Свет
Традиционалните германски политички партии го губат членството
Традиционалните германски политички партии минатата година загубиле голем број членови, додека значително се зголемило членството на Зелените и Пиратите.
Традиционалните германски политички партии минатата година загубиле голем број членови, додека значително се зголемило членството на Зелените и Пиратите.Најмногу членови загубиле Либералите(ФДП), партијата што владее во коалиција со Христијанско-демократската унија(ЦДУ) на канцеларката Ангела Меркел.Како што покажа истражувањето на Емнид-Институтот, објавено во понеделник, Либералите минатата година ги напуштиле 5.400 луѓе, што е осум отсто од вкупното членство. Така оваа партија, која во моментот ја ужива довербата на само два до три отсто од гласачите, остана со 63.100 членови.Двете најголеми германски партии, ЦДУ и Социјалдемократската партија на Германија(СДП), кои со години имаа приближно ист број членови, нешто преку 500.000, првпат паднаа под таа граница.СПД, која пред 20 години имаше милион членови, не можеше сè уште да го наведе точниот број на членови на почетокот на 2012 година. Конзервативците, според сопствени наводи, имаат 489.900 членови, што е за околу 15.400 помалку од минатата годинаИсклучителен успех доживеаја само Зелените и Пиратите. Зелените се единствената партија во Бундестагот која минатата година го зголеми членството – и тоа скоро 11 отсто на 59.000 членови. Опозиционата левица, пак, исто го загуби членството.Партијата на Пиратите, која е основана во 2006 година, успеа во 2011 година да го зголеми членството за дури 8.000 луѓе, така што сега има нешто над 20.000 членови.Германските партии, покрај членарината и донациите, се финансираат и од државни средства. Тие се доделуваат врз основа на успехот на покраинските, сојузните и изборите за Европскиот парламент, но и зависно од бројот на членовите.Шефот на Емнид-Институтот Клаус Петер Шепнер оцени дека осипувањето на членството не е зачудувачко, бидејќи „партиите едноставно повеќе не се доволно атрактивни“.Проблемот е во тоа што, како што наведе, партиите во време на сè поголема „европеизација на политиката делуваа сè понемоќно“. Така „граѓаните имаат впечаток дека политичарите сè помалку можат да влијаат на случувањата“, а покрај тоа „политиката сè потешко ја разбираат“. /крај/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Свет
„За секој случај“: дури 75 проценти од пациентите во Ковид кризата биле лекувани со антибиотици
Иако за време на пандемијата на Ковид, само осум проценти од хоспитализираните поради оваа болест во светот страдале од бактериска инфекција која бара третман со антибиотици, дури 75 проценти од сите пациентите биле лекувани со антибиотици „за секој случај“, според новиот извештај на Светската здравствена организација.
Таквата неконтролирана употреба на антибиотици, како што се наведува, веројатно придонела за натамошно глобално ширење на антимикробната резистенција, односно отпорноста на бактериите на антибиотици.
Овие лекови прекумерно се користеле во регионот на Источниот Медитеран и Африка, каде што во периодот помеѓу 2020 и 2022 година, 83 отсто од пациентите биле третирани на овој начин, додека во регионот на Западен Пацифик, повеќе од една третина од пациентите биле третирани по принципот „за секој случај“ со користење на антибиотици.
Во исто време, во Европа и во САД, употребата на антибиотици беше поголема од вообичаеното, но со текот на времето лекарите значително го намалија препишувањето на таквите лекови.
Според извештајот на СЗО, дури 81 отсто од тешко болните од Ковид во светот биле лекувани со антибиотици, додека на пациентите кои имале поблага форма на болеста, во многу случаи, непотребно им бил препишан таков третман.
Извештајот се заснова на податоци и анализа на 450.000 хоспитализирани пациенти во 65 земји во светот, наведе СЗО, истакнувајќи дека итно е потребна промена во политиката за препишување антибиотици.
Отпорот на овој вид лекови претставува сериозна закана за понатамошниот успешен развој на здравствената заштита во светот, предизвикува потешкотии во сточарството и производството на храна и негативно влијае на глобалниот економски напредок. Според некои податоци, во 2019 година во светот се забележани повеќе од 1,27 милиони смртни случаи поради отпорност на антибиотици, а се проценува дека до средината на векот бројот на смртни случаи би можел да достигне десет милиони.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.