Свет
Повторно откажани летови во Австралија поради вулканска пепел
Облак од пепел од чилеанскиот вулкан Пујехуа се врати денеска повторно на австралиското небо, поради што се откажани многу летови, а илјадници патници остануваат блокирани на аеродромите.
Облак од пепел од чилеанскиот вулкан Пујехуа се врати денеска повторно на австралиското небо, поради што се откажани многу летови, а илјадници патници остануваат блокирани на аеродромите.„Облакот од пепел е погуст и поширок од оној што минатата седмица предизвика блокирање на воздушниот сообраќај“’, се истакнува во соопштението на „Ерсервис Аустралиа“, во кое се додава дека облакот е на височина меѓи 6 и 13 километри.Австралиската воздухопловна компанија „Квантас“ ги откажа летовите во Аделаида, Канбера и од 7 часот во вторникот наутро по средноевропско време во Сиднеј, а од компанијата изјавија дека можни се откажувања и на некои меѓународни летови. Авионскиот сообраќај во Австралија и Нов Зеланд беше прекинат минатата седмица поради облакот пепел кој ја обиколи планетата и повторно се врати над Австралија. Вулканот на чилеанските Анди, Пујехуа се активираше на 4-ти јуни, откако мируваше речиси половина век. Меѓутоа, сеизмолозите јавуваат дека последните денови неговата активност е зголемена./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.