Македонија
ДКСК – За СДСМ кривична за останатите прекршочни пријави за изборите
Државната комисија за спречување на корупцијата до Собранието на Република Македонија достави Информација за примената на законските прописи во предвремените парламентарни избори 2011 во врска со прашања за кои е надлежна.
Државната комисија за спречување на корупцијата до Собранието на Република Македонија достави Информација за примената на законските прописи во предвремените парламентарни избори 2011 во врска со прашања за кои е надлежна. “Државната комисија за спречување на корупцијата не дојде до основани сомневања дека буџетските средства или средствата од јавните фондови, или средствата од јавните претпријатија и јавни установи или други правни лица што располагаат со државен капитал се непосредно или посредно користени за изборната кампања или воопшто за финансирање на изборна или друга политичка активност”, објави дел од информацијата претседателот м-р Воислав Зафировски.Во информацијата пишува дека од финансиските извештаи за втората половина СДСМ, финансискиот извештај го поднела со задоцнување за што се одговара прекршочно.Во овој извештај е актуелно прашањето за средствата од користениот кредит на олитичката партија СДСМ. Битно за одбележување за оваа фаза е информацијата според која Комерцијална банка, ја демантира информацијата што СДСМ ја имаше изнесено во војот финансиски извештај за првата половина, дека средствата на кредитот од банката преставуваат донација на банката на политичката партија СДСМ. Банката тврди дека е тоа чиста кредитна работа и ништо повеќе. Затоа комисијата информацијата на СДСМ во која тврди дека кредитот претставува донација ја квалификува како неточна, бидејќи кредитот по својата суштина не може да биде донација. Тоа значи дека се работи за давање невистинита информација што е казниво и според Изборниот и Кривичниот Законик. Одделни медиуми со прикривањето на дадените попусти и со ненаплатувањето на своите побарувања од организаторите на изборната кампања во рокот на спроведување на кампањата автоматски се јавуваат како видливи или прикриени донатори на политичките партии, а огромните разлики меѓу вредноста на дадените услуги и дадените попусти и ненаплатени побарувања се доказ за незаконито донирање што е казниво по закон. Одопсервираните медиуми во овој контекст како донатори се јавуваат А1 ТВ, ТВСител и ТВ Канал 5, стои во информцијата на ДКСК. крај.км
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.