Свет
Странски служби пристигнале во земјава да бараат отчет
Висок претставник на западна разузнавачка служба
по аферата со оружјето на АРМ пристигнал во Македонија за да провери дали
станува збор за меѓународен шверц на оружје и евентуална вмешаност на воени
лица од НАТО-алијансата, тврдат за „Време“ извори од Министерството за одбрана.
ПО АФЕРАТА
СО АРМИСКОТО ОРУЖЈЕТО
Висок претставник на западна разузнавачка служба
по аферата со оружјето на АРМ пристигнал во Македонија за да провери дали
станува збор за меѓународен шверц на оружје и евентуална вмешаност на воени
лица од НАТО-алијансата, тврдат за „Време“ извори од Министерството за одбрана.
Според нив, тој во земјава пристигнал на 22 јануари 2007 година, еден месец по
заплената на МВР на трите бугарски камиони полни со оружје на АРМ, и се сретнал
со челните лица на македонските разузнавачки служби за да види до каде е
истрагата.
Според службени белешки на военото разузнавање, на 14 декември 2006 година во
утринските часови во земјава пристигнале седум бугарски камиони заедно со
Бугарите, кои требало да го земат оружјето. Лице задолжено за подигање и
транспорт на оружјето бил Георги Ишмириев, кој влегол со број на пасош
350125974. Пристигнал со црн „мерцедес“ 124, со регистарски таблички С 5577 РС.
Истото лице во април 2005 во Македонија влегол со друг број на пасош,
317765540. Македонските разузнавачки служби располагаат со информации дека ова
лице е бивш старешина во бугарската воена разузнавачка служба. Ишмириев во
земјава првпат пристигнал во април 2005 година заедно со Красимир Димитров,
Виолета Бабунски и Кољо Запроф, претставувајќи се дека се претставници на
фирмата „ЕМКО“. Овие лица биле пречекани од Илија Шкодровски, а во мај истата
година заедно со него извршиле преглед на оружјето во касарните „Гоце Делчев“, поточно
во објектот наречен „Метеор“, како и во касарните „Илинден“ и „Ѓорче Петров“.
Ги гледале транспортерите М-13 и пушкомитралезите. Сите овие се присутни во
Македонија и на 14 декември кога беше откриена нелегалната трговија со
армиското оружје.
Според нашите извори, неколку армиски старешини што биле вклучени во истрагата
за оружјето се пред заминување од АРМ. Милован Таневски од Г2 на ГШ на АРМ
(служба за воено разузнавање) по истрагата за аферата бил прекомандуван во
воена единица во Куманово и ставен на листа за пензионирање. На листа за
пензионирање бил ставен и Панче Наќев, исто така од службата Г2 на ГШ на АРМ.
Емруш Асани од Сектор за контраразузнавање бил префрлен во логистички баталјон
во Петровец.
Нашите извори тврдат дека станува збор за организиран меѓународен канал на
нелегална трговија на оружје во кој биле вклучени и воени лица од
западноевропски држави.
Во два случаи армиското оружје во бугарски камиони се товарело истовремено
додека највисокиот армиски и државен врв бил присутен во касарните. Во првиот
случај, на 1 август 2006 во касарната „Гоце Делчев“ биле натоварени 9
минофрлачи додека тогашниот министер Јован Манасиевски го отвораше Воениот
музеј во присуство на армиски старешини и високи претставници од НАТО
Алијансата. Во вториот случај на 14 декември, исто во касарната „Гоце Делчев“,
кога министерот Лазе Еленовски во објектот „55“ свечено го отвораше центарот за
ресоцијализација на предвремено пензионирани воени старешини.
„Време“ минатата недела обелодени службени белешки изработени од воените
разузнавачи, кои уредно биле доставувани во МО и во ГШ на АРМ и од кои се гледа
дека овие институции имале сознанија за нелегалната трговија со армиско оружје
од Бугарија во Македонија уште од март 2006 година, девет месеци пред МВР да ги
заплени трите бугарски камиони. Во тие белешки се наведени сознанија за
нелегална трговија со оружје со сознанија за вмешаност на високи армиски
старешини, како и точни датуми на кои требало да се транспортира оружјето.
„Време“ побара одговор од МО за овие информации, но Министерството се уште
молчи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.
Европа
Украинската војска добива повеќе пари за борбата против рускиот напад
Украинската војска добива повеќе пари за борбата против рускиот напад според новиот закон потпишан од претседателот Володимир Зеленски, кој претходно беше усвоен од Парламентот, јави ДПА.
Локалните медиуми денеска објавија дека новиот закон ги зголемува воените трошоци за 500 милијарди гривни (околу 12 милијарди долари). Засилувањето ќе се финансира со заеми, даноци и зголемување на давачките за тутунот и горивото. Зголемувањето треба да се искористи за исплата на надоместоци за војниците во првите редови овој месец.
Земјата се брани од руска инвазија повеќе од две и пол години. Украина вели дека добила преку 98 милијарди долари финансиска помош од странство од почетокот на војната во февруари 2022 година.
Свет
Сакале јавно да ја посрамотат љубовницата на нивниот татко, а животот си го направиле пекол
Сестрите Елеонор и Софи Браун откриваат како јавно сакале да ја посрамотат жената со која татко им Џеф ја изневерил нивната мајка, но наместо тоа, едната добива отказ од полицијата, а другата се соочува со затвор.
Убедени дека смислиле совршен начин јавно да ѝсе одмаздат на жената со која татко им ја изневерувал нивната мајка, двете сестри, од кои едната била полицајка, објавиле приватни и интимни фотографии на социјалната мрежа. Ни тоа не им било доволно, го објавиле и телефонскиот број на нејзиниот сопруг, по што почнале да му се јавуваат.
Пријавил во полиција, па на Елеонор (24) која признала дека објавувала интимни фотографии сега и се заканува затворска казна, додека Софи била избркана од полиција.
На сослушувањето во судот во Лидс, Велика Британија одржано минатата недела, беше откриено дека Елеонор на страницата „2022“ објавила фотографии и телефонски број на сопругот на нејзиниот љубовник. Се слушна дека објавувањето на телефонскиот број влијаело на неговата работа и кај жената предизвикало „страшно и болно чувство на паника“. Во исто време, како што изјавија во судницата, нивниот татко Џеф имал афера со таа жена пред повеќе од 10 години, кога и двајцата биле во брак.
Аферата беше откриена во 2015 година кога Сара Браун откри интимни фотографии и видеа од жената во телефонот на нејзиниот татко. Дури седум години подоцна, помеѓу август и септември, Елеонор објавила погрдни коментари за љубовницата на нејзиниот татко на деловната веб-страница на нејзиниот сопруг.
Таа потоа му испратила интимни фотографии од неговата сопруга на WhatsApp, а истите ги објавила на страница за ескорт. Обвинителот посочи дека се работи за „гнасен и пресметан“ обид за одмазда. Сестрите Браун, како што беше кажано и во судницата, ја нападнале и ќерката на љубовникот, која не знаела за аферата.
Елинор и рече: „Ќе се погрижам мајка ти никогаш да не заборави што и направи на мајка ми“.
Софи поднесе оставка од полицијата откако таа и нејзината сестра беа пријавени, а на рочиштето беше истакнато дека дефинитивно ќе добиеше отказ доколку не се откажеше самата, бидејќи таа беше иницијатор на целата приказна. На рочиштето се откриени и пораките кои сестрите ги разменувале, се покажало дека тие прво планирале да направат лажен профил на љубовницата на една страница за рекламирање.
Тие сакаа да напишат, заедно со нејзината фотографија, во огласот: „Подарувам сексуални услуги за пет фунти“. Потоа го промениле планот и решиле фотографиите да ги објават на страница за ескорт дами.