Македонија
Владата ќе одвои 600.000 евра за реновирање на Геронтолошкиот завод
Државата ќе одвои 600.000 евра за целосно реновирање на Геронтолошкиот завод „13 Ноември“ во општината Ѓорче Петров.
Државата ќе одвои 600.000 евра за целосно реновирање на Геронтолошкиот завод „13 Ноември“ во општината Ѓорче Петров.
Ова денеска го најави премиерот Никола Груевски, по обиколката на Геронтолошкиот завод.
Според најавите, од декември годинава, до есента следната година, оваа институција целосно ќе биде реновирана со цел да им се овозможат подобри услови за живот на старите луѓе.
Заводот се протега на 5.000 квадратни метри, а во изминативе три години 2.000 квадратни метри се целосно реновирани.
Премиерот Груевски, најави дека во декември ќе се распише тендер за уредување на останатите 3.000 квадратни метри, а за реновирање на овој дел ќе бидат потребни 600.000 евра. Во овој Завод се сместени 450 стари лица.
„Геронтолошкиот завод минатата година понесе награда за најдобро самофинансирана институција. Вработените успеаа да најдат спонзори, но и со заштедување, да соберат 27 милиони денари, за да реновираат скоро половина од Заводот. Ова треба да биде пример и за останатите институции за тоа што е домаќинско работење“, рече премиерот Груевски. /крај/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево време со температури до 27 степени и можност за локален дожд
Времето денеска ќе биде сончево со мала до умерена облачност. Од пладневните часови во западните делови ќе има услови за локален дожд. Ќе дува слаб до умерен ветер од северен правец. Минималната температура ќе биде во интервал од 7 до 15, а максималната ќе достигне од 20 до 27 степени.
Во Скопје времето ќе биде сончево со мала до умерена облачност и со слаб ветер од северен правец. Минималната температура ќе се спушти до 14, а максималната ќе достигне до 26 степени.
Од УХМР информираат дека утре претежно во западните делови од земјата ќе има појава на краткотраен дожд. Потоа времето ќе биде сончево со мала до умерена облачност. Дневната температура ќе биде во постепен благ пораст.
Македонија
Невреме во Тетово: Поплавени улици, домови, гаражи
Силно невреме го зафати Тетово, поплавени се улици, домови, гаражи.
Невреме со силни врнежи од дожд, град и грмотевици попладнево ја зафати Општина Тетово и околината.
„Врнежите предизвикаа поплавување на дел од улиците, посебно кај касарната на влезот на Тетово и на неколку куќи во Мала Речица-Општина Тетово“, информира вечерва Регионалниот центар за управување со кризи (РЦУК) Тетово.
За невремето известени се и ТППЕ-Тетово, ЈКП-Тетово и одговорни лица во Општина Тетово.
Македонија
Митева: Состојбата во односите со Бугарија е последица на погрешните политики на СДС
„Ситуацијата не е настаната од вчера за денес. Не зборуваме ние за состојба која била совршена до вчера, а од денес не е совршена. Зборуваме за причинско последични состојби и дека состојбата во која сме дојдени е резултат на погрешно преземани политики на СДС”, истакна портпаролката, пратеничка и членка на ИК на ВМРО-ДПМНЕ Марија Митева.
Митева продолжи и додаде:
„Во делот на тоа што се случува помеѓу Бугарија и Македонија е состојба која ја предизвика СДС со погрешните политики”, вели Митева Митева истакна дека состојбите кои ги креира СДС се тотално погрешни.
„Состојбите кои ги креира СДС од позиција на опозиција се тотално погрешни и користи политика за дневно политички поени без никаква суштина”, кажа Митева.
Митева истакна дека за разлика од СДС, ВМРО-ДПМНЕ е многу посветена.
„За разлика од СДС, ВМРО-ДПМНЕ е многу посветено и ќе ја оправда довербата која на 8-ми мај ја доби од граѓаните”, заклучи Митева.