Свет
Гејтс: Промена на режимот не е цел на воената интервенција во Либија
Целта на воената интервенција во Либија не е уривање на Моамер Гадафи бидејќи „секоја промена на режим“ е многу комплицирана за спроведување, изјави денеска американскиот министер за одбрана, Роберт Гејтс.
Целта на воената интервенција во Либија не е уривање на Моамер Гадафи бидејќи „секоја промена на режим“ е многу комплицирана за спроведување, изјави денеска американскиот министер за одбрана, Роберт Гејтс.„Како што видовме во минатото, промена на режимот е нешто многу комплицирано. Некогаш трае долго, некогаш се случува многу брзо, но никогаш не било воена цел“ во Либија, рече Гејтс во емисијата на телевизијата ABC, каде говореше заедно со државната секретарка на САД, Хилари Клинтон.Во изјавите денеска за телевизијата CBS, Гејтс и Клинтон рекоа дека блиските соработници на Гадафи почнале да го напуштаат соочени со интервенцијата на меѓународната коалиција во Либија.„Бројни дипломати и воени команданти во Либија се двоумат, менуваат страна, го напуштаат (Гадафи) бидејќи гледаат како сево ова ќе заврши“, рекла Хилари Клинтон за CBS.Американската државна секретарка во вторник во Лондон ќе учествува на состанокот за политички контакти за воената операција во Либија, каде ќе присуствуваат претставници на земјите кои учествуваат во операцијата, вклучувајќи ги и арапските земји. /крај/бе/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нови детали за малата Данка: нејзината ДНК не била пронајдена на автомобилот со кој била удрена
Како што пренесува „Нова.рс“, на ниеден од предметите што биле земени за помош во истрагата не биле пронајдени биолошки траги од двегодишната Данка Илиќ од Србија.
Српскиот портал напиша дека досега се пронајдени повеќе од 400 траги во службеното возило за кое се сомневаат дека го користеле Дејан Драгојевиќ и Срѓан Јанковиќ кога, според нивното признание, го удриле девојчето. Обвинителството пред неколку дена ги доби резултатите од новите вештачења.
„Од внатрешноста на службениот автомобил во Бор се земени повеќе од 500 траги, како и траги од надворешната страна на автомобилот. Досега вештачењата покажаа дека нема трага од ДНК на Данка Илиќ ниту во самиот автомобил ниту на надворешните делови од возилото“, пишува „Нова.рс“ повикувајќи се на Вишото јавно обвинителство.
Медиумот потсетува дека осомничените работници на фирмата „Водовод“ од Бор, Јанковиќ и Драгијевиќ, биле на работна задача на 26 март кога во Бањско Поле исчезна двегодишно девојче. Според признанието на Драгијевиќ, девојчето го удриле со службеното возило, го задавиле и го фрлиле на дива депонија, од каде што два дена подоцна Дејан со својот татко (73) и сега починатиот брат Далибор (40) наводно го преселиле телото на друга, непозната локација.
Телото на двегодишната Данка сè уште не е пронајдено.
Регион
Се урна конструкција на рингишпил, повредени 13 деца, од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче, чиј живот е во опасност и има сериозни повреди на главата и ‘рбетниот столб.
Таа била итно префрлена во КЦ „Ниш“ на Одделот за неврохирургија.
Седум деца се во друга болница, каде што во тек е понатамошна дијагностика, а другите деца се полесно повредени, пишуваат тамошните медиуми.
Свет
Кремљ: Мешањето на силите на НАТО во украинскиот конфликт – огромна опасност
Режимот во Киев е прилично непредвидлив, интервенцијата на воените сили на НАТО во украинскиот конфликт на теренот претставува огромна опасност, изјави за новинарите портпаролот на Кремљ, Дмитриј Песков.
Според него, Москва ја смета за крајно провокативна петицијата објавена на веб-страницата на украинскиот лидер Володимир Зеленски, во која се апелира да се поканат странски војници во Украина.
„Сметаме дека ова во најмала рака е крајно провокативно и го следиме многу внимателно“, рече Песков.
Францускиот претседател Емануел Макрон неодамна во интервју за „Економист“ изјави дека не ја исклучува можноста за испраќање војници во Украина на барање на Киев доколку Русија ја пробие линијата на фронтот. Според него, многу земји од ЕУ се согласиле со мислењето на Париз за ова прашање.
Медиумите претходно објавија и дека Франција испратила војници од својата Легија на странци во Украина, пренесува „Танјуг“.