Свет
Дискавери замина на последната мисија
NULL
По повеќемесечни одложувања заради технички проблеми, ракетопланот Дискавери (Discovery) во четвртокот доцна навечер е лансиран во неговата последна мисија.Во текот на последното патување на Дискавери, негова задача е да донесе и да инсталира на Меѓународната вселенска станица (ISS) повеќенаменски модул, дополнителна платформа која е потребна за спроведување на научните експерименти ELC-4, како и важни резервни делови.Дискавери ќе биде во мисија вкупно 11 денови под кодната ознака STS-133 и во неа се вклучени шест членови на екипажот под водство на капетанот Стивен Линдсеј, пилот е Ерик Бо, специјалист на мисијата е Алвин Дрју, а астронаути се Мајкл Барат, Стив Боувен и Никол Скот. Тие ќе влезат во историјата како последниот екипаж на спејс- шатлот.Инаку при лансирањето и овојпат дојде до проблеми, па одбројување беше паузирано за пет минути. Грешката се јави во функционирањето на системот на дискот на еден од членовите на екипажот, но набрзо е поправен и лансирањето е изведено според планираното, извести во петокoт наутро американската агенција за вселенски истражувања NASA. Дискавери е најдолговечното летало од програмата „space shuttle“ која од 1984 г. изведе 38 летови во Вселената, а по нејзиното враќање на Земјата по десетина дена ќе биде сместена во музеј. Дискавери е произведен во 1983 г., откако веќе беа во употреба Челинџер и Колумбија кои настрадаа во хаварии, така што во денешната флотила на ракетоплани е најстариот и воедно има најмногу мисии од сите други. Како што наведува NASA одбележувајќи го последното патување на Дискавери, леталото во Вселената минало вкупно една година, а со него летале 194 астронаути. Пред последната 39-та мисија шатлот изминал 230 милиони километри во космосот а по враќањето од мисијата STS-133 се очекува да биде изложен во Smithsonian Udvar-Hazy Centеr, која е посебен оддел на Националниот воздухопловен и вселенски музеј во Вашингтон, кој се наоѓа во близина на аеродромот Dulles International.Според процените на стручњаците на NASA, стартувањето на последната мисија на Дискавери на космодромот го проследиле близу 40 илјади луѓе, меѓу кои и една група конгресмени./крај/ро/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.