ВМРО-ДПМНЕ не би била демократска партија, ако на своите пратеници не им дозволи различно мислење од партиското, коментираат денеска од владејачката партија, по вчерашната изјава на пратеничката Косана Николиќ-Мазнева, која рече дека хартијата на пратениците од ДУИ им служи

ВМРО-ДПМНЕ не би била демократска партија, ако на своите пратеници не им дозволи различно мислење од партиското, коментираат денеска од владејачката партија, по вчерашната изјава на пратеничката Косана Николиќ-Мазнева, која рече дека хартијата на пратениците од ДУИ им служи како калашников.„ВМРО-ДПМНЕ е голема и демократска партија и не е прв пат да се случи нејзин пратеник да има различно мислење од партиските ставови, а изјавата на Мазнева е личен став“, велат од владејачката партија.Оттаму се уште не анализирале каков став ќе заземат по изјавата на нивната пратеничка Мазнева, која рече дека „Македонија го толерираше налетот на омраза која секојдневно искреше од нивното перо, кои хартијата ја доживуваа како калашников, а мастилото како муниција со која треба да се покоси на земја се што е национално и прогресивно, се што е македонско“, коментирајќи ја колумната на нејзината колешка од ДУИ, Теута Арифи, и изјавата на Ермира Мехмети, .Со овие остри изјави и коментари од двете партии во коалицијата на власт, функционирањето на коалицијата „веројатно нема да биде нарушено“, велат од ВМРО-ДПМНЕ.Според ВМРО-ДПМНЕ, нема да постигнат ништо доколку се оградат од изјавата на пратеничката Мазнева, затоа што тоа бил нејзин личен став.Од другата страна, пак, ДУИ тврди дека коалицијата функционира и се надеваат дека во наредниот период ќе бидат успешни.За ВМРО-ДПМНЕ изјавите и колумните на пратеничките не се намерно пратени пораки од двете партии преку поединци за да се зачува интегритетот на коалицијата, ниту, пак, се најава за предвремени избори./крај/