Свет
Авијацијата на НАТО уништи три ракетна система на силите на Гадафи
Авионите на државите членки на НАТО кои учествуваат во операцијата „Обединет бранител“ во Либија, последното деноноќие извршиле 124 летови, од кои 45 биле борбени, при што уништиле три ракетни система од типот „земја-воздух“, една противавионска батерија, радарски систем и еден тенк.
Авионите на државите членки на НАТО кои учествуваат во операцијата „Обединет бранител“ во Либија, последното деноноќие извршиле 124 летови, од кои 45 биле борбени, при што уништиле три ракетни система од типот „земја-воздух“, една противавионска батерија, радарски систем и еден тенк.Како што соопшти во петокот прес-службата на западната воена алијанса, покрај овие покрупни цели, во борбените летови била уништена и бројна друга воена техника, оружје и објекти што ги користат силите лојални на либискиот водач полковникот Моамер ел-Гадафи. Од 31-ви март годинава кога операцијата мина под команда на НАТО, во рамките на акциите за обезбедувањето зона на забранети летови над Либија и заштита на цивилното население, авијацијата на Алијансата извршила вкупно 15.028 летови, од кои 6.040 биле борбени. За контрола на спроведувањето на ембаргото за оружје за Либија и за патролирање во централниот Медитеран во четвртокот биле ангажирани 17 бродови на НАТО. Од почетокот на воените операции на Алијансата за контролирање на курсот на бродовите и товарите што ги превезуваат бродовите коишто пловат во овој дел од Средоземното Море, била извршена контрола на вкупно 1.860 бродови, од кои само во четвртокот биле проверени 21 пловило. Прегледување на товарите на бродовите било извршено 180 пати, а во девет случаи по инсистирање на НАТО, бродовите упатени кон либискиот брег биле принудени да го променат курсот на пловење.Во средината на февруари во Либија почнаа масовни демонстрации со барање по повеќе од 40 години од власта да се повлече либискиот водач полковникот Моамер ел-Гадафи, кои подоцна прераснаа во вооружен судир меѓу владините сили и бунтовниците. Советот за безбедност при Обединетите нации на 17-ти март ја донесе резолуцијата со којашто се наметна зона на забранети летови над Либија. За да се обезбеди зоната на забранети летови, како и спроведувањето на ембаргото за оружје и за заштита на либиските цивили, коалицијата на западните земји на 19-ти март ја започна воената операција чиешто раководење набрзо целосно беше преземено од страна на НАТО. Мандатот на операцијата која се изведува под кодното име „Обединет бранител“требаше да заврши на 27-ми јуни, но на 1-ви јуни операцијата на НАТО беше продолжена за 90 дена – до крајот на септември./крај/рн/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Свет
(Видео) Нарачала фустани преку интернет, а во пакетот ѝ стигнала епрувета со крв
Ана Елиот од Тенеси неодамна нарачала фустани преку онлајн продавница, а кога пристигнал пакетот била преплашена.
Во кутијата, покрај облеката, пронашла епрувета со човечка крв и конзерва грав!
„Епруветата немаше име, име на лабораторија, ниту датум кога е земена крвта“, објаснува таа во видеото кое е прегледано повеќе од седум милиони пати.
Девојчето го контактирало Центарот за контрола и превенција на болести, кој го третира инцидентот како „биолошка опасност“, пренесува New York Post.
Ана ги предупреди клиентите на онлајн продавницата да бидат внимателни при отворањето на пакетите, а подоцна откри дека била во контакт со нивните претставници.
„Покренавме истрага и утврдивме дека пакетот поминал контрола на квалитетот и го оставил нашиот пакет без дополнителни артикли. Само со артикли кои се нарачани“, велат од компанијата.
Жителката на Тенеси објави серија видеа во кои ги информира своите следбеници за најновите случувања.
Претставник на транспортната компанија изјави:
„Искрено се извинуваме за ова искуство. Ние ги третираме пратките на нашите клиенти со најголема грижа и преземаме соодветни чекори за да го решиме овој проблем“.
Сè уште не се знае чија крв е во шишето, а конзервата со грав е уште поголема мистерија.
@anna_200.1 @SHEIN is denying that they have anything to do with it. And the @CDC.govOfficial ♬ Spooky, quiet, scary atmosphere piano songs – Skittlegirl Sound
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.