Македонија
СДСМ: Најсиромашните африкански земји со подобро здравство од Македонија
Дури и најсиромашните африкански земји имаат подобро државно здравство од она што го направи Груевски во изминативе четири години, обвинува СДСМ.
Дури и најсиромашните африкански земји имаат подобро државно здравство од она што го направи Груевски во изминативе четири години, обвинува СДСМ.
„Четири години Груевски лажно ветува нова медицинска опрема во вредност од 40 милиони евра. Четири години јалови ветувања, четири години нула инвестиции во здравството. Половината на вредноста на ова е лажно ветување, Груевски го троши на изградба на камења, бетон, восочни фигури во музејот на ВМРО, чија изградба ќе чини најмалку 20 милиони евра“ вели Емилијан Станковиќ, портпарол на СДСМ.
Тој обвини дека на Клиниката за радиологија веќе 9 месеци не работи апаратот за снимање на крвните садови, а во последниот месец не работел ниту апаратот за магнетна резонанца.
Заради ваквата состојба, според Станковиќ, пациентите се приморани да плаќаат од својот џеб и по 10 до 30 илјади денари во приватните установи.
СДСМ го прашува Груевски, дали планира да ги намали платите на здравствените работници, како и дали е точно дека заради партиските вработувања постојат здравствени установи каде 80 отсто од буџетот наменет за здравствени услуги се трошат на плати, а само 20 отсто се користат за потребите на пациентите. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.