Македонија
Царкњас ќе биде одликуван за долгогодишната работа
![](https://makfax.com.mk/wp-content/uploads/2016/11/a915fb00-e5dc-4260-9c18-809d45475755.jpeg)
Архимандритот Никодим Царкњас – духовниот водач на Македонците во Грција, на Глобалната конференција на Обединетата македонска дијаспора, ќе биде одликуван за долгогодишниот придонес за верска слобода на македонската православна вера во Грција
Обединетата македонска дијаспора ќе го одликува архимандритот Никодим Царкњас, на церемонијата на 13 јуни, за долгогодишна борба и придонес во одбрана на слободата на македонската православна вера во Грација, што и денеска продолжува да биде оспорувана од владата на Грција и од грчката православна црква, соопштуваат од ОМД.Архимандритот Царкњас е калуѓер на правславната христијанска вера. Тој е граѓанин на Грција и е член на етничкото, македонско, национално малцинство во таа земја. Царкњас беше член на член на Грчката православна црква, единствената легална православна црква во Грција, од 1973 до 1991 година. Архимандритот Царкњас бил личен секретар на епископот Августин, во леринската епархија. Тој се спротивстави на намерата на епископот Августин за искоренување на македонските верски обичаи, што беа угнетувани од грчката влада, уште од завршувањето на Втората балканска војна во 1913 година. Откако отворено го искажа својот македонски идентитет во 1991 година, и почна на македонски јазик да им се обраќа на жителите на епархијата, тој беше избркан од црковната служба во леринската епархија. Тој ја исвршуваше истата служба во воденската епархија, но и од таму беше избркан. Во 1992 година, потполно беше избркан од службата во Грчката православна црква, по што стана член на македонската православна црква. Царкњас продолжува да се соочува со проблеми во својата духовна работа со македонското малцинство во Грција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Сообраќајна несреќа кај Групчин, автопатот Скопје-Тетово е затворен за сообраќај
![](https://makfax.com.mk/wp-content/uploads/2023/04/soobrakajka-noke-policija-202622.jpg)
АМСМ информира дека од 19:45 часот Автопат Скопје – Тетово, кај Групчин, е затворен.
Според информациите, затворањето е поради сообраќајна незгода.
Сообраќајот се пренасочува по стариот пат.
Македонија
„Наместо 15 години работен стаж, да се добива пензија со пет години работно искуство“: пензионерите предложија нов закон
![](https://makfax.com.mk/wp-content/uploads/2021/10/stari-lufe-penzioneri.png)
Пензионерите на протест побараа линеарно зголемување на пензиите по 5.000 денари и на средбата во Свети Николе го презентираа нивниот предлог Закон со кој бараат минималната пензија да се поврзе со минималната плата.
Авторот на законското решение Миле Тасевски појаснува дека тие бараат минималната пензија да биде 70 отсто од минималната плата, а истото да биде и за просечната плата, односно пензија. Дополнително во новиот Закон се предвидува наместо 15 години работен стаж, пензионерите да добиваат пензија со пет години работно искуство. Во однос на старосната граница промени нема.
-Основата на нашиот Закон, прво се врзуваме со минималната плата. Ние сакаме 70 отсто од минималната плата да добива пензионерот, вели Тасевски.
Пензионерите благодарност упатија и до премиерот Христијан Мицкоски за најавата дека пензионерите ќе добијат покачување од пет илјади денари, половина во месец септември и половина во месец март, наредната година.
Македонија
Средба на заменик претседателот на Владата и министер за транспорт Александар Николоски и Амбасадорот на Унгарија, Андраш Клајн
![](https://makfax.com.mk/wp-content/uploads/2024/07/IMG-1a720f5f17a630e51d946fa70a0e08c2-V.jpg)
Заменик претседателот на Владата и министер за транспорт Александар Николоски, денеска оствари работна средба со Амбасадорот на Унгарија, Андраш Клајн.
На средбата министерот Николоски упати честитки за преземањето на претседателството со Советот на ЕУ од страна на Унгарија, со порака дека Владата останува силно фокусирана на европската агенда.
Исто така министерот Николоски ги потенцираше реформските процеси, истакнувајќи ги плановите на Владата за регионална интеграција и зајакнување на односите со земјите од Западен Балкан.
На средбата се разменија информации околу искуствата за модернизација на регионалната инфраструктура, со посебен фокус на патната и железничката инфраструктура.
Во Унгарија гледаме како долгогодишен партнер и пријател и огромна е поддршката што ја овозможува Унгарија за евроинтегративниот процес како врвен приоритет, потенцираше на средбата министерот Николоски.
И двајцата се согласија за натамошно зајакнување на билатералните односи и интензивирање на соработката во области од заеднички интерес за двете земји.