Свет
Под истрага двајца капетани кои не пружиле помош
Против капетаните на двата брода кои не му помогнале на туристичкиот брод „Бугарија“, иако биле во близина, се покренати кривични постапи, соопшти руската Комисија за истра
Против капетаните на двата брода кои не му помогнале на туристичкиот брод „Бугарија“, иако биле во близина, се покренати кривични постапи, соопшти руската Комисија за истрагиДвата брода, еден товарен и еден танкер за нафта, се нашле на местото на несреќата на реката Волга во неделата, но сепак продолжиле без да понудат помош. Имињата на капетаните се уште не се обелоденети. Седум минути откако „Бугарија“ се превртел и потонал на местото на несреќата пристигнал друг туристички брод, „Арабела“ и веднаш им почна да им пружа помош на преживеаните. Рускиот министер за транспорт, Игор Левитин, денеска изјави дека капетаните на двата брода кои не пружиле помош ќе ја добијат „максималната можна казна“. „Според првичните информации, отприлика во исто време кога се случила несреќата, минувале два брода. Ги знаеме имињата на капетаните и тие во моментов се испрашувани во градовите каде што живеат. Ќе ги употребиме сите легални мерки за тие двајца да ја добијат максималната можна казна“, рече Левитин.Бродот „Бугарија“ потона во неделата со околу 205 патници, иако максимално можел да пренесува 120. Операторите на бродот, кој е изграден во 1955 година, исто така немал лиценца за превоз на патници, ниту пак за организирање на туристички тури. Бродот имал и цела низа безбедносни мани, како што е еден расипан мотор и неисправен прамец. Туристичкиот брод „Петр Албин“, кој е речиси идентичен со „Бугарија“ денеска е задржан во градот Казан поради безбедносни проверки. /крај/риа/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.
Свет
Путин издаде наредба: Вооружените сили на Русија ќе вежбаат употреба на нуклеарно оружје
Владимир Путин му наредил на Генералштабот да се подготви за вежби за употреба на нестратешко нуклеарно оружје, соопшти Министерството за одбрана на Русија.
„Со цел да се зголеми подготвеноста на нестратешките нуклеарни сили за извршување на борбени задачи, Генералштабот започна со подготовки за одржување вежби со ракетните формации на Јужниот воен округ“, се наведува во соопштението.
Како што се посочува, маневрите ќе се одржат во блиска иднина и ќе ги опфатат и авијацијата и морнарицата.
„Целта на вежбата е да се одржи подготвеноста на персоналот и опремата на единиците за борбена употреба на нестратегиско нуклеарно оружје за одговор и обезбедување на територијалниот интегритет и суверенитет на државата“, наведуваат од Министерството.
Тие додаваат и дека тоа е „одговор на провокативните изјави и заканите на одредени западни функционери“ против Русија.
Свет
Израел почна да ги евакуира палестинските цивили од Рафа
Израелските вооружени сили почнаа да ги евакуираат палестинските цивили од Рафа пред заканувачкиот напад врз тој град на југот на Газа, објави израелското воено радио.
Според извештајот, евакуациите сега се концентрирани во неколку периферни квартови на Рафа, од кои се вели дека евакуираните лица се насочуваат кон градовите со шатори во блиските Кан Јунис и Ал Муваси.
Меѓутоа, во она што се чини дека е почеток на евакуација на цивили пред копнен напад, израелската армија ги повика Палестинците во источните делови на Рафах да се преселат во блиската „хуманитарна област“.
По седуммесечната офанзива против Хамас, Израел соопшти дека во Рафа се засолниле илјадници борци од палестинската исламистичка група и дека победата е невозможна без заземање на градот.
Со оглед на тоа што повеќе од еден милион раселени Палестинци се засолнети во Рафа, изгледите за операција со многу жртви ги загрижуваат западните сили и соседниот Египет.