Свет
Смиленски ќе се соочи и со гневот на стечајците
Денеска или најдоцна во понеделник Методиј Смиленски треба да се појави пред
истражен судија за да даде исказ за кривичните дела за кои се товари, а веќе од
следната недела во Свети Николе ќе му се суди за злоупотребите во фабриките
„Снитекс“ и „Картонтекс“.
ОСВЕН СО ПРАВДАТА ЗА ИЗВРШЕНИТЕ ПРОНЕВЕРИ
Емил Зафировски
Денеска или најдоцна во понеделник Методиј Смиленски треба да се појави пред
истражен судија за да даде исказ за кривичните дела за кои се товари, а веќе од
следната недела во Свети Николе ќе му се суди за злоупотребите во фабриките
„Снитекс“ и „Картонтекс“. Јаким Наумов, неговиот адвокат, вчера потврди дека
Смиленски ќе даде изјава пред истражните органи.
– Денеска е ден за посета и јас ќе се видам со него за да се договориме како ќе
се браниме. Решението од екстрадицијата треба секој миг да го добијам.
Смиленски ќе треба да се соочи со обвиненија за злоупотреба службени
овластувања и фалсификување документи при приватизациите на „Снитекс“ и
„Картонтекс“, како и со обвинението за наводни злоупотреби извршени преку
Бирото за стоковни резерви – изјави вчера Наумов.
Освен со правдата пред судот, Смиленски за една недела ќе се соочи и со гневот
на светиниколци, во градот каде што почна да ја гради криминалната империја
кога со матни приватизации уништи илјадници семејства. Според светиниколци,
Смиленски е „најомразената личност што некогаш чекорела во нивниот град“.
– Тој е најголемиот крвопиец што безмилосно уништи стотици и стотици семејства
доведувајќи ги до работ на пропаста. Крлеж што буквално преку ноќ ја исцица
крвта на луѓето со незаконските преземања на фабриките. Нему не треба да му се
суди, тој треба веднаш да биде обесен и тоа на првата бандера – велат
светиниколци.
Тие велат дека и по две години не можат да ја тргнат од пред очи трагедијата
што му се случи на Страшо Василев, 55-годишен стечаец, кој почина од срцев удар
пред телевизиските камери додека заедно со останатите стечајци си ги бараше
заостанатите плати и неплатениот стаж. „Снитекс“, „Картонтекс“, „Бекон“,
„Зелукс“, „Конагри“, Макоимпекс“, земјоделски комбинат „Мустафино“, краварска
фарма, светиниколска фабрика за сточна храна „Сточарство“, „Македонка џинс“,
десетина конфекциски погони, фирми во Беровско и огромни земјоделски површини
се пустошот од приватизациите што ги спроведе Смиленски.
Вкупната бројка на отпуштените работници во фирмите каде што влегол Смиленски е
5.900 лица.
Фабриката „Снитекс“, некогаш беше една од најголемите фабрики за текстил.
Влегувајќи во „Снитекс“ првото што го направи Смиленски беше ставањето на
имотот на фабриката под хипотека, а парите од добиениот кредит наместо во
„Снитекс“ беа распоредени на сметките на останатите фирми на Смиленски. Иста
судбина доживеаја речиси сите фирми кои беа приватизирани од него.
Случајот со Бирото за стоковни резерви каде беа проневерени 5 милиони долари и
случајот со проневерата на 30 милиони долари од државните резерви на НБМ преку
Експорт – импорт, банката на Смиленски, ќе се судат во скопскиот Основен суд.
Ванчо Пеловски, поранешниот директор на Бирото, веќе изјави дека Бирото никогаш
не зело кредит од Експорт – импорт и обвини дека 5 милиони долари од НБМ биле
проневерени со фалсификувани документи за наводен кредит. Тој обвини дека
фалсификатот бил направен по налог на поранешниот гувернер на НБМ, Љубе Трпески
и на Смиленски. Според Пеловски, со тие пари се покриле претходни кредити што
НБМ и ги одобрувала на Експорт-импорт банката.
– Тие пари никогаш не се излезени од НБМ. Со лажни документи се префрлени во
Експорт – импорт банката за наводен кредит за Бирото, за потоа банката веднаш
да ги врати во НБМ. Тоа е направено за да можат да се покријат кредити што НБМ
и ги одобрувала на банката на Смиленски без одлука и одобрение на Владата –
вели Пеловски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.