Македонија
Талат Џафери му ги прeдаде клучевите од старата касарна во Гостивар на Бејта
Министерот за одбрана, Талат Џафери на гостиварскиот градоначалник Невзат Бејта официјално му ги предаде клучевите од поранешна касарна којашто се наоѓа во село Бањица, со која во иднина ќе управува Општина Гостивар.
На церемонијата на примопредавањето, градоначалникот Невзат Бејта изрази благодарност за ангажманот на министерот Талат Џафери, нагласувајќи дека имотот на Министерството за одбрана во вредност од околу три милиона евра, отсега натаму ќе биде ставен во служба на општината и на граѓаните на Гостивар.
„Направена е голема работа досега и ова потврдува дека општина Гостивар веќе е излезена од изолација и соработува со владините институции“, изјави градоначалникот Невзат Бејта на церемонијата на примопредавањето.
Министерот Талат Џафери изрази убедување дека имотот кој подолго време не беше користен од Министерството за одбрана, во иднина ќе биде управуван на најдобар можен начин од страна на раководителите на Општина Гостивар и ќе биде во интерес на граѓаните на Гостивар.
„Врз основа на планот за дивестирање на несуштинските објекти кои Министерството за одбрана ги има искористено досега, а врз основа на одлуката на Владата за доделување на истите на органите на локалната самоуправа, поконкретно на општините, денеска јас присуствувам овде во општина Гостивар со цел да ја спроведеме и официјално одлуката на Владата за пренос на објектите и земјиштето на општина Гостивар“, изјави Џафери по повод примопредавањето на недвижен имот на министерството за одбрана на трајно користење на општина Гостивар./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачки: Ќе ги вратиме сите железнички линии во функција
Драган Ковачки, носител на изборна единица 3 на ВМРО-ДПМНЕ, денеска меѓудругото вети дека ќе бидат вратени во функција сите железнички линии.
„Ќе ги вратиме сите железнички линии во функција, ќе ја реконструираме пругата Велес-Кочани, ќе ја електрифицираме пругата Велес-Битола, ќе го реконструираме автопатот Катланово-Велес, ќе изградиме нова катна гаража во Велес, ќе ја реконструираме општата болница во Велес. Нови 26 милиони евра од проектот 250 милиони евра за општините“, изјави Ковачки.
Македонски железници месецов прослави 151 година од своето постоење. Јавното претпријатие е во лоша состојба, а укинати се голем број возови.
Од неодамна, од двата патнички воза за Гевгелија вози само еден. Од 2021-ва не сообраќаат возовите од Скопје за Кочани и за Кичево, а од почетокот на 2023 ниту возот за Табановце и Куманово.
Патниците го избегнуваат возот оти кога се качуваат не се знае кога и дали ќе стигнат. Честопати има дефекти и доцнење од по неколку часа, па граѓаните не сакаат да ризикуваат.
Ова јавно претпријатие е загубар кој со години се соочува со финансиски потешкотии и постојано добива прилив од буџетот за да може да подели плати и да плати сметки.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.