Македонија
Пратениците побараа МВР да ги расветли инцидентите- МВР има осомничени
И власта и опозицијата го повикаа министерството за внатрешни работи да ги расчисти последните инциденти коишто се случија во автобусите на ЈСП, кога десетина патници беа повредени.
И власта и опозицијата го повикаа министерството за внатрешни работи да ги расчисти последните инциденти коишто се случија во автобусите на ЈСП, кога десетина патници беа повредени.
Министерката за внатрешни работи, Гордана Јанкулоска која учествуваше на вонредната седница на Комитетот за односи на заедниците рече дека МВР веќе има лица кои се под сомнение дека се учесници во тепачките, односно предизвикувачи на насилствата.
„Веруваме дека во текот на денот ќе заврши правната процедура во смисла на нивно препознавање од страна на оштетените. Тогаш МВР ќе биде во можност кривичната пријава за насилство да ја поднесе до Основното јавно обвинителство и предметот да биде предаден на други институции за да може во една правна процедура овие случаи да добијат своја завршница“, рече Јанкулоска.
Најжестоки во денешната дебата беа членовите на Комитетот од опозициската Демократска партија на Албанците кои ја обвинија власта дека таа е инспиратор на овие насилства. По долгите говори на членовите на ДПА, тие ја напуштија седницата поради како што рекоа несериозната дебата која се водела.
„Ние сме длабоко убедени дека главни инспиратор е владејачката коалиција која ги поттикнува ваквите насилства“ рече Орхан Ибраими од ДПА кој рече дека и до ден денеска МВР не расчистило инциденти во коишто биле убиени Албанци.
Побараа ДУИ да излезе од како што ја нарекоа антиалбанската влада и дозволиле „линчување“ на Албанците.
Испровоцирана од говорот на Ибраими, пратеничката од ВМРО-ДПМНЕ, Силвана Бонева му порача дека задача на политичарите е да ги осудат хулиганите и да му дадат силна поддршка на МВР да ги расветли инцидентите и да ги охрабрат нападнатите да кажат кој ги нападнал и насилниците да одговорат согласно законите.
„Сите овде сме родители и имаме деца. Секој од нас треба да се стави во кожата на родителите на нападнатите деца. А нападнатите млади луѓе не беа само Албанци, беа и Македонци и припадници на други етнички заедници“ рече Бонева.
Џевад Адеми од ДУИ и порача на министерката за внатрешни работи дека довербата кон МВР е разнишана и дека ако не ги расветлат инцидентите одговорноста ја преземаат врз себе.
„МВР итно без ниту едно објаснување треба да ги открие злосторниците, бидејќи довербата на граѓаните во МВР се разнишува“ вели Адеми и додаде дека насилниците, криминалците немаат ниту етничка, ниту политичка припадност.
И опозициската СДСМ го повика министерството за внатрешни работи да ги расветли инцидентите.
„Повторно некој сака да го врати неспокојот кај граѓаните. Неспокојот не само за Албанците, туку и за Македонците и за другите етнички заедници. Сите институции треба да презема одговорност и претседателот и Владата и сите граѓани.“ рече Оливер Спасовски од СДСМ кој додаде дека ако имало разрешница за минатите инциденти немало да дојде до овие новите инциденти.
Во средата вечерта и во четвртокот наутро се случија три инциденти во автобусите на ЈСП со број 57,58 и 65 во населбите, Кисела Вода, Чаир и на Бит Пазар.
Во сите три напади поголема група млади луѓе влегувале во автобусите на некоја постојка и ги тепале патниците, но и возачите на автобусите.
Јанкулоска пред Комитетот дека од почетокот на годинава во земјава, без последните три инциденти, се случиле 25 инциденти и оти биле нападнати 40 лица припадници на сите етнички заедници. Триесет и осум од нив биле повредени, петмина се задржани на болничко лекување, а двајца се здобиле со убодни рани. Десет од овие инциденти во коишто биле вклучени најчесто млади луѓе се случиле во автобуси на ЈСП, а 10 во близина на училишта./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.