Македонија
Маневски: Екстрадицијата на Нацист зависи од косовските власти
Министерството за правда има поднесено барање за екстрадиција на Лирим Јакупи – Нацист уште во 2005 г., одлуката за негова екстрадиција зависи од косовските власти, смета министерот за правда Михајло Маневски
„Министерството за правда има поднесено барање за екстрадиција. Тоа барање е поднесено уште во 2005 година, а исто така е познато и дека е донесена пресуда со која е осуден на казна затвор во траење од 15 години. Така што, тие документи се се уште во функција и секако понатамошната постапка зависи од косовките власти бидејќи документацијата е доставена“ изјави Маневски.Лирим Јакупи – Нацист во неделата беше уапсен во стан во Приштина. Јакупи, родум од околината на Бујановац, како еден од најопасните криминалци на Балканот е осудуван и на Косово и во Србија и во Македонија за терористички напади и убиства.Интерпол го известило македонското Министерство за внатрешни работи за апсењето на Лирим Јакупи – Нацист. Македонија има распишано три потерници по него.Постои можност Нацист да биде екстрадиран во Македонија врз основа на меѓународни конвенции иако Македонија и Косово немаат потпишано договор за екстрадиција. Со оглед на тоа дека Нацист е косовски државјанин и дека е осуден и на Косово, неговата екстрадиција во Македонија е неизвесна.Во август 2007 година со уште шестмина криминалци избега од затворот Дубрава, каде требаше да одлежи 40-годишна казна затвор.Јакупи, кој во 2007-мата година избега од селото Бродец, кога за време на полициската акција „Планинска бура“ беа убиени шест негови соработници, бил уапсен во стан во Приштина. По извршениот претрес, кај него е пронајдено автоматско оружје, два пиштоли и две гранати.Во 2004-тата, Јакупи беше дел од вооружените групи што го контролираа скопско Кондово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.