Македонија
Ангелов: МВР селективно поднесува кривични пријави
Претседателот на здружението „Достоинство“, Стојанче Ангелов го обвинува МВР за селективно поднесување на кривични пријави против испитувачите кои биле вработени во Комората за обезбедување на Ангеле Јовановски, против кого е покренато обвинение.
Претседателот на здружението „Достоинство“, Стојанче Ангелов го обвинува МВР за селективно поднесување на кривични пријави против испитувачите кои биле вработени во Комората за обезбедување на Ангеле Јовановски, против кого е покренато обвинение.
Тој обвинува дека од вкупно 31 испитувач МВР поднеле кривични пријави против 15 лица, а против останатите 16 лица, кои и сега вршат високи функции во МВР, нема покренато кривични пријави.
„Бараме од министерот за внатрешни работи да види кој тоа во Министерството за внатрешни работи поднел таква кривична пријава и како може кога на еден записник за полагање се потпишани десет лица, против пет да има, против пет да нема кривична пријава. „Дали тоа што некој е помошник директор или началник во МВР го амнестира од одговорност, а другите треба да одат да се влечат по судовите“ вели Ангелов.
Исто така, Ангелов рече дека ги иритира односот на Јавниот обвинител Јован Цветановски, на кого по секое судско рочиште му ја укажувале неправдата што е направена против нив.
„Доколку обвинителот вели дека ние не сме го почитувале законот, тогаш зошто не покрене обвинение против другите 16 лица. Затоа бараме и од министерот за правда и од државниот Јавен обвинител да ја испитаат работата на овој јавен обвинител кој што го води процесот и да го повика на одговорност“ бара Ангелов.
Тој обвинува дека некој сака да го извалка неговото име во јавноста.
„Неколку пати ме распрашувала внатрешна контрола, бев на дисциплинска комисија, казнет сум, бев на вонреден лекарски преглед, ми поднесоа кривична пријава, значи не можам да го сокријам чувството дека некој намерно се обидува да го извалка моето име во јавноста“ вели Ангелов.
Според него, меѓу оние кои не се обвинети има помошник на директорот на јавната безбедност, началник во управата за внатрешно обезбедување, дел од нив се вработени во управата за обезбедување, двајца се вработени во агенцијата за разузнавање, еден е професор на ФОН, еден е професор на Факултетот за безбедност.
Ако до вторник, односно до наредното судско рочиште не биде повлечено обвинението против нив, Ангелов најави дека ќе се жалат до евроамбасадорот Ерван Фуере.
Од МВР велат дека се работи за елементарно непознавање на законот.
„МВР поднесе кривични против сите лица за кои имало докази. Обвинителството ја прифати пријавата и истражниот судија постапуваше според неа. МВР ниту има право, ниту смее да се меша во работата на Обвинителството и истражниот судија. Доколку Ангелов има сознанија и за други инволвирани, треба да пријави бидејќи прикривањето е исто така кривично дело“ велат од МВР.
Претседателот на Комората за обезбедување лани беше уапсен, а МВР го товари дека три години незаконски издавал лиценци. Тогаш МВР поднесе кривични пријави и за членови на испитната комисија, кои ги товари дека му помагале во извршувањето на кривичното дело. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.