Македонија
?? 10 ?????? ???????? 398 ????? ?? ?????????? ?? ????
Досегашната борба против трговијата со луѓе бележи 119 регистрирани случаи во кои се откриени 268 сторители и идентификувани 398 жртви на ова кривично дело во периодот од воведувањето на трговијата со луѓе во кривичното законодавство во 2002 година, па се до денес.
Досегашната борба против трговијата со луѓе бележи 119 регистрирани случаи во кои се откриени 268 сторители и идентификувани 398 жртви на ова кривично дело во периодот од воведувањето на трговијата со луѓе во кривичното законодавство во 2002 година, па се до денес.
На десетгодишнината од формирањето на Националната комисија за борба против трговијата со луѓе и илегална миграција беше отворена изложба на плакати од кампањите против трговијата со луѓе реализирани во изминативе 10 години.
„Министерството за внатрешни работи преку низа активности го подигна степенот на одговор против овој вид криминал. Во согласност со законската процедура се овозможи користење на посебни истражни мерки, со што уште поуспешно се работи на профилирање на криминални групи “ рече министерката за внатрешни работи Гордана Јанкулоска.
По воведувањето на кривичното дело Трговија со луѓе во 2002 година, во Македонија воведени се кривичните дела Криумчарење мигранти и Организирање група за поттикнување и извршување на делата трговија со луѓе и криумчарење на мигранти, како и трговија со малолетно лице во 2008 година.
Како што соопшти Виолета Андоновска, Национален координатор за борба против трговијата со луѓе неколку години по ред жртви на трговија со луѓе во Македонија се исклучиво малолетни домашни државјанки на возраст од 13 до 17 години кои се сексуално и трудово експлоатирани.
Овие девојки според нивните податоци, најчесто се регрутирани од северните и северо-источните делови на Македонија, а се експлоатирани во северните и северо-западните делови на Македонија./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лимани: Судот ја прифати жалбата на коалицијата ВЛЕН за „бугарскиот воз“ во Липково, се докажа изборниот инженеринг на ДУИ
Валбон Лимани од коалицијата ВЛЕН денеска на прес-конференција го презентираше решението на Управниот суд со кое се прифаќа жалбата на коалицијата ВЛЕН за полнење кутии во Липково.
„Управниот суд ја прифати жалбата на Коалицијата ВЛЕН за гласачко место во Липково, каде што имало полнење на кутија од страна на блиски луѓе на носителот на листа на ДУИ во оваа зона, со техника позната како „бугарски воз“. Во судската одлука стои дека тужбата на кандидатот на претседателските избори во 2024 година, Арбен Таравари, е прифатена“, рече Лимани.
Според Лиман, со ова се докажува изборниот инженеринг на ДУИ на претседателските избори на 24 април и ги повика надлежните институции да постапат за кражбата на гласови и чинителите да се изведат пред правдата.
„По парламентарните избори нод 8 мај, режимот на ДУИ ќе се сруши. Коалицијата ВЛЕН, како следна влада, ветува дека ќе го санкционира секој обид на владата во заминување да краде или купи гласови“, рече Лимани.
Македонија
Над 150 пијани возачи затекна полицијата на 1 Мај
Санкционирани се 157 возачи на територијата на целата држава, при полициски контроли за време на празничниот 1 Мај.
Од нив 41 на територија на СВР Куманово, по 34 на територија на СВР Битола, објави МВР.
За време на контролата санкционирани се и 183 други видови на сообраќајни прекршоци.
Сообраќајните контроли продолжуваат и во наредните денови. Се апелира до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
Македонија
Османи: Со Рамковниот договор неопходни се две мнозинства за формирање Влада – парламентарното од 61 плус Бадентеровото
Со Рамковниот договор неопходни се две мнозинства за формирање Влада – парламентарното од 61 плус Бадентеровото, вели портпаролот на ДУИ, Бујар Османи.
На прес-конференција тој тврдеше дека не може да има Влада без двојно мнозинство, повикувајќи се на Рамковниот.
„Охридскиот рамковен доведе до две мнозинства, 61 и мнозинство по Бадентер. Забораваме и размислуваме само за едното мнозинство од 61. Едното секогаш оди со Бадентеровото. Ќе треба време за да ја сфатиме логиката на Охридскиот договор. Рамковниот договор има механизми за заштита на заедниците од надгласување, не е за заштита на мнозинската заедница. Затоа бара покрај 61 и Бадентерово мнозинство. Јалови се сите обиди да се потцени второто мнозинство при било кои избори по 2001 година“, рече Османи.
Тој упати низа обвинувања до ВМРО-ДПМНЕ, мѓу кои дека секојдневно рециклираат националистички тези, флертуваат со проруски интереси, отворено се закнуваат на, како што рече, славното востание од 2001, ги зголемуваат тензиите меѓу етничките и верските заедници, додека ДУИ гарантираат стабилност и соживот.
Во врска со тоа како ќе настапат во вториот круг од претседателските избори, односно дали и кој од двајцата кандидати ДУИ ќе го поддржат, одлуката ќе биде соопштена во наредните денови.