Македонија
Бугарскиот амбасадор Лашев на разговор во МНР
Вчера во Министерството за надворешни работи беше повикан на разговор бугарскиот амбасадор во земјава, Раковски Лашев, откако на 17 месецов на македонски новинари не им беше дозволено да присуствуваат на одбележувањето на раѓањето на Јане Сандански во Мелник, Бугарија.
Вчера во Министерството за надворешни работи беше повикан на разговор бугарскиот амбасадор во земјава, Раковски Лашев, откако на 17 месецов на македонски новинари не им беше дозволено да присуствуваат на одбележувањето на раѓањето на борецот против Отоманската империја Јане Сандански во Мелник, Бугарија.
По добиените информации од Здружението на новинарите на Македонија, директорот на Директоратот за Југоисточна Европа при македонското МНР, Дејан Костадинов-Петров, на амбасадорот Лашев му го искажал негодувањето од начинот на кој официјалните претставници на Република Бугарија го оневозможиле следењето на овој настан од страна на македонските новинарски екипи.
„Амбасадорот Лашев ја истакна трајната определба на Република Бугарија за развивање на добрососедските и пријателски односи, и во тој контекст потребата од заедничко одбележување на историски настани и личности кои имаат посебно место во историјата на двете земји. Во врска со барањето на ТВ „Сонце“ за медиумско покривање на настанот, посочи дека согласноста не била добиена од причина што според бугарското законодавство не се дозволува медиумско покривање на настан кој е во организација која не е регистрирана во Бугарија, додека за ТВ „Канал 5“ и новинарите на „Дневник“ причините биле од процедурална природа и краткиот рок за издавање на согласност“, информираат од ЗНМ.
На средбата, како што додаваат од ЗНМ, било заеднички констатирано дека – за двете земји, нејзините граѓани, добрососедските односи и развивањето на соработката во сите сфери од заеднички интерес – потребно е да се има во предвид дека прашањата од ваква природа да се надминуваат во духот на взаемното почитување.
На новинарските екипа на “Дневник“, “Сонце“ и “Канал 5“, без образложение не им бил дозволен влез во Бугарија.
Бугарските гранични служби само кусо ги известиле екипите оти “немаат јасна цел на патувањето“./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно и нестабилно со пороен дожд и грмежи
Времето денеска ќе биде променливо облачно и нестабилно со пороен дожд и грмежи, особено во источните делови. Локално процесите ќе бидат во форма на краткотрајно невреме со засилен ветер и услови за изолирана појава на град. Минималната температура ќе биде во интервал од 7 до 12, а максималната ќе достигне од 14 до 22 степени.
Во Скопје променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со засилен ветер и изолирана појава на град. Минималната температура ќе се спушти до 10, а максималната ќе достигне до 21 степен.
Продолжува периодот на променливо облачно време со повремени локални врнежи од дожд, освен во недела кога ќе биде претежно стабилно и потопло. Во сабота ќе дува засилен северен ветер.
Македонија
Нема подолги задржувања за влез и излез од државата
Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Тренчевска: Од 2017 година до денес најниската исплатена пензија ја покачивме за 5.309 денари
„330% повисока социјална помош, 53% повисоки пензии, 180% повисока минимална плата, 40 000 просечна плата се нашите резултати и знам дека тоа можеби не е доволно. Затоа вечерва стојам пред вас не како жена, туку како ваша пријателка и комшивка, како жена која работеше со интегритет и бара поддршка за број 1 на 8 мај“ порача Тренчевска од говорницата на митингот во Радовиш.
Ко-носителката на изборна единица 4 од СДСМ, Јованка Тренчевска вечерва на радовишани им порача дека вистинскиот избор е јасен и дека само СДСМ е опција која ќе го води напредокот на општеството.
„Вие највозрасните кои гледам ве има тука во голем број, а со кои деновиве често се среќавав и често ме прашувавте зошто не може покачување од 5000 денари за секој од вас, Ве потсетувам дека од 2017 година до денес најниската исплатена пензија ја покачивме за 5.309 денари, и овој месец најниската исплатена пензија изнесува 13 880 денари. Стабилната исплата на вашите пензии ќе биде доведена во прашање со лажните ветувања на ВМРО, кои слушам деновиве дека започнаа да го раситнуваат лажното покачување на пензиите на месеци, на години и на нови методологии. Знаат и тие дека на лагата и се кратки нозете! Знаат дека 5000 линеарно е невозможно. Но дека е добро за да манипулираат со највозрасните“ рече Тренчевска.
Таа истакна дека во новиот мандат СДСМ се обврзува минималната пензија да ја покачи на 20.000 денари додека просечната пензија ќе ја покачи на 30.000 денари.
„Да продолжиме да градиме мостови посилни од ѕидовите и омразата кои ни ги наметнува ДПМНЕ“ истакна Тренчевска во нејзината покана за граѓаните за да излезат на гласање на 8ми мај.