Македонија
Осум активни пожари на територијата на Македонија
Вкупно осум пожари до 11 часот во вторник се активни на територијата на Македонија, информираат од Дирекцијата за заштита и спасување.
Сеуште гори во општина Желино кај селото Ларце, во општина Македонски Брод на планината Добра вода како и кај селото Волче на место викано Црквица на падините на Сува Гора. Сеуште активни се пожарите во општина Јегуновце на планина Љуботен и кај селото Вратница кон Беловиште, општина Тетово кај селото Вејце кон село Селце. Активни пожари има и во општина Новаци кај селата Добровени и Совиќ како и во општина Гевгелија каде пожарот е активен.
Локализирани се пожарите во Чашка кај селото Ораше на место викано Орашка Чука и кај селото Горно Јаболчиште на место викано Дибров Камен во општина Студеничани кај селото Рамни Габер, потоа во НП „Јасен“, во општина Сопиште кај селата Патишка река и Дражилово.
Ликвидирани се пожарите во општина Пробиштип во атар на селото Трипатанци, во општина Кочани кај селото Полаќи кон Вранинци како и во општина Центар Жупа меѓу селата Брештани и Житинени на место викано Кочишта и општина Тетово кај селото Лавце.
Пожарот во општина Желино кај селото Ларце е активен. Зафатена е ниско стеблеста шума и сува трева. Ангажирани се 15 лица од месното население.
Пожарот во општина Македонски Брод на планина Добра вода на тромеѓе со општина Гостивар и Општина Кичево е активен. Пожарот го има зафатено врвот на планината при што е зафатена сува трева и пасишта.
Активен е пожарот во општина Македонски Брод кај селото Волче на место викано Црквица во подножјето на Сува Гора. Со истиот е зафатена површина од 20 хектари деградирана шума, ниско стеблеста шума и сува трева. На местото на пожарот ангажирани се двајца пожарникари како и 15 лица од ЈП „Македонски шуми“ 7 лица од месното население.
Пожарот во општина Јегуновце на планина Љуботен е активен. Зафатена е ниско стеблеста шума и сува трева на потег помеѓу селата Јажинце и селото Рогачево.
Пожарот во Општина Јегуновце кај селото Вратница кон Беловиште со кој е зафатена високо стеблеста шума, костен и бука на напристапен терен е активен со намален интензитет. Ангажирани се 5 лица од ЈП „Македонски шуми“. Противпожарен авион на Дирекцијата за заштита и спасуавање е ангажиран за гасење на пожарот.
Пожарот во општина Тетово кај селото Вејце кон село Селце е активен. Со истиот е зафатена букова шума и пасишта.
Пожарот во општина Новаци помеѓу селата Добровени и Совиќ на место викано Крстот е активен, но приземјен. Со пожарот е зафатена површина од 2500 хектари борова и деградирана шума на непристапен терен. За гасење на пожарот ангажирани се тројца пожарникари и 6 лица од ЈП „Македонски шуми“.
Пожарот во општина Гевгелија помеѓу селата Коњско и Серменин на место викано Оков рид е активен. Со истиот е зафатена површина од 1500 хектари мешана, борова, дабова и ниско стеблета шума. За негово гасење се ангажирани двајца пожарникари, 30 лица од ЈП „Македонски шуми“ како и 1 хелихоптер на АРМ.
Пожарот во општина Чашка кај селата Ораше на место викано Орашка Чука е локализиран. Со пожарот е зафатена површина од 200 хектари млада борова шума, даб и бука. За негово гасење се ангажирани 12 лица од ЈП „Македонски шуми“.
Пожар појавен во општина Чашка кај селото Горно Јаболчиште на место викано Дибров Камен е локализиран. Зафатена е даб, бука и габер. Ангажирани се лица од ЈП „Македонски шуми“.
Локаизиран е и пожарот во општина Студеничани кај селото Рамни Габер. Со пожарот зафатена е високо стеблеста шума. На местото на пожарот се лица од ЈП „Македонски шуми“.
Пожарот кој се појави на 20.08.2012 година во кај НП „Јасен“ кон селото Брезница и општина Македонски Брод е локализиран. Зафатена е површина од 5000 хектари мешана шума. Противпожарен авион на Дирекцијата за заштита и спасување е ангажиран за гасење на пожарот.
Пожарот во општина Сопиште кај селата Патишка река и Дражилово е локализиран. Со истиот е зафатена смрека и сува трева. На местото на пожарот се лица од ЈП „Македонски шуми“.
Пожар појавен во општина Пробиштип во атар на селото Трипатанци. Зафатена е сува трева и грмушки. Ангажирани се 8 лица од ТППЕ Кочани и Пробиштип. Пожарот е ликвидиран.
Пожарот во општина Центар Жупа меѓу селата Брештани и Житинени на место викано Кочишта е ликвидиран. Со пожарот беше зафатена ниско стеблеста шума. За гасење на истиот беа ангажирани 5 лица од ЈП „Македонски шуми“ и 7 лица од месното население.
Пожарот во општина Кочани кај селото Полаќи кон Вранинци на место викано Бочвенец е ликвидиран. Со истиот е зафатена дабова шума, смрека и габер. Ангажирани се 4 лица од ЈП „Македонски шуми“ за следење на состојбата со пожарот.
Пожар има и кај селото Лавце. Со истиот е зафатена дива депонија. Пожарот е ликвидиран. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денеска сончево и топло, промена на времето со пороен дожд и грмежи од први мај
Управата за хидрометеоролошки работи информира дека времето денеска ќе биде сончево и релативно топло со мала до умерена локална облачност. Ќе дува слаб до умерен ветер претежно од североисточен правец. Минималната температура ќе биде во интервал од 3 до 10, а максималната ќе достигне од 21 до 27 степени Целзиусови.
Во Скопје ќе биде сончево и релативно топло со мала облачност и со слаб североисточен ветер. Минималната температура ќе се спушти до 8, а максималната ќе достигне до 26 степени, велат од УХМР.
Стабилното и суво време, сепак, нема да се задржи долго. Веќе од средината на следната седмица, повторно се очекува дожд.
Промената на времето ќе започне уште во среда, на први мај, кога во попладневните часови ќе има услови за локална појава на краткотраен пороен дожд и ретки грмежи. Поголема нестабилност со дожд и чести грмежи се очекува во четврток.
Македонија
Апасиев од Тетово: Под власта на учките од ДУИ, поддржани од корумпираната македонска елита, секое второ дете од Полог се раѓа во Швајцарија
,,Етнотрибализмот ни го сервираат како европска вредност. Ние создадовме општество на квоти, коешто ни донесе секое второ дете од Полог да се раѓа во Италија, во Швајцарија или надвор од Македонија“, вели претседателот на Левица, Димитар Апасиев.
„Првиот концепт кој што ни го нудат е концептот на дејтонизација. Либанизација на Македонија, бејрутизација на Скопје. Тоа е нивната агенда, спонзорирана од западните амбасади. Ни понудија модел на бинационален грабеж.
Ние сме единствена земја во светот со еден Парламент и две Влади. Но помина времето кога Македонецот беше инфериорен во сопствената држава. Левица е принципиелно против Бадентер и против Балансер“, истакна претседателот на Левица, Димитар Апасиев.
Македонија
Мицкоски: СДСМ и ДУИ имаа две сценарија, прво, тивок бојкот за претседателските избори, второ, Ахмети добил бел лист од Ковачевски да напише што сака
Државата ни ја одземаа. Народот изгуби контрола над системот, институциите се киднапирани од стотина души на ДУИ кои управуваат со се. Додека тие од СДСМ им се верни слуги во секој криминал и тендер. И навистина е лицемерно од ДУИ и СДСМ да велат дека носеле храбри одлуки што е храброст да продадеш име, устав, да проблематизираш историја, и повторно да бидеш пред портите на ЕУ. Затоа што и тие од ЕУ знаат дека криминалци владеат со државата, рече Христијан Мицкоски, претседател на ВМРО-ДПМНЕ на вчерашниот митинг во Кочани.
Мицкоски укажа дека од СДСМ и ДУИ се подготвени на се за да ги задржат фотелјите и привилегиите.
„Затоа излезот го бараат во двете сценарија. Првото е тивкиот бојкот за претседателсите избори кој го заговараат. Додека се удираат во гради дека ќе згазеле во вториот круг, всушност тие сакаат да одработуват на тивок бојкот и спласнување на атмосферата на изборите. Второто сценарио е она на Ковачвски кој ја дал најдарежливата понуда до Али Ахмети. Ахмети има добиено бел лист на хартија од Ковачевски на кој само треба да ги напише институциите и министерствата кои сака да ги добие“, кажа Мицкоски.
Мицкоски порача дека излезот од сето ова е масовна излезност на изборите, како и масовна и недвосмилена поддршка за ВМРО-ДПМНЕ која е единствената сила за промени.
„Таа поддршка ни е потребна и за да нема уцени, ниту притисоци. Да имаме сила за промени, а таа сила можете само вие да ја дадете, народот на Македонија. Во првиот круг тука победата беше убедлива. 8079 гласа на 3900 за поранешнот претседател Пендаровски. Сега поддршката нека биде уште поголема за да може да жолтиот картон од првиот круг да биде црвен. Имаме незавршена работа, која ќе се финализира со огромна победа на 8 мај“, изјави Мицкоски.
Мицкоски се обрати и до неопределените, како и оние кои гласаа за кандидатите кои не се дел од вториот круг.
„Цунамито не огромниот бран на промени е започнат. Приклучете се и бидете дел од оваа генерација која одучува за сопствената иднина. Има надеж и ние заедно ќе се избориме. Сите оние кои пак во првиот круг гласаа за некој од другите опозициски кандидати кои сега се надвор од трката за претседател. Дојдете и поддржете ја единствената и главната сила за промени Гордана Силјановска Давкова и ВМРО-ДПМНЕ. Да не се ситнат промените. Приклучете се таму каде што е огромното мнозинство кое ја носи новата надеж за иднината на државата“, кажа Мицкоски.
Мицкиски на крајот им порача на граѓаните. „Ова не е Македонија што ја сакаш и ја заслужуваш. Овие избори се последна шанса за спас. Ширете ја пораката на промените. Тоа не се промени за освети не се промени за поделби. Тоа се промени во кои надежта го победува стравот. Заедништвото ги победува поделбите“.