Свет
„Црвените кошули“ со тон крв по Владата
Антивладините демонстранти во Тајланд денеска организираат акција за дарување крв со која ќе ги полеат министерските канцеларии
Драматичниот гест е последниот чекор од обединетиот антивладин фронт за демократија против диктаторството на премиерот Абхисит Веџаџива, со кој се надеваат дека ќе го натераат да го распушти парламентот и да распише предвремени избори, јавуваат агенциите.Илјадници „црвени кошули“, демонстрантите се така наречени по облеката што ја носат, ги подаваат своите подлактици за да им се земе крв.Демнстрантите се надеваат дека ќе соберат 1.000 литри крвз за потоа да ја фрлат крвта врз зградата на Владата, каде се наоѓаат канцелариите на министерствата. Најавено е тоа да се случи по шест часот попладне. Ако Веџаџива и понатаму одбива да го распушти парламентот, демонстрантите велат дека повторно ќе соберат 1.000 литри крв со која ќе ги полијат просториите на владејачката партија. Следниот ден, планираат да соберат уште 1.000 литри крв, овојпат наменета за премиерската резиденција.Веџаџива постојано повторува дека ќе разговара со демнстрантите, но дека нема да ги прифати нивните барања.Антивладините демонстрации започнаа во петокот. До неделата, десетици илјади демонстранти надојдоа во центаот на Банкок, пренесува Си-ен-ен.Проетстите се неверојатно мирни, а премиерот вети дека нема да употреби сила да ги растера.Министерот за туризам, рече дека продолжувањето на протестите може да влијае врз падот на туризмот, за 20 отсто, пренесе официјалната новинска агенција Синхуа. Најголема загуба ќе имаат од Кинезите, затоа што по почетокот на протестите, Кинеската стопанска комора, објави откажување на 50 отсто од резервираните посети.Таксин Шинаватра беше единствениот премиер кој остана на позицијата за време на целиот мандат, а беше и многу популарен меѓу народот. Тој ја напушти земјата во 2008 година откако беше обвинет за корупција која била политички мотивирана. Демонстрантите велат дека Абхисит не е демократски избран и бараат тој да распише нови избори.Откако Таксин замина, тајланд се соочува со политичко безредие, што ги спротивстави граѓаните кои беа лојални на Таксин со поддржувачите на Абхисит.Двајца беа убиени, а најмалку 135 повредени во немирите од април 2009 година, кога демонстрантите се судрија со поддржувачите на владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Стармер преговара со европските сојузници за испраќање на воени сили на Гренланд
Британскиот премиер Кир Стармер е во преговори со европските сојузници за распоредување на воени сили на Гренланд, со цел да се ублажат безбедносните стравувања на американскиот претседател Доналд Трамп и да се спротивстават на растечката закана од кинеската и руската војска, пренесуваат странските медиуми повикувајќи се на извор од британската влада.
Воените команданти прават планови за можна мисија на НАТО на островот, кој американскиот претседател се закани дека ќе го окупира од безбедносни причини, а британските претставници се сретнаа со колеги од голем број земји, вклучувајќи ги Германија и Франција, во последните денови за да започнат подготовки, изјави извор за Телеграф.
Плановите, кои сè уште се во рана фаза, би можеле да вклучуваат распоредување на британски војници, воени бродови и авиони за заштита на Гренланд од Русија и Кина, при што европските земји се надеваат дека значителното зголемување на нивното присуство на Арктикот ќе го убеди Трамп да се откаже од својата амбиција да го анектира стратешки важниот остров.
Извори од британската влада изјавиле дека Стармер ја сфатил „исклучително сериозно“ заканата од Русија и Кина во областа и се согласил дека мора да се преземе акција.
– Го делиме ставот на претседателот Трамп, растечката агресија на Русија на далечниот север мора да се запре, а евроатлантската безбедност мора да се зајакне. Велика Британија работи со сојузниците на НАТО за да започне напори за зајакнување на арктичкото одвраќање и одбрана, изјави еден од изворите.
Свет
Францускиот министер за надворешни ги повика САД да престанат со „уцената“ за Гренланд
Францускиот министер за надворешни работи Жан-Ноел Баро ги повика САД да „престанат да ја уценуваат“ Данска за да добијат директна контрола врз територијата на Гренланд, која е автономна данска територија.
Баро рече дека „не верува“ во американската воена интервенција за окупирање на Гренланд, што беше најавено како можност од американскиот претседател Доналд Трамп, наведувајќи дека „ништо не може да го оправда тоа“, пренесува БФМ.
Трамп претходно изјави дека Соединетите Американски Држави сакаат да ја анектираат територијата, бидејќи Русија или Кина имаат намера да го „окупираат Гренланд“.
„Не сакаме да бидеме Американци, не сакаме да бидеме Данци, сакаме да бидеме Гренландци“, изјавија во заедничка изјава лидерите на петте гренландски партии претставени во локалниот парламент, додавајќи дека „иднината на Гренланд мора да ја одлучи народот на Гренланд“.
Свет
Иран ги предупреди американската војска и Израел дека ќе бидат „легитимни цели“ ако САД нападне поради протестите
Иранскиот парламент денеска се состана за да разговара за смртоносните антивладини протести кои беснеат повеќе од две недели. За време на парламентарната седница емитувана во живо на државната телевизија, претседателот на парламентот, Мохамед Багер Галибаф, предупреди дека американската војска и Израел ќе бидат „легитимни цели“ доколку САД ја нападне Исламската Република, како што се закани претседателот Доналд Трамп.
Галибаф, тврдокорен припадник кој во минатото се кандидираше за претседател, одржа говор во кој им аплаудираше на полицијата и на иранската паравоена Револуционерна гарда, за тоа што „стоеја цврсто“ за време на протестите.
„Народот на Иран треба да знае дека ќе се справиме со демонстрантите на најстрог начин и ќе ги казниме оние што се уапсени“, рече тој.
Тој продолжи директно да им се заканува на Израел, кој го нарече „окупирана територија“, и на американската војска, евентуално со превентивен напад.
„Во случај на напад врз Иран, и окупираната територија и сите американски воени центри, бази и бродови во регионот ќе бидат наши легитимни цели. Ние не сметаме дека сме ограничени само на реакција по акцијата и ќе дејствуваме врз основа на какви било објективни знаци на закана“, рече Галибаф.
Парламентарната седница, на која пратениците се упатија кон подиумот, извикувајќи: „Смрт за Америка“, се одржа откако американскиот новински веб-сајт „Аксиос“ објави дека американскиот државен секретар Марко Рубио разговарал со израелскиот премиер, Бенјамин Нетанјаху, за Газа, Сирија и протестите во Иран.
Иако американските и израелските претставници го потврдија телефонскиот повик, детали за темите не беа откриени.
Антирежимските протести продолжија во неколку ирански градови, а бројот на жртви во протестите се искачи на повеќе од 116.
Во меѓувреме, исклучувањето на интернетот во Иран останува на сила и трае повеќе од 60 часа.

