Претседателот на Собранието Трајко Вељаноски во врска со денешните обвинувања од страна на опозицијата рече дека опозицијата го злоупотребила отворениот ден на Парламентот.

Претседателот на Собранието Трајко Вељаноски во врска со денешните обвинувања од страна на опозицијата рече дека опозицијата го злоупотребила отворениот ден на Парламентот.

„Панел дискусиите традиционално се организираат од НВО и тоа не само оваа туку и претходните години и тие одлучуваат кој ќе учествува. Во однос на тоа дека опозицијата треба да се врати на координациите, повеќе пати тоа го имам истакнато и повторно ги повикувам во понеделник да се вратат на редовната координација, а не да го условуваат со учеството во некои панел дискусии,“ изјави Вељаноски.

Вељановски укажа на тоа дека опозицијата вчера реагирала на списокот на воведничари, по што тој интервенирал и опозицијата била повикана, но одбила да учествува.

„Тоа беше  веројатно за да го направат ова денешно сценарио, затоа одбија да дискутираат“ , посочи претседателот на Парламентот.

Службениците од Парламентот задолжени за организација на денешните трибини вчера по интервенцијата на претседателот Вељаноски ги контактирале и пратениците од ДУИ и од СДСМ, велат извори во Собранието.

ДУИ прифатиле да учествуваат, но СДСМ одбиле.

Координаторката на пратеничката група на СДСМ Цветанка Иванова вели дека тие вчера биле повикани да учествуваат, но  не прифатиле бидејќи нивните пратеници веќе имале закажани обврски./крај/бд