап на колегата Момировски и објавените информации за малверзациите на градоначалникот на Сопиште во неговото работење“.„Бараме од градоначалникот на Сопиште, Јован Ѓоргиоски итно да му се извини на колегата Момировски и доколку има докази за неговите аргументи да ги стави на увид на јавноста. Воедно, инсистираме раководството на ВМРО ДПМНЕ од чии редови е споменатиот градоначалник јавно да го осудат ваквото негово однесување и да им овозможат на институциите на системот да спроведат целосна и објективна истрага за неговото работење,“ повикуваат од ЗНМ.Здружението на новинарите на Македонија исто така и го поздравува чинот на солидарност од страна на дел од новинарите кон колегата Зафировски кои вложија сопствени средства за плаќање на глобата од 500 евра што за него значеа спас од издржување на затворска казна. „ЗНМ и покрај скромните средства со кои располага, ќе изнајде начин да партиципира во покривањето на трошоците по основа на оваа судска пресуда. Апелираме до сите новинари, овој случај да биде пример за пресвртница на односите меѓу нас, наместо кавги и поделби во иднина да споделуваме меѓусебна поддршка, почитување, заедништво и солидарност,“ се вели во соопштението. /крај/со/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сообраќајот непречено по наместа влажни коловози
Сообраќајот на државните патишта се одвива непречено, по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, соопшти АМСМ.
Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.
Времена измена на режим на сообраќај на регионален пат Р1101 делница Прилеп – Битола заради интезивирање на градежни активности во врска со проект “Санација на трупот на патот кај мост на река Шемница на Државен пат Р1101 км 85+903, делница Прилеп – Битола”, и тоа од 27.03.2024 ќе има целосно затворање на делницата.
На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.
Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.
Македонија
Г.г. Стефан: Да ги зацврстиме единството и слогата, да ги надминеме разногласијата и меѓусебните поделби
Ариепископот Охридски и македонски заедно со Светиот архиерејски Синод, по повод велигденските празнувања, испраќа мир и благослов од Бога до свештенослужителите, монаштвото и до сите чеда на МПЦ-ОА.
– Христовото воскресение е смислата на нашето севкупно постоење. Тоа е стожерот околу којшто се одвива сиот наш живот и камен-темелникот врз којшто се гради сиот наш подвиг на верата, на надежта и на љубовта во Бога. Тајната на Христовото воскресение го преобразува и го вообличува севкупниот наш поглед кон светот и човекот, кон времето и вечноста. Зашто, токму ова спасоносно собитие е најголемата вистина којашто му беше објавена на човековиот род и токму оваа Тајна над тајните е најрадосното благовестие со коешто велегласно беше возвестена конечната победа на животот над смртта, на доброто над злото и на љубовта над омразата, вели г.г. Стефан меѓу другото во обраќањето.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.